Ka Nonanona, Volume I, Number 15, 18 January 1842 — Page 70

70 KA NONANONA. [IANUARI.

nui iloko o ka ilihune. O ka pau no i o ka hoike.
                Ua oluolu makou a pau ikeia hoike, no ka mea, ua aneane like keia kula me kekahi mau kula ma na aina naauao. E ao ana na haumana i ka hana, a me ka naauao, e pono ai ke kino a me ke aupuni; e imi ana hoi lakou i ka naauao a me ka ike e pono ai ka uhane i keia ao, a i ke ao pau ole. Nolaila, ua paipai makou ia lakou e hooikaika mau ma keia hana maikai. A pau ko lakou noho haumana ana, e hele lakou a e ao aku i na haumana ma ia wahi aku ia wahi aku.
                Eia hoi kekahi, mea a makou i mahalo nui aku, o ka noho maemae ana o na haumana. Ua maemae na hale, kahi e noho ai. Ua maemae hoi ka lole. Ua paina hoi e like me na haole. Ua noho ma ka papa, me na pa, a me na pahi, a me na o. Ina, he nui na kula ma Hawaii nei me neia, ina he pomaikai auanei keia aupuni. KAMIKA.

HALE PULE, MA WAIOLI.

                Ua paa ka hale pule hou ma Waioli: he maikai no ia; he hale laau. Ua paiia i ka puna a maloko a mawaho a hiki i ka paia, a maluna hoi, a ua malu kowaho i ka lanai a puni: a ka papahehi he puna ia i kawiia me ka molakeke a me ke one, he paakiki maikai no. He 12 anana kona loa, a eiwa anana ka laula. Elima puka komo, a he 12 puka aniani
                Ua loaa ke dala e uku aku i na paahana ma ke kanu ana i ke ko, a ma ka ohi ana i na kukui kekahi, a ma ke kokua maoli ana o na hoaaloha i ke dala kekahi. Eia ka uku o ka hale.
                Na papapa, aniani, pena a me na mea e paa pono ai, $138,
                Na na kamana, 229
                Na ka poe pai puna, 46

                                                $419.00
                A ina no heluia ka hana ana a na kanaka ma na laau o ka hale, na poha ku, na paila puna, na pili, a me kela hana keia hana, ua like paha ia me na dala hookahi tausani.
                I ka la 17 Novemaba nei, i hoolaa aku ai makou i keia hale no Iehova, a ma ia mau la iho a hiki i ka Sabati, malama makou i ka pule hoomau. Hele olioli mai na kanaka he lehulehu, b hoolohe lakou me ka makemake i ka ke Akua olelo, a ua loaa paha i kekahi ka momi maikai ioa. E hoomai kaiia ke Akua no kona lokomaikai ia makou.

KA AHAAINA A KE ALII.

Ua palapala mai o Kekauluohi penei.
                I ka la 30 i hoomaka ai ka ahaaina, aole mea ona i kau ia iluna o ka papa kaukau, o ka ai, a me ka wai walo no ka mea inu, a pau ia la: i ka la 31, Ahaaina hou, a i ka hora 7 o ka po, hoi mai au a me ko'u poe a pau. Aole au i ike aku ma ia hope, ma ka lohe wale mai no, ua inu iho ka poe auwana mahope olaila.

KA MAKE O MAOHEAU.

Palapala mai Opunui penei,

                                Eva, Dek. 4, 1841.

                Ua make kekahi alii ma keia wahi, (Kalauao) o Samesona Maoheau. He kanaka koikoi oia ma keia kulanakauhale, a oia ke konohiki o keia aina. Nolaila ua hina iho nei kekahi kia e paa i keia kulanakauhale; ua hele aku o Maoheau i ke ala maaweula a Kanaka. Pau ka olelo pu, kamailio pu, launa pa. Pau kana hooponopono ana i kana oihana, a ua hele loa aku ia: he hele hoi ole mai. Aloha ino o Samesona Maoheau.
                Hele aku ia i ka hale laka ole i ke ao aku, aole lohe mai i ka papa'ku. Nui ke kaumaha no kona kini ponoi; aka, lana iki ka manao o kekahi poe i na manaolana o Iesu; ua palekana wahi a ko Iesu Kristo poe ohua. OPUNUI.

Na LIMAIKAIKA, a hoopuka'ku.