Ka Nonanona, Volume III, Number 5, 25 July 1843 — Page 23

(IULAI, KA NONANONA. 23

i ke kula. Heaha la ke kumu o keia komo ole mai?
                Penei ko'u manao ma ia mea; no ke kumu paha i ke kauoha ole i kana haumana, e hele a komo aku i ke kula a mea, a i ole ke kauoha, e palapala iho oe i palapala a nana e lawe a ke kumu ao o kona wahi e noho ai, haawi aku; me ke kauoha, a hoi mai ka'u haumana, e hai mai i ka hele o ka haumana a me ka hele ole i ke kula.
                He molowa maoli iho no paha no ka haumana keia hele ole i ke kula.
                No na kahu kula paha kekahi hewa, i ke kauoha ole i na Kumuao a hana e like me ka holo lea ana o ka naauao i keia pae aina.
                Penei ke kauoha a Iohn Ii ko makou kahu penei, "Auhea oukou e na kumu, ke ae aku nei no wau ia oukou e ao i na haumana, a hiki i ka wa e hele ai me ka makua, makamaka paha, e haawi aku i palapala nana e komo ai i ke kula ma kona wahi e noho ai, a i ole ka palapala, kauoha waha aku, e hele a komo i ke kula, a hoi mai nonoi aku i palapala ia kumu i maopopo ua ao ia oia;"
                Ma Honolulu nei no keia olelo ana o I. Ii i lohe ai makou, aole au i lohe i ka olelo ana pela ma na wahi e ae a puni Oahu nei.
                Pehea na kahu kula o Hawaii elua laua, o Maui hookahi, o Molokai hookahi a o Kauai hoi. Ua hana anei oukou e like me ke kahu Oahu nei? Ina aole, ea, e nana a e hele i ka "Nonanona, a e hoonaauao iho," i loaa keia mea ia oukou e na Kahu a me na Kumu.
                Malie ua makaukau oukou na Kumu i ke aoi na haumana, a ua palaka, nanea, hiamoe paha oukou iloko o ka mahaloia i ke akamai o na haumana.
                A haalele oukou i keia pono, pololei, Mimo, Panakai, o kekahi kookoo hoi keia o na haumana, e kulanalana ole ai na haumana ke hele ma kela wahi keia wahi o keia pae aina, mai akau a i hema mai hikina a i komohana. Ke lawe nui mai nei ka'u mau lunakula i na keiki malihini, ma ko'u kihapai.
                Aloha oukou a pau na hoa aloha luhi o ke kula.
Manoa. Iulai 12, 1843. S. H. KAMAKEA.

Waialua, Iulai 3, 1843.

ONA BAKA.

                I ke kakahiaka, hele mai la kekahi kanaka, makai mai nonoi mai la i ke ahi baka, haawi aku la na kamaaina i ke kila kaka iho la ua kanaka nei a a ke ahi, lalau iho la i ka ipu baka.
                Pupuhi iho la, a ona a haule i ka puahi, a pupu mai la ka hua o ka waho. Ina paha he ahi ko kapuahi ina ua wela kona poo a me kona lauoho i ke ahi. Auhea oukou, e ka poe puhi baka? E hoopapau nei ma ia mea ino.
                I ko'u ike ana ia ia e moe ana hu mai la ko'u aloha i ka poe make iloko o ka ona.
                Ina e noho palau oukou ma ia mea, o ka lua pau no ia e make ai na uhane. Aloha oukou. Na KEAUIAOLE.

POPILIKIA.

                Ua uwe kekahi haole inu rama no kona popilikia. Ninau kekahi ia ia i ke kumu o kona popilikia. I mai la ia penei; "Eia no ko'u mau mea popilikia, ua nele au i ka hana ole, ua nele au i ke dala ole; ua nele au i ka lole ole; a ua nele au i ke kamaa ole, he nui loa ko'u aie; a he nui hoi ka hoowahawahaia mai e kanaka." Oia kona mau popilikia no ka inu rama.