Ka Nonanona, Volume I, Number 2, 20 July 1841 — KA PULE IA MARIA. [ARTICLE]

KA PULE IA MARIA.

I keia mau la iho nei, kamailio makou me kekahi mau haumana a na kummu pope ma Waialua. Ninau aku la au, "he poe Palani anei oukou? Ae mai la kekahi o lakou, "ae, he poe Palani makou." "Ehia oukou i hele malaila"? "He nui no, o keia kulanakauhale a pau loa." Ninau ae la au, "pule oukou ia Maria"? Mumule iho la lakou, aole ekemu koke mai: a liuliu iki, pane mai la kekahi wahine, e noho ana me ke keiki uuku iloko o kona lima; "Ae, pule no makou ia Maria." I aku la au, "he Akua ka! o Maria e pule aku ai kakou ia ia"? "Aole he Akua, o Maria, wahi ana, aka, he mea pono i ko makou manao, ke hai aku i ke aloha ia ia." "Oia ka! ko oukou mea e pule aku ai ia Maria, o ke aloha, ea"? Pela wau. Ae mai la ia wahine, "ae." "A pule oukou ia Maria, a hai nui aku i ko oukou aloha ia ia, ua akaka anei kona lohe mai"? Paa hou na waha o lakou; a liuliu ae, hoole mai kekahi kane, "aole akaka ka lohe o Maria, he kanaka wale no ka hoi ia"! "A owai ka mea i lohe maopopo i ka kakou pule"? "O Kristo ka mea lohe ma na wahi a pau." Pela mai. "Ae aku la au, ae, he oiaio ia, a nolaila e pule ha ia ia, a ia ia wale no, a e oki ka pule ia Maria i ka mea lohe ole. Ninau hou iho la au, penei, "ina ike oukou i kekahi kanaka e ku ana ma Waialua nei, e kamailio ana me Keku-

anaoa, aia ma ka papu ma Honolulu, pehea ko oukou manao i kela kanaka? Aole anei oukou manao he pupule kela? Make hewa loa kona kahea ana ia Kekuanaoa ma Honolulu, no ka mea, ua kaawale loa a mamao loa aku, he 30 mile, aole hiki aku ka leo nui e like me ka pu. Pela wale no ka pule ana ia Maria. He make hewa loa, no ka mea, pehea la e lohe mai ai, ka poe make, i ka poe haipule ma na wahi a pau. Aole lohe. Pau ae la ia, olelo iho la kekahi kanaka ae. "Aole makou i pule ia Maria, aloha wale no makou iaia, no ka mea, he punalua ia no makou." "Kahaha iho la au, kahaha, aole ka! oukou i pule ia Maria, a heaha keia olelo iloko o ka Ui-pope, e i ana penei, "Aole oe, e Maria; ua piha oe i ka maikai; ua noho pu ka Haku me oe; ua pomaikai oe iwaena o ka poe wahine a pau; pomaikai Iesu, ka hua o kou opu, Santa Maria, makuwahine a ke Akua, e pule aku oe i ka Haku no makou, no ka poe kina nui, i keia manawa, a i ka makou manawa e make ai. Amene." O ka oukou olelo keia ia Maria, aole anei?" Ae mai no kela, "pela no ka ui a makou" "A pehea la oe i hoole mai, aole pule ia Maria? A i ka wa, kamailio aku oukou ia Maria pela, ua akaka anei kona lohe ia oukou? Aia no Maria ma ka lani, aole akaka kona lohe i ko oukou leo aloha ma ka honua nei? E aho e hai aku i ke aloha i ka Haku, ke Akua, ka mea lohe mapopo. O ke oki no ia o ka makou kamailio ana; he kamailio oluolu no ka makou, aohe he huhu a me ka hoino. Aloha nae au i keia poe kanaka i puni i na kumu pope, a ua pule au i ke Akua no lakou, i kaakaa ko lakou mau maka I keia mau la iho nei, ninau aku la au i kekahi haumana pope, "ia wai ka oukou pule pinepine e pule nei, i ke Akua paha, ia Maria paha? I mai la, "ia Maria ka pule pinepine." "Oia iho la, aka he mea mau keia ma na aina pope a pau loa, he lehulehu loa na pule ia Maria a me na kanaka make he nui wale, a he hapa mai ka pule i ke Akua mana e olaʻi. I kou manao,

o ka pule ia Maria a me ka pule ia Kaahumanu ua like pu. He mau kanaka wale no laua elua, a ua mamao aku ia kakou. Lim.