Ka Nonanona, Volume I, Number 1, 6 July 1841 — Untitled [ARTICLE]

Ua hiki mai nei kekahi mau misionari hou ewalu mai Amerika mai, 4 kane, 4 wahine. O mi, Dola, he kahuna pule a me kana wahine; ua hoonohoia laua ma Punahou e ao i na kamalii a na misionari Amerika ma keia pae aina. O Mi. Boneda, he kahuna pule, a me kana wahine, ua hoonohoia laua ma Kohala. O Mi. Paria, he kahuna pule a me kana wahine, no Oregona laua, ua manao no nae laua e noho maanaei i keia mana. E holo ana i Hawaii a ma Kau paha e noho loa ai. O Mi. Rise, he kumu ao, a me kana wahine, no Oregona no hoi laua, a ua manao laua e noho maanei a maopopo ka pono o ka holo aku i Oregona. Nani wale ka lokomaikai o ke Akua i ko Hawaii nei! Ua holo pu mai me lakou kekahi haole hana waki, o Boadamana kona inoa, a ke hana nei no oia i kana hana maikai maanei. Pomaikai paha kakou a pau i kaua hana, no ka mea, he nui wale na wati kuli i keia wa iho nei, no ka hana wati ole, Holo pu mai no hoi kekahi haole kaomi aila kukui o Kudela ka inoa. Manao oia e noho ma Koloa, e kaomi aila. Waiwai iki paha na kanaka o Kauai i kana hana. Na lakou e hoiliilii i na kukui a kuai me ia. Ua hoi mai Mi. Hupa, a me Keaka me kanak wahine hou, a me kona kaikawahine, a me ke kaikamahine i holo aku ai i Amerika mamua. He mau haole Amerika e ae kekahi, he mau kanaka kuai, o Sulivan a me Anatona ko laua inoa. He nui wale ka waiwai kalepa ma Honolulu nei i keia manawa, aole okana mai. O ka nui o keia mau haole malihini, he poe haupule. I ka la 3, o Aug. 1840, holo aku la Binamu ma, i Amerikahuipuia, ma ka moku Falora. Aia maluna o na moku la elua haneri tona kopaa, a me ka molakoke, no keia pae aina aku, a ma nea ili kao 16,000. E Kauahi, ke ninau aku nei au ia oe, ina i kuaiia ua mau ili kao nei ma Nu Ioka, a

loaa mai ka hapaha no keli ili, keia ili, ehia dala Hoko olaila? A ina ua kuaiia ua mau ili nei ma Honolulu, no na dala 200, a lilo @ hou ae, he 50 no ka @koe no ka mea nona ka waiwai? E hai mai. Ma ia la hookahi no (Aug. 3.) holo aku la na kanaka Iapana ma ka moku Halekiai i Kamesekala me ka manao e imi i moku malaila e hoi aku ai i ko lakou aina. Aloha ino ia mau kanaka! mai make lakou ma ka moana, aka, ua hoopakeleia e ke Akua, a ua hookipa aloha ia maanei e na misionari a me na haole. Ina paha hiki aku lakou ia Iapana, a ua aeia mai e komo, (no ka mea, he kapu loa ia aina i na kanaka no na aina o mai,) a e hai aku i na mea a lakou i ike ai, oluolu iki mai paha ko laila poe alii, i na kanaka Kristoano, o na aina e. E kipakuia mai no nae paha lakou, no ke kapu. E Haleole, ke ninau aku nei ka Nonanona ia oe, he aha ka latitu, a me ka lonitu o Kamesekaka, a ehia hoi na mile mai @ olulu nei a hiki ilaila? Ehia hoi na mili mailaila aku a hiki i Iapana? E hai pololei mai oe. Eia kekahi ninau,no ke aha la, ke kapu loa o ia aina o Iapana i na kanaka no kahi e mai? E ninau aku oe i ka mea i ike. a hai mai iaʻu. Malama paha loaa ole keia mau mea ia Haleole, a nolaila, na Kahulanui e hoakak mai. I keia mau la iho nei, mai ka la 22 o Iuna a hiki i ka la 27, he pule hoomau ma Waialua; aole nui loa na kanaka i hele a lohe i ka ke Akua olelo, aole hoi makaala loa ka poe i hele mai. Ua lana no nae ka manao o kekahi poe, a ua komo ka noonoo iloko o kekahi poe hihia, a me kekahi poe paakiki. I ka la 25 o Iunea ku mai ka moku Koulika no Kolomebia muliwai mai. Ua loaa mai kekahi mau palapala no Oregona mai, a me na moku imi aina i holo aku nei. Ua hiki aku ilaila na moku Winisani a me ka Naia, 22 la ka holo ana mai la nei aku; aole komo keia mau moku iloko o ke Kolumebia, no ka ikaika o ka makani a me ka ino o ke kai. Nolaila holo lakou ma ka akau i ke kowa o I@, malaila, ku na moku. Aole mea poino o lakou.