Ka Nonanona, Volume III, Number 19, 6 February 1844 — Page 96

96 KA NONANONA. (FEBERUARI,

kahi poe hoahanau hihia, a ua hoihoi ia mai; he kanakolu kumamaiwa o lakou. Ke launa mai nei ka Uhane Hemolele me kekahi poe hoahanau i keia manawa. Nolaila ke mihi nei lakou i ko lakou hewa, me ka pule ikaika i ke Akua. A ke hele nei kekahi poe i ke kauhale e paipai ana i na kanaka e ala, e mihi, a e huli mai mamuli o Iesu Kri sto.
          I kela makahiki he nui loa ka palaka; aole kanaka e imi pono ana i ke ola o ko lakou uhane. Aka, mai ka wa i okiia kekahi poe hihia, ua lana ka manao o na hooikaika, a ua launa nui mai, me ka hai manao. Aole nae akaka lea ko lakou mihi io a me ko lakou manaoio a Kristo. O ka poe e mihi io ana me ka haawi lilo i ko lakou naau ia Iesu, oia ka poe e hana mau aku ma ka pono a hiki i ka make. A o na mea e ae, e hoi hou auanei i ka hewa, e like me ka ilio i kona luai iho; a me ka puaa hoi i holoiia i kona haluku ana iloko o ke kiolepo.
          Eia hoi kekahi; ke hoi mai nei kekahi poe, mai ka aoao pope mai; a ke hoahewa nui nei lakou ia lakou iho no ko lakou ae wale aku i ka hoomana kii, a me ka pule naaupo wale aku ia Maria.
Na L. KAMIKA.

NA MEA HOU.

            I ka la 3 o Feb. nei, ku mai ka manuwa Beritania ma Honolulu nei, o Hazzard kona inoa; mai Mesiko, (Mazetlan) kona holo ana mai; ua lawe mai ia ia Gen. Mila, ke Kanikele nui no ke aupuni o Beritania, e noho ma Hawaii nei, a me kana kaikamahine. Eia no laua ke noho nei iloko o ka hale kahiko o kanikele i hoi aku nei. He helehelena oluolu loa ko keia Kanikele hou; a ua manaoia he pomaikai ko Hawai nei aupuni i kona noho ana maanei. Ua holo aku i Maui e ike i ke alii.
          Eia kekahi; kokoke holo mai kekahi manuwa hou mai Mazetlan mai, he moku Beritania.
            Eia kekahi; i ka malama Okakoba 1843, aia no Mi. Rikeke laua o Haalilio a me P. A. Brinsmade ma Ladana; ua oluolu lakou ekolu. Ke hoi mai nei paha lakou i keia wa.
          Eia kekahi; ua pau pono ka pilikia iwaena o keia aupuni a me ke aupuni Beritania. Pela ko makou lohe maopopo.
          Eia kekahi lohe; ke holo mai nei kekahi mau misionari hou; eha kane, elima wahine, mai Bosetona mai. O ke kaikamahine o Mi. Wini kekahi o lakou; o Maraia kona inoa. Ma Kauai kona wahi i hanau ai. Iloko o Dekemaba ko lakou holo ana mai; iloko o Mei paha hiki ia nei. Aole holo pu mai o Binamu ma.

ALEMANAKA.

Ka malama 4. APERILA, 1844. O kona mau la 30.

La. h. m.
Mahina poepoe, 3 6 58 K.
Mahina hapalua hope, 9 10 09 A.
Mahina hou, 17 4 32 A.
Mahina hapalua hou, 25 8 17 K.

Na la o ka malama. Na la o ka hebedoma. Ka hora i puka mai ai ka la. Ka hora i napoo ai ka la. Ka hio ana o ka la. Ka hoohalike i ka hora.
Houluulu
h. m. h. m. Akau. m. s.
1 Monede, 5 52 6 08 4° 42' + 3 53
8 " 5 49 6 11 7° 21' 1 49
15 " 5 44 6 16 9° 54' - 0 03
22 " 5 41 6 19 12° 20' 1 36
29 5 37 6 23 14 35 2 48

Na LIMAIKAIKA e hoopuka'ku.