Ka Nonanona, Volume I, Number 2, 20 July 1841 — KA MAKE. [ARTICLE]

KA MAKE.

Ua lohe iho nei makou i ka make ana o Hanere Pete, a me na kanaka elima no Hawaii nei, ma ka moana. O ka mai puupuu liilii (Smallpox) ka mea e make ai na kanaka Hawaii, a o ka wela a me ka pupule ka mea e make ai, Mr. Pete. Maluna o ka moku kalepa, Don Quixote ka inoa, ko lakou wahi e make ai, i ka wa e holo ana mai Valeparaiso i Bolabola. Aloha ino keia mau kanaka! Aola akaka ko lakou makaukau. "Auwe ka poe hoopanee, A mihi ole no." Ku keia moku ma Tahiti, a liuliu, a holo mai maanei; uamanoia, ua pau ka mai ona, aole nae pau ka makau o kekahi poe. He nui ka haunaele ma Tahiti; ua holo o Pomare ke alii wahine ma kahi e, a he nui loa kahana uhauha a na kanaka, ua eha ke Kanikela Amerika ia lakou, a ua huki ilalo oia i kona hae me ka manao e hoopii. Ua kokoke paha ka pilikia i kela aina. He nui loa na moku ku malaila, i kekahi wa he 30 Kokoke holo mai na moku manuwa elua no Amerika, o Iokatauna, a me Levaneta na inoa.