Ka Nonanona, Volume I, Number 5, 14 September 1841 — H. NO KA PULE ANA IA MARIA. [ARTICLE]

H. NO KA PULE ANA IA MARIA.

Ninau aku la au ia Makale ma, 'Ea, no ke aha ka oukou hoomana ana ia Maria'? Hoole koke mai laua; 'Aole makou hoomana'ku ia Maria; he wahi pule

aloha wale no ia ia, a he mea hoomanao hoi ia ia'. I aku la au, 'aole, ua hoomana maoli oukou ia ia. Ua kapa aku oukou ia ia ma na inoa hemolele, ma na inoa hanohano, ma na inoa kiekie, a ma na inoa e ola'i, e like me na inoa maikai a oukou i kau aku ai i ke Akua maoli. Nolaila he poe hoomana kii oukou. Hoole mai no laua, "Aole makou hoomana kii. Ua naaupo loa oe, a ua wahahee no hoi." Aka, ke i aku nei au, aole au naau po, aole au wahahee ma keia mea. No ka mea o ka oukou palapala, "Ninau ka mea, o ka oukou palapala, "Ninau ma ke Ao ana Kristiano," oia ka mea e hoohewa ana ia oukou. Aia ma ka MO KUNA XVII pauku akahi a me ka lua. "N. I. Heaha ka ke Akua papa ana mai ma ka pauku akahi o ke kanawai? K. Papa mai ke Akua, aole e pule i Akua e; a kauoha mai hoi oia e pule ia ia wale no. "N. 2. Owai ka poe uhai i ka pauku akahi o ke kanawai?" K. O ka poe pule i ke kii, a i wahi mea hanaia paha." Ma keia mnu pauku, ua maopopo lea ka oukou hoomana ana i ke kii. No ka mea, ua pule okou i kekahi mea e, aole i ke Akua wale no. Ua hana ia o Maria, a ua hanaia hoi kona kii, a ua kaulia iloko o ko oukou mau lua kini, a ua kulou hoomana pule aku ou kou ia ia. E heluhelu hoi i ko oukou palapala haipule; malaila ua moakaka lea ko oukou hoomana ana ia Maria. Alaila, ninau hou au peneia; Ke lohe nei anei o Maria i ka oukou pule ana ia ia? I mai laua, Aole. I aku la au, heaha la ka pono o ka pule ana ia ia, ke lohe ole. a ke ike ole mai oia? I mai laua, o ke Akua no ka mea e hoike ana ia Maria i ko makou manao haipule ia ia. I aku la au, he Iapuwale loa ka oukou haipule ana ia Maria, no ka mea, aole ona lohe, aole ona ike mai i ko oukou manao ia ia. Auheu oukou, e ka poe i makemake e pule aku ia Maria? Eia paha ka mea •E nana i ka Nonanona E, i paiia Augate @, 1841.

E hiki ai. E pule ponolei aku i ke Akua maoli, a nonoi aku ia ia e hai aku i ko oukou manao ia Maria. Peneia paha e pule aku ai oukou, Ea! E ke Akua, e, ke makemake nei makou ia oe e hai aku i ko makou manao ia Maria. Eia ko makou manao. I lilo o Maria i mea e paipai, a e haipule pinepine ia oe no makou i lilo hoi oia ia uwao no makou, a i k@lahala e ola'i no makou. Ke mahalo aku nei makou ia Mai'ia, no ka mea, oia no kou makuwa hine e ke Akua. Amene'.