Ka Nonanona, Volume II, Number 17, 17 January 1843 — LOHE HOU. [ARTICLE]

LOHE HOU.

I keia mau la iho nei, ku mai kekahi moku kia kolu, o Sara Abigal ka inoa, mai Mazetlan mai, a ua lawe mai i na palapala

he lehulehu mai Amerika mai, a eia na mea hou a makou i lohe ai ma ua mau palapala la. E holo koke mai ana kekahi kiakolu o Bearing kona inoa i keia pae aina. No Hanere ma ia moku, a o ka la 10 o Nov. 1842, oia ka la e holo mai ai mai Bosetona mai. Aole akaka loa ka poe e holo mai ana, ua oleloia no nae, o Oasela a me@@@ha wahine hou, o Kakina a me kana whaine, ka wahine a Kap. Dominis a me kana keiki; o Iohnson ka mea noho iloko o ka hale kuai o Mi. Berna mamua, a o na whaine kane ole elua, o Miss Dole, a me Miss. Ladd. Aole nae akaka loa keia poe e holo mai ana ma ua moku nei. Aole makou i lohe o Binamu ma kekahi e hoi mai ana. Eia kekahi lono, ua make ka makahiapo o ke aliinui o Farani, o kona hooilina nona ke aupuni ke make kona makuakane. O ka haule ana mawaho o ke kaa holo lio, kona mea e make ai; puiwa na lio a holo, a haule ke alii. He nui ka uwe a me ke kanikau ma Farani no keia make. Ua lilo ka hooiliua i ka moopuna o ko alii nui, o Pilipi hoi, i keia wa. KANIKELA AMERIKA. Ke lohe nei makou, ua holo aku ia i Beritania a me Farani; aia ma Farani ma Parisa, i ka malama o Iulai 1842, a me Augate, a iloko o Okakoba e hoi hou ana i Amerikahuipuia, e kuai i moku, ailaila hoi koke mai i Hawaii nei.