Ka Nonanona, Volume I, Number 20, 29 March 1842 — Page 92

92 KA NONANONA. [MARAKI,

kiekie. Aole ona makemake e noho alii; makemake ia i ka noho kuaaina a me ka hana mahiai. I ka wa pau kona noho alii ana, hoi aku no ia i kona aina a lilo i ka mahiai, a me ka hanai holoholona.
                6. I ka mahahiki 1799 i ka la 14, o Dek. make o Wasetona. Nui ke aloha o na kanaka Amerika ia ia, a me ka uwe i kona make ana. I ko lakou manao, ua make ko lakou makua; he makua hoopono, hana pololei, lokomaikai, lawelawehana, haahaa, hoomanawanui a me ka makau i ke Akua.
                E na 'lii o Hawaii nei, e nana oukou ia Wasetona, a e hoohalike me ia. Ina hookahi wale no o oukou e like me ia, ola ke aupuni ia ia.
                E na keiki alii iloko o ke kula o Mi. Kuke; Pono paha e heluhelu nui oukou no Wasetona, a e hooikaika loa e hoohalike me ia. Pomaikai keia lahuikanaka ke lilo oukou i poe alii e like me ia.

Waianae, Feb. 3, 1842

KA HOOKE ANA O TIMOTEO UMA HE KUMU POPE.

                Aloha oe e ka mea hoopuka olelo; e hai aku au ia oe i ka mea i hooke mai ia'u.
                Ianuari 27, huli aku la kekahi haumana a'u ma ka pope; o Lola kona inoa, ma ka lua o ka papa o ka'u kula kona ao ana.
                A huli oia ma ka pope: a lohe au ua huli oia ma ka pope; a i kona huli ana, he minamina ko'u, me ke aloha. A i ka la 29 o ua malama la, iho mai la ua keiki la; a ike au ia ia; ninau aku la au ia ia. No keaha la oe i huli ai ma ka pope? "No ko'u makemake iho no." Heaha kau mau palapala e ao nei? He Helunaau anei; a me ka Helukakau?
                "Aole, aka, he pela waha wale mai no." I aku au, "ua akaka io no, ke kapu loa o ia aoao i ka Palapala Hemolele."
                I ka la 20 o Feberuari, i ke ahiahi o ia la; iho mai ua kumu pope la, me kana mau haumana he nui.
                A hiki ma ka hale kula; e kula ana makou. Noho iho la a liuliu; o ka i mai la no ia, "Iho mai nei au e hoike i na haumana a kaua. O ka'u, nau e hoike, a o kau hoi, na'u e hoike." Ae aku la no hoi au me ka hemahema.
                Alaila, kahea aku la ia i kahi haumana ana, "E Lopai, e hele ae oe e huli i ke pela a ia nei. Ninau aku la o Kaana, ma ka ui Hoiliili o ka Mokuna 7 o ka Helukakau; pauku 26. "Ehia na minute mai ka la 13 o Iulai, i ka hora 9, i na minute 43 o ke kakahiaka, a hiki i ka la 5 o Novemaba i ka hora 3 o ke ahiahi, a me na minute 19." Huli wale, aole he loaa; huli no hoi ke kumu, aole he loaa, nonoi hou mai no i ninau hou. Haawi hou aku no o Kaana; ma ia mokuna no, pauku 31.
                "Ina e lele ana ka poka o ka pu a hiki i na mile 8 i ka minute 1. Ehia na mile e lele ai ia pela, i na mak. 7, me na mal. 21, me na heb. 3, a me na la 2?"
                Huli hou no ke kumu, a me ka haumana; aole no he loaa.
                I mai la kela ia'u, "i kau haumana hoi."
                Ae aku la au; i aku la au ia Kinamoo, e hele ae ma ka papa eleele. Pela aku la o T. Uma, penei: E 9,000.000—899—9644 = 356. Oia no ka loaa a Kimo i manao ai, a me makou a pau. Hoole ka haumana a ke kumu pope. E o'u hoalawehana mai Maunalua, a Moanalua: E nana mai oukou i keia ninau a ke kumu pope, i hoole mai ai, aole i loaa.