Ka Nonanona, Volume I, Number 14, 4 January 1842 — Page 56

56 KA NONANONA. [DEKEMABA,

            II. E haawiia e na'lii o Honolulu, kahi e ku ai ka hale pule, no ko Roma pule, he awa i hele pinepineia e ko Farani, a na kekahi kahuna o ko lakou aina e hana i kolaila oihana.
          III. E hookuu koke ia ka poe malama i ko Roma pule, o ka poe i hoopaaia no ko lakou pule mahope mai o ka hoomaau hope ana i na Misionari Farani.
          IV. E waiho ke alii o ko Hawaii pae aina ma na lima o ke alii l' Artimise i iwakalua tausani dala, i kumu e maopopo ai kana hana i ke alii o Farani ma keia hope aku, a na ua alii la no e hoihoi mai ia, ke hiki i ka wa ana e hoomaopopo ai, ua hooko io ia na olelo o keia kuikahi, a me na olelo i olelo pu ia me Kapena Dupetit Thouars, i ka malama o Iulai, 1837.
          V. E laweia ke kuikahi, a me na dala i oleloia a maluna o ka manuwa l' Artimise, na kekahi alii nui o ka aina e lawe i ka wa e ki pu aloha ana ka papu o Honolulu i ka hae o Farani, he iwakaluakumamakahi pu, a na ua manuwa la kekahi e ki pu aloha.
Ua hanaia, a ua kakauia ka inoa o na mea olelo, Iulai 12,139.
Na inoa, KEKAULUOHI.
KEKUANAOA.
KAMEHAMEHA III.
C. LAPLACE.
Ke alii o ka manuwa l' Artimise.

KUIKAHI 3 ME FARANI.

Kuikahi i hanaia'i iwaena o ke alii o ko Haawaii pae aina o Kamehameha III, a me Kapena Laplace, ke alii o ka manuwa Farani o l' Artimise, ua hana hoi oia ma ka inoa o kona alii.
          PAUKU I. E mau loa aku no ka malu, a me ke aloha mawaena o ke alii o Farani, a me ke alii o ko Hawaii pae aina.
          II. E hoomalu io ia ko Farani, o ko lakou kino, a me ko lakou waiwai, e ke alii o ko Hawaii pae aina a e haawi no hoi oia i mea e hiki ai lakou ke hoopii ma ke kanawai i kona poe kanaka, ke aie lakou.
          III. Ua pili keia hoomalu ana i na moku Farani, a me na kanaka, a me na'lii o na moku. Ina ili kekahi moku, e kokua no na'lii a me na kanaka ma ia wahi aku a ia wahi aku o keia pae aina, i hao ole ia ka waiwai. Ina i like ole na manao ma ka uku, alaila, e koho kekahi, a me kekahi i poe nana e olelo ia wahi.
          IV. Ina e hoopiiia ko Farani maanei e hewa, aole ia e hookolokoloia ia hai, i ka jure no i kohoia e ke kanikele Farani noloko mai o ka haole, a aeia lakou e na alii o ko Hawaii pae aina.
          V. E hooki loa ia no ka mahuka ana o na holomoku o ko Farani moku, e na'lii o ia wahi, a ia wahi aku, na lakou e hooikaika, ma na mea pono a pau i loaa na mea mahuka, a na ke alii o ka moku, a na ka mea nona ka moku paha e uku, e like me ka uku ana o ko na aina e.
          VI. O ka waiwai Farani, a o na mea i ike ponoia he mea no Farani, o ka waina hoi, a me ka barani, aole e hookapuia kekahi o ia mau mea, aole e oi aku ka hoouku ana mamua o elima hapa hanere, ma ke ano o ke kuai ana.
          VII. Aole e hooukuia kekahi moku, a me kekahi waiwai i laweia mai, no ko Farani poe kuai; ke hoouku ole ia kela mau mea no ko ka aina i hoopomaikai nui ia, i ko lakou kuai ana me ko Hawaii pae aina.
          VIII. Ma na aina o Farani, e haawiia i na kanaka a pau o ko Kamehameha III, i na pono a pau i loaa i ko Farani poe ma na aina o Hawali nei, a e manaoia hoi lakou e like me ko ka aina, i hoopomaikai nui ia i ko lakou kuai ana me ko Farani.
Ua hanaia, a ua kakauia na inoa o na mea hana i ka la 17 o Iulai, 1839.
Na inoa KAMEHAMEHA III.
C. LAPLACE.

Na LIMAIKAIKA, e hoopuka'ku.