Ka Nonanona, Volume III, Number 1, 23 May 1843 — Page 2

2 KA NONANONA. (MEI,

ana i ka haole ka aina o kekahi, ua hana ole ia e ka lima o na kanaka; alaila, na ka poe Luna kupono e ana pono i ka aina a e hoopaa pono i ka olelo hoolimalima, a e ohi i ke dala a uku aku i ka mea nona ka aina a me ka unuhi ana mai i ka hapaumi no ke aupuni e like me ka olelo maluna.

2. NO KA EMI ANA O KA AUHAU AINA.

E hooemiia ka auhau aina no ka makahiki hookahi tausani ewalu haneri me kanaha kumamakolu e like me ka olelo o ke kanawai ekolu, pauku umi a me kumamaono, aole e like me ka manao o na Lunaauhau.

3. AUHAU I NA ILIO A ME NA POPOKI.

            E auhauia na ilio a me na popoki a pau i pakahi ka hapawalu; na ka poe Luna auhau e ohi mamua o ka la mua o Ianuari i kela makahiki a i keia makahiki, a i ole e ukuia mai ka hapawalu; alaila, pepehi aku ia lakou.

4. NO KA MARE ANA O KEKAHI POE I OKIIA.

            O ka poe mare a pau ua okiia lakou mamua o ke kau ana i ke kanawai umi, Nov. 12, 1840, ua aeia ko lakou mare ana ma keia hope aku.

5. HOOLOLI ANA O KE KANAWAI HELE PO.

Ma Honolulu e hoopaneeia na pu, a i ka hora aiwa e kani ai ka pu mua, a i ka hora aiwa a me ka hapalua e kani ai ka lua o ka pu.

6. NO KE KUKALA ANA.

            E aeia elua Luna kukala ma ke kulanakauhale o Honolulu mai ka la mua aku o Iulai 1843, a e uku pakahi laua no ka palapala kukala ana i elima haneri dala o ka makahiki, a e loaa ia laua i na pono a pau o ka hale kuai kukaa, aole nae e ukuia laua i ka uku e oi aku ana i na dala elima o ka haneri hookahi no ke kukala ana, a no ka malu o ua mau mea la i ae ia he kukala, nolaila e hoopaaia na mea a pau ke kukala i ka waiwai me ka loaa ole o ka palapala kukala i hookahi tausani dala no kela haki ana, a no keia haki ana o keia kanawai.

7. HOOEMI ANA I KA UKU O NA MOKU MA KA TONA.

            E hooemiia ka uku o na moku ma Honolulu, penei; hookahi tona, iwakalua keneta no na moku kalepa, a i eono keneta no ke tona hookahi o na moku okohola, me na moku kalepa i komo mai no ka mea ai hou wale no. O ka olelo no ke awa maloko a me ke awa mawaho, ua hoopauia ma keia kanawai.

8. NO NA MOKU OKOHOLA.

            Ma keia hope aku ua aeia na moku okohola e kuai i ka lole, a me na mea kuai e ae ma na awa o keia pae aina i mea e loaa'i ka ai hou no lakou, aole nae e oi aku i na haneri dala elua ma ka lakou palapala kuai i kinohou.
          Aka, ina e kuai hou aku a oi aku i ua mau haneri dala la elua; alaila, e uku lakou i na dute e like me ke kanawai.

9. PALAPALA HOOKUU AKU I NA MOKU.

            Ina e holo aku na moku mai Lahaina aku, alaila, e haawiia ka palapala hookuu aku ia lakou e like me na olelo hooponopono ia mea ma ke awa o Honolulu. [E nana i ke kanawai o ke awa, pauku 8.]

10. HUA HOU I HOOHOLOIA SEP. 12, 1843.

            E ike oukou e na mea a pau, No ka mea, ua hoakakaia mai ia makou i ka dute maluna o ke dala maoli, a me ke gula ke laweia aku mai keia aina aku e like me na olelo o ke kanawai 48, pauku 10, he mea ia e ino ai ke kalepa ana no ka hapa o ka waiwai maoli e laweia aku mai keia aina aku; nolaila, ua hooholoia keia