Ka Nonanona, Volume I, Number 2, 20 July 1841 — Page 1

KA NONANONA
"E ka mea hiamoe, e hele oe i ka nonanona, e nana i kona aoao a e hoonaauao iho." Solomona.
Buke 1. HONOLULU, OAHU, IULAI 20, 1841. Pepa 2.

Rumi no na kaikamahine.
Rumi no na kaikamahine.
Rumi halawai.
Rumi Papaa.
Rumi no na keiki a na kumu.
Rumi noho no na kumu.
Rumi aina.
Rumi palaoa.
Rumi kuke.
Rumi kalo.
Rumi no na kaikamahine.
RUMI KULA.
Rumi no na keikikane.
Rumi no na keikikane.
Rumi no na keikikane.
Rumi no Kamamalu a me ke kahu.
HE WAHI AKEA A PUNI.
PAUMA

KA HALE KULA ALII.

                O ka halekula keia no na keiki a na'lii, ma Honolulu, Oahu, mauka ae o ka hale pohaku o Kekauluohi. Ua kukuluia keia hale kula e na'lii i ka makahi o ko kakou Haku 1839. Na lakou no ka uku, aole na na misionari. Elua tausani dala paha ka uku, a ua make pono no keia uku i keia hale maikai. Na na'lii ka uku a na ke kumu no ka hoolimalima ana i na haole, a me na kanaka maoli nana i hana. Aia, maluna iho ke ano o keia hale. Ua like ka loa, me ka laula. O ka loa he 76 kapuai ia; a pela no ka laula. Ua kukuluia keia hale i na lepo kawili, a he umi kapuai paha ke kiekie o na paia, a elua kapuai ka manoanoa. O na paku, he lepo no ia, a hookahi kapuai ka manoanoa. O ke pili o keia hale kula, he pili maoli no ia. E nana aku i ke kii maluna, i akaka ka puka nui e komo ai, na puka komo e ae, a me na puka ani-