Ka Nonanona, Volume III, Number 19, 6 February 1844 — Page 90

90 KA NONANONA. (FEBERUARI,

baka waiu. Oia ka lakou mau hana ma ke kino. Aka, o ka lakou hana ma ka uhane, aole akaka. Ua kuhi paha ka nui o lakou, aole he Akua, aole he la hope, aole he po, aole lani. O ko lakou kino, ko lakou akua. Aole lakou hele i na halawai ma ka la Sabati. Aole halawai haole l kekahi manawa, hele no kekahi hi mau haole i ka halawai maoli, aole nae i hele mau.
          Eia kekahi mea hewa loa o na haole. Ina hiki aku ka rama ma Waimea; holo kiki lakou ma kahi o ka rama, a lalau a inu a ona, alaila, ala mai ka walaau, ka hailiili, ka huhu, ka hakaka, ke kui aku, kui mai, a eha ka maka, a pehu loa, a aneane make kekahi, i kekahi manawa.
          Ua like loa lakou me ka poe hehena; makau ka lakou mau wahine, a hele aku ma kahi e e noho ai, a pau ka ona o na kane. Ku panaha ke ano o na haole, na mea i hele mai no na aina naauao mai. Auhea ko lakou hilahila, a me ko lakou makau i ke Akua. "Pehea hoi e pau ai ko lakou inu rama ana?" Ua paipai no ka misionari ia lakou e haalele i na mea ona, e kakau i ko lakou inoa ma Puali Inu Wai. A, ua kakau no kekahi poe i ko lakou inoa. Aka, aole lakou i hooko i ko lakou hoohiki ana: hoi hou no lakou i ka inu rama. Ua kau na'lii i kanawai no ka poe inu rama. Aka, aole i makau na haole ia kanawai, aole hoi i hookoia ia kanawai, No ka lunakanawai paha ka hewa - no na makai paha. Nolaila lanakila wale ka hewa ma Waimea. Aole na haole a pau i inu rama. Ua kaawale kekahi poe, aole inu, aole lalau ia mea ino. Pomaikai ka poe i pakele. Aole na haole wale no ka i inu, he poe kanaka maoli kekahi. Ua like ka poe inu rama me ka mimilo e omo ana i na mea a pau e kokoke ana. Auwe ka aina mauna no keia mimilo! E nui paha auanei ka poe a pau i ka omoia ilalo a poholo loa iloko o ka lua make. Na ke Akua wale no e hoopakele mai.

NO KA MAHIAI.

            I pono ka mahiai ana, eia kekahi mau mea e hanaia.
          1. E paia na aina i ka pa. Hemahema loa na aina i pa oleia, komo na holoholona, a pau ka ai, a ua poho wale ka hana.
          Ina i pa okoa ia ka aina, o kela kanaka keia kanaka, oia ka pono loa.
          Alaila ia ia wale no ka olelo no kona aina, aole ia hai kekahi.
          Eia na pa pono; ma kahi aa he pono ka papohaku. Ma kahi aa ole, i pa kanu ka pono. Ua hakalia iki kona ulu ana, aka, hiki kona wa nui aole e pau wawe.
          Eia na laau pono ke kanuia i mea pa.
          Ma na wahi wai ole he pono ka pa bipi, a me ka wiliwili. Ma na wahi mala ole, a me na wahi waikahe, he nui na laau pono. O ka hala kekahi, ka wiliwili, ka ohai kahiki, ka pomeraite.
          E malamaia i kona wa uuku i ole e pau i na holoholona.
          Ua uuku ka waiwai o ka palepo; helelei wale, a ua wahiia e na holoholona kolohe.
          Eia no nae kona waiwai - e paia ka aina hemahema i ka palepo, no ka hiki wawe o ka hana, alaila e kanuia ka palaau maloko a pili, a i ka wa ua helelei ka palepo, ua ulu a nui ka pilikia.