Ka Nonanona, Volume I, Number 11, 23 November 1841 — Page 41

KA NONANONA.
"E ka mea hiamoe, e hele oe i ka nonanona; e nana i kona aoao a e hoonaauao iho." Solomona.
Buke 1. HONOLULU, OAHU, NOVEMABA 23, 1841. Pepa 11.

HE OLELO HOOMANAO NO MANAWAHINE.

                Auhea oukou e na wahine o Hawaii nei. E hooakaka ana au ma keia palapala i ke ano o kekuhi kauwawahine a ka Haku; a ke hoonoho nei au ia ia imua o oukou i kumu hoohalike, i hoohalike oukou me ia.
                O Manawahine ua hanauia oia ma Amerika i ka makahiki o ka Haku 1810. O Kalaka ka inoa o kona mau makua. Ewalu paha a laua mau keiki. He mau mea haipule io no laua. He puuku ekalesia no ka makuakane, e like me o Zakaria, a me Elisabeta. Pela no na makua o Manawahine. Ua hele laua ma na oihana a pau a ka Haku, me ka hala ole. Aole laua i manao nui i ka waiwai o keia ao, no na keiki a laua. Nolaila, aole hooikaika nui i ka waiwai o ke kino. Ma ka pono o na uhane o ka laua mau keiki, malaila ko laua manao nui. Haawi laua i ka laua mau keiki i ke Akua ma ka bapetizo, a ao mau mai la ia lakou ma ka pono e ola i na uhane o lakou. Paipai pinepine ia lakou, a kuhikuhi mau ma na aoao o ke Akua i ko lakou wa uuku. E like me ia kauoha maikai a Solomona i na makua. 'E ao aku i ke keiki i ka aoao e pono ai oia ke hele; A i kona wa e elemakule ai, aole e huli mailaila aku. Pela laua i ao maikai i ka laua mau keiki. Aole hoi i make hewa ke ao ana, no ka mea, ua huli ka laua mai keiki ma ka pono. Hookahi wale no koe. Oluolu laua i ko laua ike ana ia lakou e hele ana ma ke alanui e ola ai.
            O Lo visa ka inoa o Manawahine. I kona wa uuku, aole i loheia kona kolohe, a me kona lealea ana. He keiki noho malie no me na makua. Aka, aole i loheia kona makau ana i ke Akua ia wa. Noho no ia me ka makau ole, a hiki mai ka manawa a ke Akua i hoike mai ia ia i kona hewa, alaila pau koke ae lo kona palaka, a makau loa ae la no. Weliweli loa oia imua o Iehova ka mea ana i hoino aku ai; mihi maoli no ia, a haawi koke aku oia i kona naau ia ia. Me ka hilinai i ke koko o ke Keiki a ke Akua no ke ola o kona uhane. Nui no kona makemake e noho pu me ke Akua, a e hooko i kona makemake. Ua komo oia i ka ekalesia i ka makahiki a ka Haku 1832, a ua mareia me Muna i ka makahiki 1836. No kona ike maopopo ana i ka hemolele loa o ke Akua, nui kona hoahewa ana ia ia i iho no kona hewa. I kona manao aole oia e ola , aole hoi e hiki i ke Akua ka kala mai i kona hewa, a no kona ike ana i ka hewa o kona naau iho, mai hiki ole ia ia , ke kapa ia ia iho he haumana a Iesu, kaumaha no kona naau i ka hewa. Pela oia i noho ai me ka lana o ka manao i i kekahi manawa, a me ka makau i kekahi manawa, a hiki i kona wa i haalele ai i kona aina a holo mai i Hawaii nei. A i kona noho ana me kakou, ua maopopo loa he wahine haipule io oia.
            Eia kekahi ano o kona noho ana. O ka makau a me ka hoopailua i ka hewa. Ua maopopo loa i kona