Ka Nonanona, Volume II, Number 20, 7 Malaki 1843 — Page 99

1843.] KA NONANONA. 99

Honolulu, Oahu, Feb. 18, 1843.
            Aloha oe, e ka Haku, George Paulet, ke Kapena o H. B. M. Ship Carysfort.
          Ua loaa mai ia'u kau palapala a ke hoike aku nei au ia oe aia i ka la Monede o Feberuari 20, a i ka hora 11 o kakahiaka halawai au me oe a me ke kanaka o ke 'Lii Wahine Beritania.
Owau no me ka mahalo, KAMEHAMEHA III.

          No na hihia i hoopilikia ia mai, a no ko makou manao aole loa e hiki ke ae i na mea i koiia mai e like me ke ano o ke koi ana mai a ka Luna o ke'Lii wahine Beritania ia makou no na hoopii o na haole Beritania. Ke haawi aku nei ma keia palapala i ka Pae Aina i kapaia ko Hawaii Pae Aina na Rt. Hon. Haku Geo. Paulet Kapena o ko ke'Lii Wahine moku kaua Carysfort ka Luna o Victoria ke Lii Wahine o Beritania Nui a me Irelani, mai keia la aku, a no keia manawa e noho nei, ua haawiia nae keia me ka manao e hanaia no e like me ka olelo ana o na Luna i kohoia e maua e olelo au me ke aupuni o ke'Lii Wahine Beritania, p ina paha ua holo ole ka olelo ae like mamua o ke kakau ana o keia, alaila e hanaia e like me ka hooponopono ana o ke aupuni o ke Lii Wahine Beritania ma ke kamailio pu ana me na Luna i kohoia e maua, a ina paha ua loaa ole i na Luna o maua, a ua hooleia paha ko laua hoolilo ana; alaila e hanaia e like me ka manao o ke aupuni o ke Lii Wahine i hoikeia mai mahope o ka hiki ana'ku ilaila o na palapala hoike a maua a me ka ka Rt. Hon. Haku Geo. Paulet.
A no ka oiaio o keia olelo ke kau nei maua i ko maua inoa a me ko maua wepa, i keia la iwakaluakumamalima o Feberuari, i ka makahiki o ko kakou Haku, hookahi tausani ewalu haneri me kanahakumamokolu. Ma Honolulu, Oahu, ko Hawaii Pae Aina.
Ike maka i ke kakau ana, G. P. JU DD, Kakauolelo, a me ka Unuhiolelo no ke Aupuni.
KAMEHAMEHA III. KEKAULUOHI.

No ka mea, ua haawiia ko Hawaii nei Pae Aina i keia la e KAMEHAMEHA III., ke alii, a me KEKAULUOHI, ke Kuhina o ke Aupuni, ia Rt. Hon. Haku Geo. Paulet ke Lii o H. B. M. Moku Carysfort, ma ka aoao o Victoria, ke Lii Wahine o Beritania nui a me Irelani, me ka manao e hanaia e like me ka hooponopono i hooholoia a e hooholoia paha mahope me ke Aupuni o ke Lii Wahine Beritania.

Nolaila, ke kukala nei au,

            AKAHI, E kauia ka hae Beritania ma na mokupuni a pau o keia Pae Aina; a e malu na kanaka maoli a pau e like me na kanaka o Beritania Nui.
          ELUA, E hanaia na oihana o ke aupuni a hiki i ka wa e loaa mai ai i na palapala mai Beri tania Nui, penei,
          Na ke Lii Nui a me na Lii, a me na Luna malalo iho o lakou e hooponopono i na kanaka maoli, a
          Na ka poe Luna i kohoia e a'u, oia o Kamehameha III., a i ole ia o kona Luna e kohoia, a me Rt. Hon. Haku Geo. Paulet, a me Duncan Forbes Mackay, Esq. a me ka malama moku o Fere, R. N. e hooponopono ma na mea kupono i na olelo me na aina e (aole nae me ke aupuni o Beritania,) a e hooponopono i na haole e noho ana ma keia pae aina, (koe na kanaka maoli o keia pae aina.)
          EKOLU, E mau no na kanawai e noho nei, a me na kanawai e hanaia ma ka ahaolelo o ke Lii a me na Lii, (e lohe nae ka poe i kohoia e a'u;) no na kanaka maoli, a e lilo ia i kumu no na mea i kohoia no ka hooponopono ana iwaena o na haole e noho ana ma keia Pae Aina.
          EHA, E mau no na Luna e noho nei, e hooponopono i ka waiwai o ke Aupuni e like me ka makemake o ke Lii a me na Lii maoli, a na lakou no e hooponopono i ka uku o lakou no ka makahiki e noho nei; a e mau no na palapalapa o ke Aupuni ma ko lakou lima: e hoikeia nae na Buke dala i ka poe Luna i kohoia e like me na olelo maluna. Pela no na moku, koe nae ka hana e pono ai, ke Lii Wahine Beritania.
            ELIMA, Aole kuai, aole hoolimalima, aole haawi aina i ka haole, aole na ka poe Luna i kohoia e like me na