Ka Nonanona, Volume I, Number 15, 18 January 1842 — Page 69

1842.) KA NONANONA. 69

o ka manaoio e ola'i, a me ka manaoio e make ai, ua pau loa ia ia i ka hoakakaia iloko o kona hele malihini ania. Ua pili pono keia palapala i kela ano, keia ano o kanaka manao i ke Akua. Ua pili pono mai ia i na kanaka o keia hanauna hope, me he mea la i kakauia no kakou i keia manawa. Malaila no ke ao ana, ka hoowalewaleia ana, ke kaua ana, ke kokuaia ana, ka pomaikai ana, a me ka lanakila ana o ke kanaka Keristiano o kela manawa o keia manawa.
            "Pela ka maikai o ke kaao ma keia palapala, ua hoopapau koke ka naau ma ka mea i palapalaia, i ikeia ka hopena o keia mea kela mea i oleloia. He pono kekahi mau olelo i mea kokua i na kahuna pule i ka lakou ao ana i na haumana. He pono i na makua ke koho i kau wahi o keia buke i mea e heluhelu ai na keiki a lakou. He mea punahele loa keia buke i ko na keiki manao. Ua makemake lakou e heluhelu pinepine i keia, no ke akaka pono ana o ka mooolelo, no ka hope pomaikai ana o ka poe manaoio i hoikeia malaila. He olelo nane nae keia palapala, me he olelo moeuhane la, a o komo ano, aia no ia ma ka manaoio a me ka nana maikai ana o ke kanaka Karistiano." Aoao 15, 16.
            Mamuli loaa keia ololo kamahao i na kanaka o Hawaii nei: Ke unuhi mai nei o Bihopa.

He mahao pono o kekahi kanaka ma Oahu nei.
Ianua ri 1, 1842.

                Aloha oe e Limaikaika.
            Eia ko'u manao ia oe, o na hewa a pau a'u i hana'i iloko o kela makahiki, ke hoopau nei au i keia la. Aole hiki ia'u ke helu pakahi, no ka nui. Eia kou manao, o ka la mua keia o Ianuari, ke hea mai nei ke Akua ia'u penei, "e hoi mai i ke ola; nolaila, ke ae aku nei au i kuu mea nana i hana; a ke hoi aku nei au i kuu makua. Oia ko'u manao ia oe.         U.

HE HOIKE KULA.

            He hoike kula ma Waialua i ka la 12 o Ianuari nei, o ke kula o Mi. Loke. Malaila no makou na kahu o ia kula, a me kekahi mau kumu misionari e ae; he umi o makou na haole, a o Ioane Ii hoi kekahi.            Penei ka hana ana i ka la hoike. Ma ka hora elima kakahiaka, ua kani ka bele e hoala ae i na haumana. A pau ka lakou paina ana, ua hele no i ka waele ana i na papapa; Ua no ia lakou e mahiai me na bipi kauo, me na oo palau, a e halihali i na ukana kaumaha ma ke kaa, a e hana hoi me na oo kope e like me na haole ma ka aina naauao.
            Ua hele makou a makaikai i kolaila kihapai a puni, a ua mahalo nui makou. He aina maikai ia. E ulu ana ke ko, a me ke kulina, a me na papapa. Aole makou ike pono i ka nui o na eka i mahiia. He 15 eka paha, ua oi iki aku paha, ua emi iki mai paha. He 18 mau haumana o ua kula nei, he mau keiki kane no lakou. Ua mai no kekahi, aole hiki ia ia ke hana, aole hoi hiki ke hele i ke kula.
            Mai ka hora 10, kakahiaka, a hiki i ka hora 2, ahiahi, oia ka manawa hoike palapala. Ua heluhelu mua lakou ma ka Baibala. A pau ka heluhelu ana, ua ninau aku ke kumu, a me na kahu kula ia lakou i ke ano o na pauku a lakou i heluhelu ai. A pau ia, he mau ninau ma ka mooolelo kahiko o ka Baibala. Alaila, ua ninauia lakou ma ka Palapa Honua; a pau ia, ma ka Helu Naau, a ma ka Helu Kakau hoi. Alaila ua heluhelu lakou a pau ma ka Nonanona, no ka mea, ua maa lakou i ka heluhelu i keia pepa, a e imi i ke ano o na mea i paiia ilaila, Hokahi hana i koe.
            Ua ku, a hai mai kekahi haumana, he wahi kaao. A pau ia, elua mau haumana i kamailio pu. Eia ke kumu o ko laua manao. O ka manao o kekahi e haalele i ke kula, ae hoi hou i ka naaupo, a e hoomanawa