Ka Nonanona, Volume III, Number 6, 8 August 1843 — Page 29

1843.) KA NONANONA. 29

kou hanohano; a o na haole o na manuwa, me ko lakou hanohano me na mea kani. A i ka wa i hiki ai mauka a komo ma ka hale pili, oia ko hoomaka ana o ka hoolea me na mea kani.
                A i ka wa i makaukau ai na mea ai ma ka papaaina i haliiia i na lau nahelehele, he 32 anana ka loa, 2 anana ka palahalaha, A o ka nui o na mea i kauia ma keia papaaina, 60 puaa, 300 moa, 40 palahu, 53 koloa. A o ka nui o na ukana nana i hana i keia mau mea ai; Kamamalu 1 ukana; Lota 1 ukana; Liholiho 1 ukana; Mose 1 ukana; Lunalilo 1 ukana.
                O ka nui o ka poe aipuupuu he kanaha a keu aku ma ka ukana hookahi. A o na pa 250, o na pahi 250; a o na o 250; a 250 bora; 250 kiaha; 150 puaa. A o ka nui o ka poe i ai 250 a keu aku paha; elua haole kiekie, o Kamakoa Kearny no ka manuwa Amerika, oia ke poo o na manuwa A. Huipuia ma Inia Hikina. A o Adimarala R Thomas no ka manuwa Beritania, oia ke poo maluna o na manuwa o Beritani ma ka moana Pakifika.
                A eha hoi hae i kau ia maluna o na koa i ka wa i ahaaina ai; hookahi hae Beritania, hookahi hae Amerika, hookahi hae Farani, a hookahi hoi hae Hawaii, a o ka hae Kalaunu ua kau ia ma ko ke lii wahi.
                A pau ka ahaaina; hoi mai la ka nui o na kanaka hele wawae, ke huiia na kane na wahine a me na kamalii 2000, a keu aku paha. A o ka nui o na lio 27o, a o ka hoonoho ana o na lio i ka wa i hoi mai ai, ua papaha ia; a elua hae me na mea kani, a o ka hana ma ko lakou mau waha o ka hipihipi hulo me ka olioli nui a hiki ma Haliimaile. Na I. H. PAEHEWA. Kakauolelo.
Papu Au. 5, 1843.

EONO MOKU MANUWA.

                E ku ana na moku manuwa eono ma Honolulu, i keia la Augate 4. Ekolu o lakou, mai Beritania mai, a ekolu hoi, mai Amerika mai.
                Eia na inoa o na moku Beritania. (1.) Dublin, he frigate ia; Rear Adimala R. Thomas ke alii. He 50 pu nui ma keia moku.
                (2.) Carifot, he frigate uuku ia, Haku Geoge Paulet ke kapena; he 26 pu nui ma keia moku.
                (3.) Hazard, he Sloop ia, Bele ke kapena, he 16 pu nui ma kela moku.
                Eia na inoa o na moku Amerika.
                (1.) United States, he frigate ia; Kamakoa Jones ke alii. He 52 pu nui ma keia moku.
                (2.) Constellation, he frigate ia. Kamakoa Kearney ke alii, 46 pu nui ma keia moku.
                (3.) Cyane, he Sloop ia, C. K. Stribling ke kapena, he 20 pu nui ma keia moku.

HE MEA HAUOLI.

                Ua hiki mai na palapala mai Amerika mai, a mai Beritania mai keia mau la; a ua lohe makou i ka ae ana mai o ko Beritania laua ko Farani i ka lilo ana o ko Hawaii nei pae aina, he aupuni kuokoa.

Papu, Honolulu, Augate 5, 1843.

                Aloha oe e ka mea hoolaha manao.
                Ke hai aku nei au ia oe i kekahi mea i hoopaapaaia; eia ua mea la. I ko'u pii ana aku ma kahi o Mr. Saaka, i ka uaua ahaaina a na haole a me na lii, i ka hora 7 paha o ka po. Kamailio ae la kekahi kanaka penei, he like wale no na ano a pau o na kanaka, aole pono e kapa aku i alii, no ka mea, hookahi no kupuna o Adamu. Aole i hana ia mai i kupuna alii kakahi," (no Kamehameha III keia hoole ana a keia kanaka). Alaila olelo aku la au ia ia, aole i hoole mai ke Akua i ka noho alii ana o kekahi mea, no ka mea, ua ae mai no hoi oia i ka noho alii ana o Davida, a me kona poe mamo. Alaila i mai la kela, "hookahi no koko, aole he koko keokeo kekahi a he koko ulaula kekahi e pono ai ke lilo i alii." Alaila i aku au ia ia, ina