Ka Nonanona, Volume II, Number 9, 27 September 1842 — Page 42

42 KA NONANONA. [SEPATEMABA,

a hele kapa ole? Aole paha e pau. No Satana keia pahele e paa ai na kanaka, a e kauo ia lakou ilalo i ka make. Nolaila, e malama pono oukou ia oukou iho i pakele oukou i ka ino a me ka make. G.

Waimea, i Hawaii, Aug. 8, 1842.

                He manao hoakaka i ka pilikia o ka aina, nolaila keia palapala hoopii.
                Auhea oe e Kamehameha III, a me ke Kuhina, na kiaaina, na Lunakanawai kiekie, a me na Kumu.
                Eia ko makou manao hoakaka ia oukou; ua pilikia makou e noho nei, i keia mau makahiki elua. E ninau mai paha oukou heaha ko oukou pilikia?
                Eia ko makou pilikia, o ka bipi, o ka lio, o ke kao, o ka hipa, o keia mau holoholona eha, ua lanakila ia maluna o Waimea nei.
                Aohe aina iki, kuuwale na holoholona ma kahi o ka mahinaai, aole he mahinaai iki; kakaikahi kahi pono iki.
                Ina e hele mai oukou e nana i ka aina, aole he wahi mea ulu iki, ua nalowale ka ai, o ka hele no ia o na holoholona a uka, a kai, a o, a e nei, o ka nahelehele loloa wale aku no kahi pono uuku. Auhea oukou, e imi mai oukou i mea e pau ai keia pilikia nui o makou. Ua noonoo makou na makaainana o keia aina, aohe mea e pau ai, aole e pau i na Lunaauhau, me na Konohiki, me na Lunakanawai; ua olelo no ke Kiaaina, aole no e pau; nolaila imi iho nei makou i mea e pau ai: o oukou paha, a i ole ia, auhea ka pono? ina aole e pau keia pilikia ia oukou, eia no ko makou manao, e ku no makou, a e hele ma kahi e, e like me Iseraela ma, i haalele ai ia Kanaana, a hele i Aigupita, Kinohi, 42. Oia ko makou hooke i na luna, me na Konohiki: ua hooke ikaika loa aku makou no na la paahao, a a me ko ke Konohiki, aole makou e hana. He luhi make hewa, no kahi e mai ka ai o keia aina, kakaikahi na kanaka mea wahi ai o ka aina. Aole o na kanaka palaualelo wale no keia, no na holoholona no.
                Eia no na mea nona keia pilikia, o ke Alii nui, o ke alii kiaaina, ke konohiki no, o na luna, na haole, na makaainana, a na lakou no na holoholona, nolaila ka pau ole.
                He manao wikiwiki ko makou, e wehe koke mai oukou, a hoakaka koke mai ma ka Nonanona, i pakele makou. Ina manao oukou e imi i mea e pono ai, eia no na mea e pono ai, o ka pa i ka aina. Ma ka pa no a Kauliokamoa, mai ke pili a hiki i Puukapu. I ka wa e paa ai ka pa o ka hoolei no ia o na holoholona a pau mawaho, a me na hale o ka poe hanai holoholona, a me na haole. Mai nana mai oukou i luna o na holoholona a na makaainana, he mea ole ka lakou, o ka ke alii no a me ka na haole ka mea e pilikia ai.
                Eia ka lua o ka mea e pono ai o ka hana o ka aina, e hana aupuni, mai Honokea a Keahualono, pau loa o Kohala. Oia ka mea e pono ai, no ka mea, he hana aupuni keia e pono ai ka aina, a me na alii, a me na makaainana. Ina paha oukou e kanalua, a olelo paha me nei, he okoa o Kohala, he okoa Waimea.
                Eia no kahi manao hoakaka, i ka wa kahiko ia Kamehameha I, oia ka wa i kaawale ai, aka, i keia wa ua lilo aku nei Waimea nei i ahupuaa no Kohala, na Kohala e auhau nei i keia wa. Ina paha i ae mai oukou, e noho pu no makou me na