Ka Nonanona, Volume III, Number 21, 5 March 1844 — Page 106

106 KA NONANONA. (MARAKI,

ko o ke aupuni o Satana, a hiki i keia wa. Nolaila e noonoo pono, a e noonoo koke oukou. Mai hoopanee. Ke hamama nei ka puka o ko ke Akua aupuni; aka, kokoke paha ka manawa e ku iluna ka Haku nona ka hale, a pani i ka puka, a ku oukou mawaho o kikeke ana ma ka puka me ka olelo, E ka Haku, e ka Haku, e wehe ae ia makou; a e olelo no ia ia oukou, "Aole au e ike i ko oukou wahi i hele mai ai." Alaila e olelo no oukou, "Ua ai makou, a ua inu hoi imua o kou alo, a ua ao mai no hoi oe ma ko makou alanui." A e olelo hou ia, "Ke olelo aku nei au ia oukou, aole au i ike i ko oukou wahi i hele mai ai; e hele aku oukou mai o'u aku nei, e ka poe hana hewa a pau. Alaila e uwe ai, a e uwi ai na niho, i ka wa e ike ai oukou ia Aberahama, a me Isaaka, a me Iakoba, a me ka poe kaula a pau, iloko o ke aupuni o ke Akua, a o oukou iho hoi, ua kipakuia'ku iwaho." Luka 13: 24-28.
          E na hoahanau, o ka hope weliweli no keia a ka Haku i hoakaka mai ai, no ka poe komo hewa maloko o ka ekalesia, a ae waha wale, aole me ka naau; a ai hewa, a inu hewa, a noho palaka, a hooko ole i na mea a lakou i hoohiki ai. Ke manao nei au, ua nui loa ka poe maloko o na ekalesia o keia pae aina ka like me keia poe a ka Haku i hoike mai ai, a like auanei ko lakou hope, me ko lakou la. E na makamaka, na hoahanau, e ala mai oukou, e nana ia oukou iho; no ka mea, ua kokoke mai ka Haku. A. T.

BATIMEA PUAAIKI.
MOKUNA I V.

He wahi manao hou no ka noho kahiko ana o Puaaiki. Ka poino o ka poe ike ole ia Iehova. Ka lokomaikai nae o ke Akua i kona hoohuli ana ia lakou ma ka pono. O ka ike mua ana o ka mea nana i kakau i keia palapala ia Batimea i Lahaina Kona, noho ana ma Hilo i Hawaii. Kana hana ana malaila. Kona hoi ana i Maui. O kana hana ana ma Wailuku a ma na wahi kokoke malaila.
          "E wehe i ko lakou mau maka, a e hoohuli ia lakou mai ka pouli mai i ka malamalama, a mai ka mana o Satana i ke Akua, i loaa ia lakou ke kala ana o ka hala, a me ka hooilina mawaena o ka poe i hoomaemaeia e ka manaoio mai ia'u."
          Ma ka lohe pepeiao, ua loaa mai ia'u keia mau mea a'u i hoakaka ma keia mau mokuna no Puaaiki, ua hoonoho au ia ia imua o oukou, e ka poe e heluhelu ana i keia wahi mooolelo nona, i kona ano maoli, he mea ilihune, naaupo, haumia; ua naaupo ma na mea a pau e pono ai ke kanaka ke ike; ua nele oia ma na mea e pono ai ke kanaka ke loaa; e noho ana ma ka hewa, e moe ana iloko o ke kiolepo o ka haumia; o kona noho ana, aole ia he mea e pono ai kekahi/ a i ke nana aku, e poho ana oia iloko o ka lua o ka make mau loa. Pela ke ano o Puaaiki ma ka olelo hoike o kekahi poe e noho ana i keia manawa, ka poe ike pinepine ia ia mamua. Aloha ino! He ano ka keia o ka mea i hanaia ma ke ano o ke Akua, ke ano keia o ka mea e ola mau loa! E nana mai oukou, e ka poe i kaena pinepine i ka hala ole, a me ka maemae, a me ka pomaikai o ka poe e noho ana, a e make ana me ka ike ole aku ia Iehova a me kana Keiki ia Iesu Kristo. Aka, ea, okoa ko oukou manao, okoa ka manao o Iehova. I mai oukou,