Ka Nonanona, Volume II, Number 6, 16 August 1842 — Page 23

1842.] KA NONANONA. 23

ka hoopai i ka poe hana hewa, a no ka apono aku i ka poe hana maikai. Pela ko ke Akua makemake i pilipu ia oukou, ka naaupo o ka poe ike ole, no ka oukou hana maikai ana."
          I. Heaha ka hiku o ke kuhihewa o ka poe pope?
          D. O ko lakou manao ana i ka pope o Roma, he mea malalo iki iho o Kristo oia.
          I. Pehea ka manao o ka poe hoole pope?
          D. Eia ka lakou olelo; o ka pope, Anikristo no ia; no ka mea, he nui na hoailona o Anikristo maluna o ka pope; aole nui i ka mea e.
          I. Pehea ka hoakaka ana ia wahi?
          D. Aole loa e hiki i kekahi Anikristo ke hana i na hana, ua oi ka ino mamua o ka hana ana a ka pope. Tes. II. 2: 3, 4, 9, 10. "E hiki e mai ana no mamua, ka haule ana, a e hoikeia'e hoi ua kanaka la o ka hewa, ke keiki o ka make; o ka mea i ku e mai, a hookiekie ae la ia ia iho maluna o na mea a pau i kapaia he Akua, a me ka mea i hoomanaia; oia hoi, me he akua la e noho ana iloko o ka luakini o ke Akua, e hoike ana ia ia iho, oia ke Akua." "O ka hiki ana mai o ua mea la, ua like no ia me ka Satana hana ana, me ka mana a me na hoailona, a me keia mea kupanaha a me kela mea kupanaha hoopunipuni. A me keia hoowalewale ana, a me kela hoowalewale ana a pau ma ka hewa, iwaena o ka poe e make ana." E nana hoi ma Hoikeana mok. 13. Mai ka pauku mua a hiki i ka hope.
          I. Heaha ka walu o ke kuhihewa o ka poe pope?
          D. O ka lakou kapa ana i ka poe hoole pope he poe ku e i ka oiaio, no ko lakou haalele ana i ka aoao pope.
          I. Pehea ka poe hoole pope i keia?
          D. Eia ka lakou; Aole akaka, na ka poe hoole pope ka hookaawale ana mai ka ekalesia mai o Roma. Aka, ina i kapaia ko lakou hookaawale ana, he haalele maoli i ka poe pope, ina ua pono ia haalele ana.
          I. Pehea e akaka ai ia wahi?
          D. Penei, ina na lakou ka hookaawale mai, ina ua hookaawale mai lakou no ka pono o K risto, i maemae ka lakou pule; a oia ka mea a Iesu i kauoha mai ia lakou e hana. Kor. II. 6: 15,-18. Heaha hoi ka manao hookahi ana o Kristo me Beliala? Heaha hoi ke kuleana o ka mea manaoio me ka mea hoomaloka? Pehea hoi e ku like ai ka luakini o ke Akua me ko na kii? no ka mea, o oukou ka luakini o ke Akua ola; e like me ka ke Akua i olelo mai ai, E noho pu auanei au me lakou, a e hele pu hoi; owau auanei ko'u poe kanaka. Nolaila, ke i mai la ka Haku, E hele mai oukou mai loko mai o lakou, i kaawale oukou; mai hoopa aku hoi i ka mea haumia, a e hookipa mai au ia oukou. A e lilo no au i Makua no oukou, a e lilo mai hoi oukou i poe keikikane a i poe kaikamahine na'u, wahi a ka Haku mana."
          I. I mai oe, "aole e akaka, na ka poe hoolepope ka hookaawale ana mai ka ekalesia o Roma mai." Pehea ia wahi?
          D. Penei ka oiaio; Na ka ekalesia o Roma i hookaawale aku ia lakou iho, mai ka poe pono aku; no ka mea, ua hookaawale aku lakou, mai ka palapala hemolele, a, ua kapae lakou iloko o ka hewa a me na oihana he nui loa a lakou i noonoo ai, aole na ke Akua mai. Ua haalele ka poe pope i ke kahua a Iesu