Ka Nonanona, Volume I, Number 6, 14 September 1841 Edition 02 — Page 24

24 KA NONANONA. [ SEPATEMABA,

mala na ehiku! Ahea pau keia hana ino a ko Hawaii nei? Me he ahi la ia e hoopau ana i na kanaka, aole nae makau lakou. E na makua, e malama loa oukou i ka oukou mau keiki, i keia hewa nui. E hookaawale loa aku i na mea hoowalewale, moe kolohe, mai ko lakou maka aku.
          Ke hele nei ka poe paa i ka hao i ka pule i ka la Sabati, a he kula no hoi ko lakou. He poe kolohe loa a naaupo loa no nae ka nui o lakou.

          Eia no keia, he iwakaluakumamahiku na hale kuai ma Honolulu nei. No na haole wale no keia mau hale; ua haalele kekahi poe haole i ka hana hoolimalima, a ua lilo loa i ke kuai. Mamua aku nei, he 17 hale kuai rama ma keia wahi; aole akaka ka nui i keia wa, ua umi nae, no ke Kanawai o na'lii.

          E ka poe lawe i ka Nonanona, e uku koke mai oukou, o panee auanei ka uku.

NO NA MOKU.

KU MAI.

            Sep. 8: Moku Kohola, Elenora, no La dana, Burnet ke Kapena; ekolu malama kona holo wale ana e imi aila, aole loaa iki; Hookahi wale no ike ana i ke kohola! Halawai keia moku me ka moku kohola Amerika akau, no Nu Ladana, o Rikeke, ke Kapena; hookahi wale no Kohola i lawaia e ia i keia mau malama eiwa! Pela no hoi kekahi moku Amerika, o Malawaina ka inoa, elima malama ka imi ana i ka ia, aole loaa iki! aole ike aku i ke kohola hookahi.
          Sep. 9. Glouce ster, no Hilo mai.

HOLO AKU.

            Sep. 7. Paalua, i Lahaina.
          " 7. Moku Beawa Kap. Rogers, i Amerikahuipuia.
          " 7 Kiakolu, Hana, Kap. Norton, i Bolabola.

KA AINA I MAHELEIA.

            Eia ilalo ka palapala lima a Mi. Loke, ke kumu a ke kula mahiai ma Waialua. Ua pono loa ka imi ana a ia poe haumana. O ka mahele nui, A O E U, oia ko ka makua, a o na mahele liili iho eha, oia ko na keiki eha. Ua maikai keia.
          Hookahi hewa. Aole i hoakaka a ke ano o ka hana ana. Eia paha ka hiki wa we, e mahele like i kela aina a pau i na apana like he 16, e hookaawale i eha, oia hoi ka hapaha, no ka makua; alaila, e puunaue like ina apana koe he 12 i na keiki eha, oia hoi ekolu no ke keiki hookahi.
"Kula Mahiai" Au g. 27, 1841.
          Auhea oe, e ka Nonanona. Ua haawi mai nei kuu mau haumana ia'u i keia kii malalo iho. I ko lakou manao, ua mahele pono ia malaila ka aina au i hoakaka mai, ma ka pepa eha. E nana mai oe, a ina ua pono i kou manao, e paiia paha ia.

HE MAU OLELO NAAUAO.

            Mai hoolauna aku me na kanaka haalele i ke Akua, a me na kanaka huhu, a me na kanaka lauwili wale.
          O ka naau paakiki, oia ka hale papa o ka Diabolo, a ua paa ia hale i na kia elima; eia na kia, o ka naaupo, ka hookiekie, ka hoohalahala, ka makee, a me ka huahua.

Na LIMAIKAIKA, e hoopuka'ku.