Ka Nonanona, Volume II, Number 21, 23 Malaki 1843 — Page 101

KA NONANONA.

"E ka mea hiamoe, o hele oe i ka nonanona, e nana i kona aoao a e hoonaauao iho." Solomona Buke 2. HONOLULU, OAHU, MARAKI, 23, 1843. Pepa 21.

NO KA HELE ANA O POLEPE I KAUAI.

                He wahi manao ko'u no ko makou holo ana i Kauai maluna o kahi moku liilii, o Shaw kona inoa. O ke kapena Duperner, a o kapena Bernard nona ka moku. O Mi. Lemi laua me kana wahine, a o Polepe, oia na haole maluna o ka moku. Nui wale na kanaka maoli. Lana wale ko makou manao no ka lohe ana e puka koke Waioli. Holo makou ia po a au, ao a po, po a ao; aole Kauai, aia makou mawaho o Waianae wale no. Pau e ka ai a kanaka ee moku; pilikia loa lakou i ka pololi, noho lakou a po AKOLU aole komo ka ai. O kekahi poe i noho mahope loaa ia lakou kahi ai no ka lokomaikai o kapena Benadi, aka no ka nui o lakou aole lawa kahi ai, nolaila, maule maoli kekahi wahine no ka hakahaka i ka pololi. I ka ha o ka la ahiahi loa (Deke. 31) ku ka moku no Hanalei. Olioli no makou i ka pae aina iuka. Hookipi lokomaikai mai o Mi. loane ia makou oi noho makou ma Waioli.

Na Kula.

                I ka la 3 a 4 hoi o Ianuari, hoike na kula mai Haena a hiki i Molowa, ma ka hale kula a Mi. Ioane ka hoike, o kana kula no kekahi, 36 na keiki kane maloko oia kula. Mahalo kuu manao; maikai ka lakou hana. Aole hookiekie; makaukau maoli lakou i ka helu a i ke kakau lima, a ua palapala ae a ia palapala ae. Pau ka hoike, alaila hele maikai kela kula keia kula, (20 paha na kula,) me ka lakou mau nae ponoi. Hele maikai lakou a puka i na kukui, malaila ua hoomakaukauia ka papa aina. Nui loa ka ai nui na paipu, aole okana mai. Ua hoholaia a maikai ke kapa a kau ia ka ai a me ka ia no kela kula keia kula. Pela lakou a pau i noho ai; noho ilalo ka nui ma na moena. He papa maoli; ko ke kula a Mi. Ioane. Pau lakou i ka hoonoho ia, alaila ku kekahi hoahanau mawaena, a hoomaikai i ke Akua i ka pule; pau ia, ai iho la na kamalii me ko lakou mau makua, a olioli ko lokou maka. Mahalo ko makou manao. Aole pela lakou ina aole i puka mai ka olelo, a ke Akua; ina aole i ao pono ia, ina aole pela ka malu me ka maikai. O ka ua a me ka makani kekahi mea i pilikia iki ai ka hana ia la; aka, manao makou ua maikai no, aole manao nui i ka ua a me ka makani. Pau ka ai ana hoi lakou me ka oluolu, aole haunaele. He wahi walaau no nae no ka lehulehu o na leo.

Na Ana.

                Pau ka hoike, kakahiaka ae holo pu Mi. loane me makou e nana i na ana kupanaha ma Haena. Komo maoli makou maloko o kahi ana maluna o ko makou lio. Nani ke kiekie! nani ke akea! Aole i loaa ia makou ka wai maloko o ia ana. 200 paha kapuai i holo ai makou maloko maluna o na lio. Elua mau ana e ae i komo ole ai makou no ka waa ole. Hohonu loa ka wai a kiekie loa ke ana maluna.

Na mea maikai.

                Elima la a makou i noho ai ma Waioli a kipa wa le ma ka hale o Mi. loane. Maikai loa ka aina, na mauna, na puu, na awawa, na muliwai, na mea ulu. He wahi nani loa i ka manao o ka mea makaikai, nani kona