Ka Nonanona, Volume I, Number 8, 12 ʻOkakopa 1841 — HE WAHI HELU NO KA NONANONA. [ARTICLE]

HE WAHI HELU NO KA NONANONA.

Eha makahiki i hala aku la, mai ka hoomaka ana o ka hale pule pohaku ma Waimea, a hiki ia nei. Ua paa na aoao a me na kala, na kauia na kua a me kekahi mau oa. E hia la na makahiki e koe a pau ua hale pule nei? Owai ka mea hiki ke hoike mai? Laiana.

Lahainaluna Aug. 30. 1841. Aloha oe e ka Nonanona. Eia kekahi hana no ka poe akamai i ke Anahuinakolu. E imi lakou i ka loa mai Lahainaluna a i Lahainalalo, a mai Lahainaluna i ka puu o Paupau mauka aku o Lahainuluna. Ma ke anahuinakolu e imi ai. Eiu ke ana ana me ke panana a me ke kaulahao. Ku makou ma ka pa o ka hale kula, a nana i ka moku e ku ana i Lahaina me ke panana, a nana hoi i ka lepa ma o aku ma Oloalu, a loaa ka huina 74 degere; alaila e ana aku ao a hiki i ka lepa 42 kaulahao, 462° anana no ia. A malaila e ana hou i ka huina a loaa 90 degere 15 minute. Heaha ka lou mai Lahainalunu a hiki i ka moku, a mai Luhainaluna a hiki i ka puu?

Eia kekahi, ku makou ma kela wahi hookahi ma ka pa o ka halekula, a ana i ka huina kiekie o ka puu o Paupau me ka laau ana huina kiekie, a loaa 14 degere 45 minute. A ana hoi i ka huina hohonu o ka moku e ku ana ma Lahaina, a loaa 86 degere 50 minute, a ina hoolawe ia noloko o ke 90 degere a loaa ka huina kiekie ma Lahaina, 3 degere, 10 minute. Heaha ke kiekie o ka pu'u o Paupau malama o ke kai, heaha hoi ke kiekie o Lahainaluna? E imi mua i ke kiekie o ka puu maluna o Lahainaluna, alaila imi i ke kiekie o Lahainaluna maluna o ke kai, a houluulu pu a loaa ke kiekie o ka puu. O ka loaa ma kela ninau mua mai Lahaina i Lahainaluna, a mai Lahainaluna i ka puu, oia na aoao loa o na huinakolu kiekie. Auhea oe, e ka mea akamai i ke anakiekie a me ke analoa, e hoakaka mai oe i keia.mau ninau i maopopo kou akamai a me kou hemahema paha. K.