Ka Nonanona, Volume I, Number 6, 14 September 1841 Edition 02 — Untitled [ARTICLE]

Kaluaaha, Iulai 22, 1841. Auhea oe e Limaikaika, Eia makou ke noho nei ma ko makou mau hale oluolu ponoi, a mawaena hoi o ko makou poe kanaka aloha. Ua lohe oe i ko makou ee ana i ka moku i ka po akahi. Holo mai la makou, aole pono ka holo ana, no ka mea, ua mama ko lalo o ka moku. Hoao wale ae la makou e holo a i ke ahiahi o ka po elua, aole hiki, alaila hoi aku ia makou a moe i Honolulu, a ahiahi ae la o ka po ekolu, ee hou mai la makou a holo pono mai la no, a i ka po al@na ahiahi pae ola mai makou me ka pomaikai. Ku@kumamalima hora makou ma ka moana. I ko makou noho ana ma Honolulu, noho malia no na hoahanau. Aole haunaele, aole i loheia ua haule kekahi. Kaumaha no ka manao o na makamaka o makou i ka lohe, ua mai ane make H@koke wahine. A i ko makou noho loihi ana kokoke pau ko lakou manao e ike hou mai ia makou. Nolaila i ko lakou ike ana i ka hae keokeo ma ka moku, hikilele ka manao a uwe nui ia makou. Eia kekahi ua make na hoahanau eha ia makou e noho kaawale ai. O Aberahama ka inoa o kekahi i kona wa i ola ai he kanka ilihune a he @ai a he nawaliwali. Ehiku ae nei mau makahiki a keu o kona noho ana ma ka ekalesia, aole oia i hihia. Eia kona mea kupanaha, o ke aloha nui i na uhane o na kanaka. Pinepine loa kona hele ana manao a malalo a ma kahi kokoke no hoi, e pule pu ana me ka poe hewa, a e koi ikaika ia lakou e huli ma ka pono o Iesu.

Aole oia i manao i kona kino manini, hele aku no me ka makemake ikaika loa e imi a e hoohuli i kona poe hoalauna, a ua manaoia aole i makehewa kona hooikaika ana, no ka mea, ua ao mai paha kekahi poe a ua huli mai no. Ua make ia; aka, he lanakila a he oluolu loa kona make ana. Aole me he make ana la o ka holoholona kona i ka noonoo ole, aolo hoi i like pu kona make ana me ka make ana o kekahi poe naaupo, aole ona manao e hele ana ia i Milu. Aole hoi he maku i ka lua ahi o kona make ana. No ka mea, eia kana olelo hope, 'Eia wau, ke hele nei io Iesu e noho pu me ia.' E Rahaba ka inoa o kekahi hoahanau i make, he haumana ia o ke Kula Kaikamahine ma Wailuku. He Kaikamahine haipule. Ua mahalo nui na Kumu o ia Kula i kona ano maikai. Ua hoihoiia mai no ka mai. Aole liuliu a make no ia me ka manaolana maluna o ka Haku kona mea o ola ai. O ka olelo kupapau no ia mau hoahanau, aia no ia maka Halelu 73: 24. "E alakai no oe ia'u ma kau mau olelo ao, a mahope aku e hookipa mai oe ia'u i ka nani." Eia kekahi o ka anaina pope ma Kalaupapa, ua emi aku i keia manawa. O kekahi mau kanaka i hele mamuli o lakou mamua, ua ike i ka lakou hana ana, ua ino a ua lapuwale a ua haalele ia lakou. Pela ka olelo a ke Kumu ao o ia wahi. Eia kekahi. Ua loaa ia makou kau wahi "Nonanona" hanau mua. He mea makemakeia no, a ina pela ke ano o kona poe hope mai, aole makou e aua i ko lakou hookipa ana me makou. Nolaila, ea, e hoonui mai i hookahi haneli a keu paha, no ka mea, nui ka hana e waiho wale ana maanei. A he mea ikaika i ka hana ka Nonanona. Nolaila o ka nui ka pono. Ua au. Na'u na HIKE@OK@.