Ka Nonanona, Volume III, Number 13, 14 November 1843 — Page 61

KA NONANONA.
"E ka mea hiamoe, e hele oe i ka nonanona, e nana i kona aoao a e hoonaauao iho." SOLOMONA.
Buke 3. HONOLULU, OAHU, NOVEMABA 14, 1843. Pepa 13.

NO KA OIHANA AUPUNI.

                Ke hoakaka aku nei makou ma ke akea, ua hiki mai ma Lahaina i ka la 30 o Okatoba, o George Brown Esq. ka (Commissioner) no ke aupuni o Amerika Huipuia, i ke aupuni o Hawaii nei, maluna o ka moku manuwa Cyane, kapena Stribling: oia no a me G. P. Judd ka mahele olelo no ke alii; a ku ka moku, kipu aloha i ka hae Hawaii, he iwakalua kumamakahi pu, a kipu aloha hoi ka Papu 21 pu, a i ka wa e holo mai ai o Mr. Brown, kipu ka moku, 13 pu; a pae oia i uka, halawai me Paki, a me kekahi mau alii, hele mai la a ka hale o ka mea Hanohano ke Kuhina, a hoike mai la i kana palapala.
                Ma ka hora akahi o ia la no hoike aku la ke Kuhina ia Mr. Brown i ka Moi ke alii, alaila, olelo mai la oia i keia mau olelo;

                E KA MAKUA:—
                No ka mea, ua kohoia wau e ka Peresidena* o Amerika Huipuia i Luna e noho ana ma ke Aupuni ou e ka Moi; nolaila, ua hele koke mai nei au e aloha aku ia oe.
                Aole loa he makemake ko makou Aupuni e hoopunahele loa ia mai, aole hoi he manao me ka makemake e keakea aku i na aina kalepa e ae a pau loa, i ko lakou lawe pu ana i kekauwahi o na pono e loaa mai ai ma ka noho pu ana me ko kou mau aina; aole ia e imi iki i mea e haku ai maluna o oukou, a me ka hookonokono pono ole aku: nolaila ke manao nei ia, aole e haawiia aku i ko kekahi aina na pomaikai, ua oi aku. Eia ka manao nui o ko makou Aupuni e lilo ka aina o Hawaii i Aupuni Kuokoa, a e hana aku i ko na aina e a pau loa me ka paewaewa ole.
                E ae mai oe, e ka Moi, ke hiilani aku wau ia oe no ka manao nui o kekahi o na Aupuni lanakila a me ka malu o ka honua nei, e pomaikai wale oe a me kou aina; ua ikea keia ma ka ae like ana o na lii e hoomaka i ka oihana aupuni me oe.
                He mea oluolu paha ia oe e ka Moi, ke hoomanao i keia, aole i hala mai ka hapaha o ka haneri makahiki mai ka wa mai o ka noho ana o kou aina ma ka hoomana kii; aka, j'no ka emo ole o. ku naauao n me ka-haipule Kristiano ana; nolaila, e komo mai ana no oukou iloko o ka launa pu ana me na aupuni kahiko loa o ka noho ana o na pono e loaa mai ai ia lakou ka lanakila a me ka olioli.
                Mahope mai o ke aloha e pono ai oe ke mohai aku i ka Mea Mana nana e hooponopono i na men a pau, e pono ia oe ke aloha aku i ka poe i haalele i ko lakou mau makamaka a me ko lakou aina e pono ai kou mau kanaka, e ao aku ai hoi ia oukou ma na mea pomaikai o ka aoao Kristiano, a me na hana ike o ka naauao. He aie keia, hookahi wale no mea e kaa ai, o ka ike pono ia, ua make hewa ole ka lakou hana.
                Ke hooiaio aku nei au ia oe e ka Moi, e oluolu maoli wau ke hiki ia'u iho ke lilo wau i mea nana e hookui

* Oia ke alii nui o Amerika Huipuia.