Ka Nonanona, Volume II, Number 4, 19 July 1842 — Page 13

KA NONANONA.
"E ka mea hiamoe, e hele oe i ka nonanona, e nana i kona aoao a e hoonaauao iho." Solomona.
Buke 2. HONOLULU, OAHU. IULAI 19, 1842. Pepa 4.

HE WAHI NINAUHOIKE NO KA AOAO POPE.

            I ka halawai pu ana o kahi mau kanaka elua, ma ke alaloa, ninau aku la o Ioane i kona hoa, ia Daniela, penei;
          Ioane. Ehia ano okoa o ka pule ma ka honua?
          Daniela. Eha.
          Ioane. Owai na inoa i kapaia'i ia mau pule okoa?
          Daniela. Eia nua inoa; 1. O ka pule Pagana, oia ka hoomanakii ma na aina naaupo a pau loa. 2. O ka pule Iudaio. 3. O ka pule Mahometa. 4. O ka pule Kristiano.
          I. Ma ka aoao hea oe o keia mau pule eha?
          D. Ma ka aoao Kris tiano.
          I. Ehia poe i manao ia lakou iho, he poe Kristiano lakou?
          D. Elua no.
          I. O ka poe pope a me ka poe hoole pope.
          I. No ka poe hea oe?
          D. No ka poe hoole pope no wau.
          I. Pehea ke ano o ka poe hoole pope?
          D. I ka wa i kapae ka ekalesia o Roma iloko o ka hewa, a haalele hoi i na oihana pono a ka Haku, ua kau ia inoa hoolepope, maluna o ka poe a pau i kupaa ma ka palapala hemolele a ke Akua, a hoole ikaika aku i na manao kuhi hewa a me na hana kekee a ka poe pope.
          I. Heaha ia mau kuhihewa a me na hana kekee?
          D. He nui wale. E hiki no ia'u ke hoakaka aku i kekahi o ia mau hewa.
          I. Heaha ke kuhihewa mua o lakou?
          D. Eia paha ko lakou hewa mua, he hewa nui hoi; ka lakou hookapu ana i ka olelo a ke Akua, i ole e heluheluia, ma ka olelo maoli a kanaka.
          I. Pehea kou manao ma keia mea?
          D. Eia kuu manao; ua kakauia ka palapala hemolele i mea e pono ai na kanaka a pau; nolaila, pono e unuhiia ia palapala hemolele iloko o ka olelo o keia aina, kela aina.
            I. I mea aha?
          D. I laha loa ka olelo hemolele, i loheia, i heluheluia, a akaka loa hoi i na kanaka a pau.
          I. Pehea oe e hoakaka ai ia wahi?
            D. Penei; Ua kauoha pinepine ka Haku i na kanaka e heluhelu i ka palapala hemolele. Oia ka Iesu kauoha ikaika i kanaka a pau, "E huli oukou i ka palapala hemolele."
          I. Mahea keia kauoha?
          D Ma Kanawailua 3: 11. "E heluhelu oe i keia kanawai imua o ka Iseraela a pau, i lohe lakou." Ioane 5: 39. "E huli oukou i ka palapala hemolele, no ka mea, ua manao kou, he ola mau loa ko oukou malaila." Oih. 15: 21. "No ka mea, he poe no ka Mose, mai na hanauna kahiko mai, ma na kulanakauhale a pau, nana e ao aku ma kana, aia heluheluia no hoi kana maloko o na halehalawai i na la Sabati a pau." Epeso 3: 4. A heluhelu oukou, e ike auanei oukou ilaila i kuu ike ana i ka mea ike ole, no Kristo." Kol. 4: 16. "Aia heluheluia