Ka Nonanona, Volume I, Number 1, 6 Iulai 1841 — Untitled [ARTICLE]

olelo pu ai me ke kumu, alaila e malama no lakou ia waiwai, i mea e uku ai i kekahi kula, a ina he waiwai kaumaha i ka malama ana, alaila, e lilo kekahi hapaumi o ia waiwai i ka luna kula nana e malama. 8. Ma na wahi a pau loa i mehameha na kamalii no ka pono ole o na hale kula, e olelo aku no ka lunaauhau o ia wahi i na kanaka, a e hana no lakou i hale kula e like me ka olelo a na luna. E hana pu no hoi na kuewa, no ka mea, aole ia he hana i pili i naʻlii wale no, he hana ia e pono like ai na makaainana, a me naʻlii, he hana aupuni no hoi ia, e pau loaʻi na kuewa a me na hoopili wale i ka hana. 9. Eia na kamalii kupono i ke kula, o na kamalii eha makahiki mai ka hanau ana, a maluna ae alaila a hiki i ka umikumamaha makahiki. A ina he keiki ka kekahi kanaka i kupono i ke kula, aole i hiki i ka walu o kona makahiki mai kona hanau ana, aole hoi i hoouna mau kona makua ia ia i ke kula, alaila, aole e kuuia kela makua i ka hana o ka poelua o ke alii, a me ko ke konohiki ko lehulehu kona mau keiki, aole hoi e hoomahuahuaia kona aina, aole hoi e kii kela makuu i ka laauma ke kuahiwi, i ka laau hoi a ke alii i haawi iho nei i na makaainana Ua kapu ia laau i na makua hoouna ole i ka lakou keiki i ke kula. Aole hoi e lawaia kela makua ma na kai a ke alii i haawi ai no na makaainana. Ua makemake kela makua i ka naaupo, nolaila, e pili no ia ia kela mau kapu o ka wa naaupo. Aka, me he keiki nui, ua hala ka walu o kona mau makahiki, a hele ole oia i ke kula, alaila, aole o ka makua wale no ka hewa, o ke keiki no hoi kekahi; e hele no ia keiki i ma ka paahao a pau loa o ke alii nui, a me ko ke konohiki. Aole e kuuia na keiki a pau i hele ole i ke kula, e hele no lakou i ka hana. (Aole pau.)