Ka Nonanona, Volume I, Number 20, 29 Malaki 1842 — Page 94

94 KA NONANONA. [MARAKI,

lakou, hoole mai kela, aole o'u wahi eha, o ka uhau ana mai no ka ia la i ke huewai, aole nae o'u wahieha."
                Olelo mai kekahi makai, "ua pau ae la kou pilikia, no ka mea, aole he wahi inoino o ia nei: ina i loaa ia makou ka hewa, ina ua hewa oe, nolaila ua pau keia pilikia. Olelo mai la o ua Ulu nei, "ua pau ae la ko oukou? ae, ua pau, aole he wahi hihia ou, i hou mai la kela.
                Ina ua pau ko oukou; o ko'u wale no koe; aole e pau ko'u ia oukou, owau wale no ka mea e pau ai. O kona ku ae la no ia i luna, nana iluna, a wehe ae la i ka hainaka a me ka palule, waiho ae la, a lele aku la i ka pali.
                Ma ia hope iho hahai aku la kona mau kaikaina, a me na kaikuahine a me na kaikoeke e lele pu me ia i ka pali; paa mai ka nui o na kanaka. Iho maoli aku la kekahi keiki a ike ia Ulu e moe mai ana, me ka hanu no; kahea aku la ia, "ua make loa no oe e Ulu e! a lohe ia ia leo, oni hou ae la no a lele hou aku; haihai na iwi.
                Eia ka lua o ka mea i lele ia hope iho. O ke kaikaina o ka wahine aua Ulu nei. Noho iho la ia, he kuku kapa kana hana; kuku no i ke kapa a hala na la he nui o ko Ulu lele ana, hoomakaukau iho la ua wahine kaikaina nei i kona pau i kekahi la a paa; hoi mai la ia mai ka hale kua mai, olelo aku la kona makuakane, "e pulehu ae i wahi ia na kakou." Olelo aku la kela, "pulehu ia no ia na oukou," o kona hele aku la ia a kahi no i lele ai o Ulu, o kona lele aku la no ia.
                Elua mau wahine nana i ike mai i ka lele ana aku: ilalo o Palaau kahi i ike mai ai a he keiki uuku no hoi kekahi nana i hele mai a olelo i na makua, e!
                Ua lele aku la kela i ka pali, i mai na makua, ewahahee, aole! ua lele aku la, hele aku ia a ike, ua lele io.
                O ke kumakena iho la no ia o na makua, no ka liuliu ole o kela lele; imiia aku la ia a loaa e waiho ana; aole nae i make loa. He poe pii pali ka mea nana i kii.
                Eia ka inoa o ka pali i lele ai a me ka aina. Kipu ka pali, o Kipu ka aina o Nihoa ka i lalo, he pali e huli ana i Kalaupapa.
                Na Kahalemaile i hai mai.
                Pela ko'u lohe ana mai.
Na KAMAKEA.

KE KUMU O KA POINO.

                Nohea mai ka popilikia o keia ao? Aole no na ao eleele o ka lewa, a me na makani ino. Aole no ka nawaliwali o na kino o kakou; aole no hoi no ka ilihune o kekahi. Iloko o keia mau mea a pau, ua maluhia a ua pomaikai ka mea naauao i maemae kona naau a i ikaika hoi oia ma ka pono. Aole no waho mai, eia no maloko o kakou ke kumu o ka poino. O na naau hewa o kakou, o na makemake ino, o na manao pono ole, oia na mea e popilikia ai.

KA PALAUALALO.

                Ia wai ka manao he loihi loa ka la, he nahili na hora? I ka palaualelo no, a me ke kanaka molowa; aole he maluhia a me ka oluolu kona naau; aka nona ka naau ukiuki, huahua, hoino aku; a malaila lilo mai kona mau mea oluolu i mea ino ia ia.

NA LIMAIKAIKA e hoopuka'ku.