Ka Nonanona, Volume I, Number 15, 18 January 1842 — Page 68

68 KA NONANONA. [IANUARI.

iloko o ka muliwai, a i kekahi manawa iloko o ke kai, a aneane ia e make. I ka 17 o kona makahiki, lilo ia i koa kaua, a i kekahi manawa ua kaheaia oia ma ke kaua ana i Leiketera, e hele e ku i ka makai, a noi mai la kekahi koa e ae e hele ma kona hakahaka; ae aku lu kela, a i ke ku makai ana o ua koa nei, ua kuia kona poo i ka poka a make.

                "O kona mare ana i wahine nana oia ka hana,mua i huli iki ai kela ma ka pono. He kaikamahine ka wahine na na makuu haipule. He ilihune nae laua a elua, a elua mua wahi buke palapala haipule wale no kana waiwai mai na makua mai; aohe mea iki a laua e hoolako ai i ko laua hale, i ka wa kinohou o ko laua mare ana. Heluhelu pu no laua iloko o neia mau palapala i kekahi manawa, a hoike mai hoi kana wahine ia ia i kekahi manawa, no ka noho haipule pono o kona makuakane. Ma neia mau mea, a ma kona lohe ana, i kekahi haiao no ka haihai ana i ka la Sabati, manao iki kela e huli, a e hana i kekahi mau mea hoopono, na mea i kona kuhi wale ana e hiki aku ai ia i ka lani. Aole no he ikaika o kona manao i ke Akua i haalele ai oia i kana mau mea lealea, aole no i ke ahiahi o keia Sabati i lohe ai oia i ua haiao la. Ia ahiahi no, i ka wa e piliwaiwai ana ia me kona poe lealea pu, hiki mai kekahi mau hua olelo iloko, o kona naau me he oleloao la mai ka lani mai, o ninau mai ana ia ia. E ae mai anei oe e haalele i kou mau hewa a hele i ka lani, a i ole, e malama i kou mau hewa a e kele i ka po? Hikilele kona naau a mau hua, a weliweli loa oia. Mahope manao iho la ia, ho kanaka hewa nui loa oia, aohe lua, a ua hala kona manawa pono e imi i ke ola ma ka lani, --aole hoi e hiki ke kalaia kona lawehala ana. Poho wale iho kona manao, a i iho la ia maloko, "E poino auanei au ke haalele i kuu hewa, a e poino hoi ke hoomau ma ia mau mea." Nolaila, paa iho la kona manao e hana wale ma ka hewa ona, no ka mea, malaila wale no kahi e loaa'i ka oluolu. He lehulehu wale paha na mea manao like me ia, a make mamuli o ia koho hewa ana. Eia ka lakou olelo, "Aohe wahi e ola'i, aka, e hele kakou, a pau mamuli o ko kakou manao iho, a e hana hoi i ka mea a ka naau e makemake ai."
                "Ma ka imi ana i na hewa e lealea ai, aole nae i loaa ia ia kona maha ma ka naau iloko o ia mau mea, ua hala kekahi malama hou aku paha; a i kekahi la e ku ana ia mawaho ma ka pukamakani o ka hale o kekahi hoalauna, a e like me kana hana mau, e hoohiki ino ana oia me ke kuamuamu, lohe ka wahine iloko o ka hale ia ia, olelo muai la kela ia ia, "Akahi no ke kanaka kuamuamu hoohiki ino, aohe lua i kuu lohe ana, he mea oe e hoolilo ai i na keiki a pau o keia wahi i poe hewa, ko launa pu lakou me oe." O ka wahine nana ia i ao mai pela, aole ia he wahine haipule, he hoomaloka no me ka huna lealea. Ua hilahila loa o Buniana, i ke aoia mai e ka wahine hewa. Oki koke iho la kela i kana hoohiki ino ana, ku malie iho la ia a kulou ke poo, i iho la maloko o kona naau, "Ina wau he keiki uuku, alaila e ao mai ai kuu makuakane ia'u, aole e hoohiki ino, no ka mea, ua maa loa au ma keia olelo, aole paha e hiki ke haalele ano." Mai keia manawa aku hoi, haalele io na oia ia hoohiki ino anua, i ka mea ana i olelo maa ai mamua.
                "Ma ia manawa iho halawai iho la ia me kekuhi kanaka ilihune, nana ia i ao mai i na mea o ke Akua, a hoolohe aku kela, a hoomaka iho la ilaila e heluhelu i ka Baibala. Heluhelu no ia ma ka mooolelo kahiko, a ma ka mooolelo no Iesu, aka, ma na Episetole, aole ona makemake iki malaila. He moeuhane kekahi mea hooweliweli ia ia; i kona manao, ma kana moe ana, ua naue ka honua, a hamama mai la ma kau wahi me he mea ale iho ia ia, a ua hiki mai ka hope o keia ao, a me ka la hookolokolo nui. I kekahi manawa, manao kela ma ka moeuhane, o haule ana ia iloko o ka lapalapa ahi me ka poe i hoohewaia, aka, i ka wa kokoke loa iloko, ua kailiia'e oia iwaho e kekahi mea i aahuia e ke kapa olinolino, me he momoku ahi la mailoko ae o ke ahi. Aole i poina ia ia keia mau moe a liuliu wale, a ua lilo paha ia i kumu no kona manao e kakau i keia buke o KA HELE MALIHINI ANA, ma ka nane o ka moeuhane." Aoao 5—8.
                "Maloko hoi o kia halepaahao o Bedefoda, i kakau iho ai oia i KA HELE MALIHINI ANA o KERISTIANO. He buke kaulana nui ia ma na aina he nui wale, a u a oi aku paha ka pono i hoolahaia malaila imua o na palapala e ae a kanaka. O ka Baibala wale no kana mea oi. No kana kakau ana ia buke ua kela aku kana hana maikai i na kanaka, i ka ka mea hai olelo wale; no ka mea, e mau ana paha keia palapala maikai a hiki wale i na hanauna hope loa. Ua maopopo ko ke Akua kokua ana ia ia i kona kakau ana ia mea. Iloko no o ka halepaahao ua haawiia mai ka naauao e kakau pono ai i ke ano o ke Keristiano io, ma kona hele pono ana, ma kona popilikia, ma kona hoehaia, a ma kona lanakila ana maluna o na hewa a pau. Aohe mea i haule ia ia, na manao pono, a me na manao kuhi hewa i ke Akua;--ke ano