Ka Nonanona, Volume I, Number 19, 15 March 1842 — Page 88

88 KA NONAONA. [MARAKI,

Nolaila kaulana ua keiki nei no kana olelo oiaio ana.
                Eia kekahi; i ko Wasetpma wa uuku, haawi kona makuakane i koi lipi liilii nona, i mea paani. Hele koke ia iloko o ka mahinaai, kahi e ulu ai na laau maikai he nui loa; kua iho la o Geogi i kekahi laau a hina ilalo. Mahope, noonoo ia, "he laau waiwai loa keia, a huhu paha makuakane ia ia a me ka hoopai," o kona hele koke no ia a hai aku i kona makua, i kona kua ana i ka laau. Uwe iho la ka makuakane, "auwe! ua make ka keia laau maikai!" aka, ua pono oe, e kuu keiki, i kou hai pono ana mai, me ka huna ole. Hoopai iki no nae ka makuakane ia ia no keia hewa i paa ka makau iloko ona mahope.
                He kanawai paa loa keia no Wasetona, 'e olelo pololei me ka oiaio. Eia kekahi ano maikai ona, kona hoolohe i kona mau makua. I kona makahiki 15, paa kona manao e holo kahiki ma ka manuwa; hoole nae kona makuwahine, a nolaila, pale koke aku ia i kela manao, a noho no e like me ka makemake o kona makuwahine. Hoomanao ae la ia i ke kanawai alima, 'E malama i kou makuakane a me kou makuwahine?'
                E na keiki o Hawaii nei, e nana ia Wasetona, a e hoohalike me ia. Penei, 1. E pale aku i ka hoopunipuni; e olelo pololei i na wa a pau. 2. E malama i na makua. 3. Ina i loaa ka hewa ia oukou, mai huna, a hoopunipuni, a hookekee o mahuahua auanei. E hai aku a e hoopau koke, oia wale no ka pono. 4. E imi i ka naauao.

(Aole pau.)

HE IPU PU!

                He aina momona ko Waioli, he aina ua hoi: kupu wale na mea i kanuia. Aole o na laau kahiko o keia aina wale no, kupu maikai no hoi kekahi mai kahiki mai; o ka ilima, fiku, kofe, guawa, waina, kulina, papapa, a me na ipu o kela ano keia ano. Ke hua mai nei kekahi ipupu kupaianaha ma ka mala o Mr. Ioane: aole okana mai o ka nui; eono kapuai a me na iniha eono kona anapuni, a hookahi haneri a me ke kanalima pauna kona kaumaha. Ina paha i kaupaunaia na hua o keia ipu i hua mai nei, no ka anoano hookahi, ina paha ua loaa mai na pauna hookahi tausani!

PAPA HOIKE I NA KULA MA WAIOLI KAUAI.

                Ua Hoike na kula o Waioli i Kauai, ma ka la 20 me 21 o Ianuari i hala aku nei. Ma ka la hope o ka Hoike ua ahaaina pu na kamalii, na kumu, na luna-kula, a me ke kahu-kula. Iloko o na laau kukui o Salema, ma kapa muliwai o Waioli, kahi i ahaaina ai. Ua hooholaia ia wahi i ka moena, a ua maemae. Ua maikai hoi ka ai ana. Aole walaau. Malaila no ua kau ia ka Hae o Hawaii nei, a ma kahi aoao ka ino o ke'lii, Kamehameha III.
                Penei hoi i hele ai na kula a hiki i kahi i ahaaina'i. Pau ka Hoike, ua hele aku na kula ma ka lalani pololei; a ua papalua hoi ka hele ana. O ke kumu mamua, a na kamalii kane mahope olaila, a o ka awe-hae mawaena; a o na kaikamahine mahope. Pela kela kula keia kula. He hae okoa no kela mea keia mea o lakou a pau.
                Ua hele nui mai na makua i keia hoike, a ua olioli pu lakou me na keiki a lakou. Aole nae ma ka ahaaina wale no ka pono o ka hana ana, ma ka hoike no kekahi. Ua makaukau pono ka nui o na kamalii