Ka Nonanona, Volume II, Number 6, 16 ʻAukake 1842 — Page 22

22 KA NONANONA. [AUGATE,

he ahaaina na Iehova." P. 31. "Hoi aku la o Mose io Iehova la, i aku la, Auwe hoi, ua lawehala loa keia poe kanaka, a ua hana i akua gula no lakou." Isa. 3: 12. "E kuu poe kanaka, he poe alakai hewa kou poe alakai, A ke hoopau nei lakou i ko oukou mau alanui." Mat. 23: 3. "Mai hana oukou e like me ka lakou hana ana; no ka mea, olelo wale lakou a hana ole."
          I. Heaha ka lima o ke kuhihewa o ka poe pope?
          D. O ko lakou manao ana i ka pope, oia ke poo o na ekalesia a pau ma ka honua nei.
          I. Pehea ka manao o ka poe hoole pope?
          D. Hoole loa lakou, aole loa ma ka honua nei kekahi poo hookahi maluna o na ekalesia, a, nolaila, aole i lilo ka pope i poo no na ekalesia.
            I. Pehea e akaka ai ia wahi?
            D. Aole loa i hai iki mai ka palapala hemolele i kekahi kanaka ma ka honua nei, he poo ia, a he alii paha maluna o na ekalesia o ke Akua.
            I. Owai ke poo o na ekalesia a pau i ka manao o ka poe hoole pope?
          D. O Iesu Kristo, a oia hookahi wale no.
          I. Pehea ka hoakaka ana ia wahi?
            D. Ua hoike mai pela ka olelo a ke Akua. Hal. 2: 6. "Ua hoonoho ae nei au i ka'u alii maluna o Ziona, Epeso 1: 22. "A ua hoolilo iho la ia i na mea a pau malalo iho o kona wawae, ua hoonoho hoi ia ia i poo maluna o na mea a pau no ka ekalesia." Epeso 5: 23. "O ke kane ke poo o ka wahine, e like me Kristo ke poo o ka ekalesia."
          I. Heaha ke ono o ke kuhihewa o ka poo pope?
          D. Eia ko lakou mana, O na'lii a pau o keia aupuni, kela aupuni, a me ko lakou poe kanaka, aia no lakou a pau malalo o ka pope. E hana aku ka pope ia lakou e like me kona makemake. Oia hoi kekahi; o na kahuna pule a pau a me ko lakou waiwai, aole lakou malalo o na'lii a me ke kanawai o ka aina. Aole hiki ko na'lii leo maluna o lakou.
            I. Pehea ka manao o ka poe hoole pope?
          D. Eia, o na'lii a pau o keia aupuni, kela aupuni, aole lakou he mau kanaka no ka pope. Aole hiki i ka pope ke hoole i ko lakou noho alii ana; aole hiki ia ia ke hookuu aku i na kanaka, i ole lakou e malama i ko lakou mau alii ponoi.
            2. Eia kekahi; E hiki no ka leo o na'lii maluna o na kahuna pule. O na kahuna pule a me ko lakou waiwai, aia no malalo o ke kanawai o ka aina.
          I. Pehea oe e hoakaka ai ia wahi?
            D. Penei; o ka pope a me na kahuna pule, ua hui pu ia lakou me kanaka a pau maloko o ka palapala hemolele; a ua olelo pinepine ke Akua ia lakou a pau e malama i na kanawai o ka aina; pela ma Rom. 13; 1. "E hoolohe na kanaka a pau i ka ke alii maluna iho." Tito 3: 1, "E paipai aku ia lakou e hoolohe i na moi a me na'lii, a e malama hoi i na luna, a e noho makaukau i na hana maikai a pau." Pet. I. 2: 13-15. "Nolaila, e hoolohe pono oukou i ka na luna kanaka a pau; ina ma ka ke alii nui, e like ia me he moi la; Ina ma ka na kiaaina, e like me ka mea i hoounaia e ia no