Ka Nonanona, Volume I, Number 5, 14 Kepakemapa 1841 — HI. NO KA MESA. [ARTICLE]

III. NO KA MESA.

Eia kekahi mau ninau ma ka palapala ui a ka poe pope, MOKUNA XXX. pauku ekolu. "N. 3. Heaha ka Mesa? K. O ka mohai ana ia no ke kino a me ke koko a Iesu Kristo i ke Akua ma ka lima o ke kahuna, maluna o ke kua hu i hoomanao aku ai i kona mohai ana maluna o ke kea; o ka mohai ana ia no ke kauoha hou." Ninau aku la au ia Makale ma peneiia; manao paha oukou ma ka Mesa, ua lilo no ka berena i ko Iesu kino maoli? A me ka waina i kona koko maoli? Ae mai laua, ae, oiaio no. Ninau hou aku la au, Pehea ka nui o ko Iesu kino? Ahea paha e pau kona kino i ka aiia, a me kona koko i ka inuia e ka poe hoahanau? Kahaha koke mai laua, a kapa mai ia'u he naaupo. Alaila ninau mai la laua ia'u peneia; Aolo hiki anei i ko Iesu kino kanaka ke noho ma na wahi elua i ka wa hookahi? Hoole au, aole; no ka mea, i ko Iesu noho'kino ana ma lerusalema, aole ia e noho kino ana ma @ia@aia ia wa hookahi no, aole loa. Kahaha hou mai la laua ia'u, me ka i mai, E hiki no i ko Iesu kino kanaka ke noho ma na wahi he nui wale i ka wa hookahi. I aku au, he lehulehu anei ko Iesu mau kino? Ae mai laua, ae. Ninau hou au, Ea! Ehia mau Iesu Kristo ia oukou? I mai laua, hookahi no. Alaila, kahaha no au ia laua, me ka

i aku, he ano e ka o Iesu Kristo i ko oukou manao. Nohea mai keia mau kino ona he lehulehu? Aole pela, aole loa. Ua lalau wale oukou; ua hoopunipuni oukou i na kanaka. No ka mea, ma ka Mesa, aole oukou mohai maoli aku ia Iesu i ke Akua, e like me ka oukou olelo ana. Aole no. I ko Iesu make ana ma ke kea i mohai no na kanaka, ua make kona kino kanaka. Ua ike maka na kanaka i kona kino maoli ma ke kea. Aka, okoa loa ka oukou hana ana i ka Mesa. Olelo nae oukou, o ka berena oia ko Iesu Kristo kino maoli, a o ka waina, oia ko Iesu koko maoli. Aole nae pela, he wahahee no ia. Aole he wahi apana berena i ku pono me ko lesu kino. Auhea kekahi apana berena i ka pono me ka helehelena o ko Iesu kino kanaka? Auhea ke poo? Auhea ka maka? Auhea kekahi apana berena e like me kona lima, a me na manamana lima, a me na manamana wawae? Auhea ka mea i ku pono i ka io, a me na iwi, a me na ami, a me na olona? Aole, aole loa. He wahahee wale no keia hana a oukou, e na kahuna pope. Aole pela ka Iesu hana ana. Ma ka ahaaina mare i Galilaia, hoolilo o Iesu i ka wai i waina. Maopopo lea i na hoa ai ma ka ahaaina mare, he waina maoli, a he waina maikai. Ua ike maka lakou he waina ia. Mu ka inu ana, ua ike Iakou he waina ia. Aole pela ma ka Meaa a ka poe pope. Pau ka pule ana o ke kahuna, he ano hookahi no ka berena, aole hoololiia i io, a he ili, a he iwi a he maka, aole loa. No ka mea, aole hoopunipuni ko kakou mau maka, a me na ihu, a me na waha, a me ka naau. Ma ka nana ana he berena, ma ka honi ana he berena, ma ka ai ana he berena ia, a ma ka moni ana, he berena ia, aole ia he io kanaka. Aole loa. Pela no ka waina. Ma ka nana'ku he waina maoli; ma ka honi ana he waina, a ma ka inu ana he waina; aole loa ia he koko maoli Mai kuhi hewa oukou, e ka poe e heluhelu ana i keia pepa. Kauoha mai no ka Haku i kana poe haumana e malama i kana ahaaina me ka hoomanao mai ia ia; aole makemake oia ia kakou e kau hou ia ia ma ke kea, no ka mea, i kona make ana ma ke kea ma Kale-

vari, ua pau ka mohai ana no na kanaka. Nolaila e malama kakon i ka ahaaiua a ka Haku, me ka hoomanao ia ia. IV. NO KA MARE OLE ANA O NA KAHUNA PULE. Ninau aku la au ia Makale ma peneia; No ke aha aole olua mare i ka wahine? I mai Iaua, aole pono i na kahuna pule ke mare i ka wahine, I aku la au he pono no; no ka mea, ua heluhelu au i ka oukou Baibala Daue, (oia no ka Baibala oiaio i ko oukou manao) a ma ka mare ana a na kahuna pule, ua like ka oukou Baibala, me ka makou Baibala. E heluhelu kakou ma Timoteo mua, 3: 2, 4. "Eia ka pono no ke kahuna pule, he hala ole, e kana ana ia na ka wahine hookahi. **** E hoomalu ana i kona hale iho, me ka hoolohe pono ia mai e kana mau keiki me ka hanohano." Pehea? Aole pono anei i ke kahuna pule ke mare i ka wahine? Owai anei keia mau keiki e hoolohe pono ana ia ia? He mau keiki moe kolohe anei? Ke ae mai nei ka Baibala i ke kahuna pule e mare i ka wahine. Nolaila, heaha ka oukou pono e hooke mai? Eia hoi kekahi olelo,a ke Akua. Hebera 13: 4. "E mahaloia ka mare no na mea a pau." Aole kapu ka mare no na kahuna pule ma ka ke Akua olelo. Aka, o ka mare pono ana o ke kaue i ka wahine, he mea i mahaloia e ke Akua, a me ka poe pono a pau ma ka honua nei. Nolaila heaha ka hewa o ke kahuna pule ke mare oia i ka wahine? He wahine ka Enoka, aole nae hihia oia malaial. Pela o Noa, a he kahuna pule oia, e ao aku ana no na ma ka pono. Ua malama pono ke Akua ia ia a me kana wahine a me ka laua mau keiki i ke Kaiakahinalii. He wahine ka Lota; a he wahine hoi ka Petero, ka mea a oukou e mahalo nui ae. Mat. 8: 14. Manao no hoi o Paulo ua pono ia ia ke kono i wahine, ma ia wahi aku, ia wahi aku e like me Kepa; oia hoi o Petero. Korineto Mua 9: 5. Alaila, ninau aku la au no ko'u kino iho, peneia, ua moekolohe anei au no ko'u mare ana i ka wahine?

Hoole mai o Makale, aole: aole au olelo aku ua moe kolohe oe no kou mare ana i ka wahine. I mai la hoi ia ia'u penei: ina e huli au ma ko ka pope aoao, a lilo au i kahuna pule malaila, ina aole pono ia'u ke mare i ka wahine. Kahaha koke no au ia ia, a noonoo koke hoi au i ka olelo a ke Akua ma Timoteo mua, 4: 1-3. "Ke olelo paka mai nei ka Uhane a i ka manawa mahope, e haalele kekahi poe i ka manaoio, e malama ana i na uhane hoopunipuni, a me ke ao ana a na daimonio; e wahahee ana me ka hookamani, a e hoaaia ko lakou naau, (me ka hao wela;) E papa ana i ka mare, a me kekahi mau mea ai@ Owai anei ka poe e papa ana i ka mare? O ka Pope, a me kona mau Bihopa, a me kona mau kahuna pule a pau. Mahalo mai ke Akua i ka mare no na mea a pau; no na kanaka a pau, a me na kahuna pule a pau. Aole pela ka Pope; oia ka mea e hookapu ana i ka mare no na kahuna pule. Nolaila, owai ka mea ma ko Iehova aoao? A owai hoi ma ko ka Pope aoao?