Ka Nonanona, Volume II, Number 21, 23 March 1843 — Page 104

104 KA NONANONA. [MARAKI,

 

ka pilikia ia po. Hiki hou mai ka makani i ka la 21 , haalele hou lakou i ka moku no ka nui ino o ke kai, a no ke kokoke iuka o ka moku, aole manao lakou e ao ia po i ka moku, no ka mea, ua po aha lakou, iloko o ia pilikia, a ua nui ka makani a me ka ua i kela la i keia la, a ua kauo wale ka moku i kona wahi heleuma i koe a kokoke iuka. Aka, ao ae la e ku ana no ka moku, aole i ili; ua emi kamakani a me ka ua, aka o ke kai aole okana mai a ka nalu. Ua maikai ia Sabati aole makani aole ua. Nolaila maha maoli no makou a pau. Ia la emi iho la ke kai, a kakahiaka ae malie. Alaila imi lakou i ka heleuma i nalo iloko o ke kai. Imi a auwi ka la, aole nae i loaa. Ia ahiahi holo mai makou i Honolulu maluna o ia moku, elua kia wale no a hemahema iki kona holo ana ekolu la eha po makou ma ka moana a puka i Kou.

 

KA NONANONA.

Honolulu, Tusede, Maraki 28, 1843.

 

                Ua hiki mai ka moku kalepa o Behring kona inoa, mai Bosetona mai. Ua hoi mai o Katela ma, Kakina ma, Mrs. Dominis me kana keiki, Miss Gudale, Mi. Iohnson, Mi. Reynolds.
            Nui wale na palapala i hiki mai nei: aole okana mai. He nui na hana maikai ma Amerika; ua holo loa ke kinai rama; he nui ka poo mihi a huli i ka Haku. Ikaika na ekalesia i ka hoolaha aku i ka olelo a ke Akua ma na aina a pau. Haawi nui lakou i ko lakou waiwai i keia hana.
            Eia kekahi: ua hiki mai kekahi palapala hoolilo i ke alii ia Kauikeaouli i hoalawehana no ka poe hui e kokua i na luina moku ma na aina a pau. Ua kaulia ua palapala nei ma ka laau gula; he mea nani loa, a he hoailona hoi o ko lakou aloha i ke alii.

 

NA BUKE HOU.

 

                Eia kekahi mau buke hou i paa iho nei, a ke hoolahaia ae nei hoi.

 

KA HELE MALIHINI ANA MAI KEIA AO AKU A HIKI I KELA AO.

                Eha haneri a me kanakolukumamaha aoao o keia buke; he buke maikai loa: maikai ka pai ana a me ka hana ana, a maikai hoi kona io. Pomaikai ka poe unuhi i kona io a moni nui iho a piha ae la ko lakou naau. Na Bihopa i hoohalike i keia olelo mai loko ae o ka olelo Beritania. Hookahi mea e lilo ai keia buke i mea ole, eia, o ka nawaliwali o ka poe heluhelu. O ka poe ikaika a me ka makaala, oia ka poe waiwai i neia buke.
            Eia kekahi Buke hou i paa iho nei.

O KA HIMENI KAMALII.

 

            Na Laiana i hana keia wahi buke; 108 kona mau aoao, he buke maikai loa; ua hookomoia kekahi mau leo ku pono i na kamalii, a ua kau hou ia na himeni o maikai. Aole buke himeni mai kai mamua ma Hawaii nei e like me keia. Pomaikai na haumana kamalii ke huli a loaa ia lakou ka io o keia buke: he mea ia e lealea ai a e maemae ai hoi ka naau.

 

KA BERITA.

Oia kekahi; ua pai hou ia a nui, he 16 kana mau aoao; a ua maikai ka pai ana.

 

KE KUMU MUA.

 

                Ua hana hou ia keia wahi palapala Kamalii, a ua hookomohou ia na kii hou a me na olelo hou. He helehelena mai i kona i keia wa; lealea paha na kamalii, ke loaa a heluhelu iho. He I6 kona mau aoao.

 

KA MAKE.

 

                I ka la 14 o Maraki nei, make Kahekili kekahi alii o Hawaii nei ma Honolulu nei. Loihi loa kona mai ana, aka, ua pau ka mai o kona kino; ua hele loa aku ia kahi e hoi ole mai ai. Ninau mai paha kekahi poe, pehea kona manao i kona wa ola iho nei? Ua hoike mai