Ka Nonanona, Volume I, Number 2, 20 July 1841 — Page 7

1841.] KA NONANONA. 7

mau waiwai, aole nae he nui loa. Ua loaa a ua paa i ka hao ka aihue nana i aihue i ka loli o Mi. Alekanedero mamua aku nei. Mai eha kekahi aihue ia Kauka; ua pakele nae ia no kona ki e ana i ka puka a paa, a lawe aku la ia i ke ki-komo.
                Ua kuhi wale ia, o na kanaka paa i ka hao iloko o ka papu, oia ka poe hele nui i ka po e aihue. Auhea oukou, e ka poe malama i ka poe paa hao, o nana mai oukou i keia. Malama paha, ua palaka oukou, a nolaila kekahi hewa.

KA PULE IA MA RIA.

                I keia mau la iho nei, kamailio makou me kekahi mau haumana a ua kumu pope ma Waialua. Ninau aku la au, 'he poe Palani anei oukou? Ae mai la kekahi o lakou, 'ae, he poe Palani makou.'
                'Ehia oukou i hele malaila'?
                'He nui no, o keia kulanakauhale a pau loa.'
                Ninau ae la au, 'pule oukou ia Maria'?
                Mumule iho la lakou, aole ekemu koke mai: a liuliu iki, pane mai la kekahi wahine, e noho ana me ke keiki uuku iloko o kona lima;
                'Ae, pule no makou ia Maria.'
                I aku la au, 'he Akua ka! o Maria e pule aku ai kakou ia ia'?
                'Aole he Akua, o Maria, wahi ana, aka, he mea pono i ko makou manao, ke hai aku i ke aloha ia ia.'
                Oia ka! ko oukou mea e pule aku ai ia Maria, o ke aloha, ea'? Pela wau.
                Ae mai la ia wahine, 'ae.'
                'A pule oukou ia Maria, a hai nui aku i ko oukou aloha ia ia, ua akaka anei kona lohe mai'?
                Paa hou na waha o lakou; a liuliu ae, hoole mai kekahi kane, 'aole akaka ka lohe o Maria, he kanaka wale no ka hoi ia'!
                'A owai ka mea i lohe maopopo i ka kakou pule'?
                'O Kristo ka mea lohe ma na wahi a pau.' Pela mai.
                'Ae aku la au, ae, he oiaio ia, a nolaila e pule ha ia ia, a ia ia wale no, a e oki ka pule ia Maria i ka mea lohe ole. Ninau hou iho la au, penei, 'ina ike oukou i kekahi kanaka e ku ana ma Waialua nei, e kamailio ana me Kekuanaoa, aia ma ka papu ma Honolulu, pehea ko oukuu manao i kela kanaka? Aole anei oukou manao he pupule kela? Make hewa loa kona kahea ana ia Kekuanaoa ma Honolulu, no ka mea, ua kaawale loa a mamao loa aku, he 30 mile, aole hiki aku ka leo nui e like me ka pu.
                Pela wale no ka pule ana ia Maria. He make hewa loa, no ka mea, pehea la e lohe mai ai, ka poe make, i ka poe haipule ma na wahi a pau. Aole lohe.
                Pau ae la ia, olelo iho la kekahi kanaka' ae.
                'Aole makoa i pule ia Maria, aloha wale no makou ia ia, no ka mea, he panalua ia no makou.'
                'Kahaha iho la au, kahaha, aole ka! oukou i pule ia Maria, a heaha keia olelo iloko ka Ui-popoe, e i ana penei,
                'Aloha oe, e Maria; ua piha oe i ka maikai; ua noho pu ka Haku me oe; ua pomaikai oe iwaena o ka poe wahine a pau; pomaikai Iesu, ka hua o kou opu.
                Santa Maria, makuwahine a ke Akua, e pule aku oe i ka Haku no makou, no ka poe kina nui, i keia manawa, a i ka makou manawa e make ai. Amene.'
                O ka oukou olelo keia ia Maria, aole anei'?
                Ae mai no kela, 'pela no ka ui a makou.'
                'A pehea la oe i hoole mai, aole pule ia Maria? A i ka wa, kamailio aku oukou ia Maria pela, ua akaka anei kona lohe ia oukou? Aia no Maria ma ka lani, aole akaka kona lohe i ko oukou leo aloha ma ka honua nei.' E aho e hai aku i ke aloha i ka Haku, ke Akua, ka mea lohe maopopo.
                O ke oki no ia o ka makou kamailio ana; he kamailio oluolu no ka makou, aohe he huhu a me ka hoino. Aloha nae au i keia poe kanaka i puni i na kumu pope, a ua pule au i ke Akua no lakou, i kaakaa ko lakou mau maka.
                I keia mau la iho nei, ninau aku la au i kekahi haumana pope, 'ia wai ka oukou pule pinepine e pule nei, i ke Akua paha, ia Maria paha'?
                I mai ia, 'ia Maria ka pule pinepine.'
                'Oia iho la, ako, he mea mau keia ma na aina pope a pau loa, he lehulehu loa na pule ia Maria a me na kanaka make he nui wale, a he hapa mai ka pule i ke Akua mana e ola'i. I kou manao,