Ka Nonanona, Volume II, Number 17, 17 January 1843 — Untitled [ARTICLE]

Hookahi keiki a kekahi kanaka, a ua malama loa oia i kana keiki, a hoawi lokomaikai ia ia i na mea a pau i loaa mai ia ia. A nui ae ua keiki nei, a noho hale iho la, hana lokoino aku la i kona makua elemakule; kipaku aku la, aole i hanai pono aku. Olelo aku la ka elemakule i kona moopuna ia Taomi, "e kii aku oe i koʻu aahu, i hele au a noho ma ke alanui e noi wale aku." Uwe iho la ke keiki, a kii aku la no. Halawai pu me kona makuakane, i aku la ia ia, "ke pii aku nei au i ka aahu o kuu kupunakane, i hoaahu oia ia ia iho a hele aku e noi wale." Kii aku la o Taomi i ka aahu, a lawe mai la i kona makuakane, i aku la, "e ka makua, eia koʻu manao ia oe, e mahele oe i keia aahu mawaenakonu, ua lawa kekahi apana no kuu kupuna; e malama oe i kekahi apana nou i paa kanaka makua wau, e kipaku aku paha au ia oe." Ku iho la ka olelo o keia keiki ilokio o kona makuakane; holo aku la i kona makua i hoinoia ai, a noi aku ia ia e kala mai ia ia, a ma ia hope iho hana oluolu a lokomaikai ia ia a hiki i kona wa i make ai.