Ka Nonanona, Volume III, Number 2, 4 July 1843 — Page 10
10 KA NONANONA. (IULAI,
pono ole e haunaele ai keia aupuni: A hoopau ae i na hoomana kii a me na pule anaana a me na mea like e ae a ko kakou poe kupuna i hana'i.
Eia hou keia, o ka noho maluhia ana o keia aupuni, malalo o na kanawai o ke Akua a me ka aina, i kauia e na'lii e noho nei. Nolaila, pau ka powa; ka hao wale ana a me ke umi keiki ana o na makluahine o kakou e noho nei.
Eia hou no keia pono, o ka hemo ana o ka pilikia i ke kapa, i ke kukui a me na auhau o ke kino a me ka aina. Nolaila, i keia manawa, ua ike kakou i na mea hou a me ka lohe ana kekahi, i na olelo o kela aina o keia aina. Aole i ike ia keia mau mea a pau, e ko kakou poe kupuna, i kela manawa, ka Lio, ka Bipi, ka Hipa a me ke Kao, kela mea keia mea, he nui wale i keia manawa. Nui ka pomaikai i koe no keia aupuni, i ka holo ana mai o na moku, aole pau i ka hai ia maloko nei.
No ka poino i hiki mai, i ka holo ana mai o na moku. O ka hiki ana mai o ka poe e e haunaele ai keia aupuni; a manao e kukulu i na hale kuai no na mea ona, no ka rama a me ka barani; a no na mea like e ae kekahi e ona'i ke kanaka, a lilo loa i ka lealea malaila.
Eia kekahi, o ka hiki ana mai o kekahi mea ino ma Hawaii nei, e eha ai ke kino. O ka mai puupuu liilii, ka pala, na mea niho awa i hiki mai maanei, i keia manawa.
Eia hou kekahi hewa nui loa, i hiki mai i keia manawa. O ka poe alakai hou i keia lahuikanaka i ka naaupo; a hoomana hou i ka mea i papaia mai ai e ke Akua, maloko o kana olelo, Puk. 20: 3, 4 5.
Eia hou no keia poino, o ka hiki ana mai o kekahi poe manao hoopilikia wale mai i keia pae aina, me ka hookaumaha a me ka hoino wale mai i na'lii a me na kanaka o keia aupuni.
Nui ka poino i koe no keia pae aina i ka holo ana mai o na moku, aole pau i ka hai ia'ku. Na K.
Lahainaluna, March 24, 1843.
Lahainaluna, Aperila 3, 1843.
NO KA HEWA O KA POPE.
Ua akaka loa ka hewa o ka pope, ko lakou wahahee ana, he mea ia e olioli ai kankaka i ka pule pope.
1 O ka hoomanakii, oia kekahi hewa o ka pope. Eia ka mea e akaka ai ko lakou hoomanakii; o ko lakou pule ana i na haipule make, o ka hoomana i ka barena ahaaina a me na kii i penaia, hoomana lakou i na anela, a me na mea make, a me ka mesa a me na mea e; aka, o ka hoomana ia Maria oia ka i oi loa aku.
2. O ka aoao pope he aoao e make mau loa ai ia. No ka mea, i ko lakou kapa ana i ka barena o ke kino io maoli o Iesu, hoolilo lakou i ka ahaaina i mohai maoli no Iesu. Oia ka mea hoole i ka Ieru mohai. I ko lakou manao, hiki i na kahuna a pau a lakou ke kala i ka hewa, aka, ma ka palapala hemolele hookahi wale no mea kala i ka hewa, o ke Akua. Nolailla, he akaka ko lakou haalele ana i ka euanelio a Iesu.
3. He aoao kipi ka aoao pope. No ka mea, he mea mau ia lakou ke ao aku penei, E hiki no i ka pope ke hooki aku i ka noho alii ana o na alii nui o keia aupuni kela aupuni, ma kona makemake, a e hiki i ka pope ke papa aku i na kanaka o keia aupuni kela aupuni, i ole lakou e malama hou aku i ko lakou mau alii; a lilo i mea ole ka lakou hoohiki ana mamuli o ko lakou alii ponoi.
4. He aoao makapo ka aoao pope. Olelo ka pope, he kanaka hala ole ia, Aole loa e hiki ia ia he hana hewa.
5. No ka mea, oia ko Karisto pani hakahaka, aia no me ia ka Uhane hemolele.
Aka, ua akaka ka hewa o keia manao kuhi hewa loa, no ka mea, aole kanaka hala ole i hoakaka ia mai, ma ka olelo a ke Akua. Hookahi wale no, o Iesu Kristo. Aole kanaka hala ole e ae malalo iho o ka lani i ike ia mai.
Ke ninau aku nei au ia oukou, e ka poe mamuli o ka ekalesia Roma, owai ka inoa o kekahi pope hala ole?
E hai mai i kona inoa, o Petero anei? He kanaka hala ole o Petero ea?
E nana ma Mataio, 26: 74, ''alaila, hoomaka ihola oia e hailiili a me ke kuamuamu a me ka hoino, i aku la. Aole au i ike ia kanaka. A oo koke mai la ka moa."
Malia paha, ua kapa aku oukou i ka hoiliili, a me ka hoohiki ino, a me ka hoole ia Iesu he pono.
Pehea keia? Kainoa he kanaka hala ole o Petero, eia no ka, ua iia he hewa.
5. No kahi noho hoomaemae. Manao ka