Ka Makaainana, Volume XI, Number 9, 27 February 1899 — Page 3

Ka Makaainana.

 

HONOLULU , FEBERUARI 27, 1899.    3

 

POE I HOOLUOLU

Mai na Inea o Keia Ao Luhi a Mauleule.

T. L. WILLS.

  Ma Pahala, Kau, Hawaii, i pauaho mai ai keia kamaaina kahiko loa o kakou i ka Poalima, la 10 nei, mamuli mai no hoi o ka elemakule loa, i awili pu ia no hoi me ke omaimai.  Ke hoomanao nei no paha hoi kahi poe iaia o ka noho ana malalo aenei i Kapuukolo, alanui Moi, e kokoke aku la i ka uwapo o Hooliliamanu me kona ohana, me ka malama halekuai nona iho.

  Ua loaa mai nana a me kaua wahine maoli he mau keiki e ola nei, a iwaena o lakou o Misasa T. C. Wills, wahine a ka mea malama halekuai o Pahala no a he keiki ohana no hoi nana mai kona aina oiwi mai, oia o Enelani, o Misasa J. J. Wiliama, wahine a J. J. Wiliama pai-kii, a me Kale Wili, e ku makai kumau nei no keia kulanakauhale.  He mau makahiki loihi loa kona hiki ana mai a noho ma o kakou nei, me he ha ua piha ke kanaha a keu.  Ua piha paha iaia na makahiki he 70 a oi.

  Ke noho nei na keiki a me na moopuna lehulehu me ka u nona Aloha no!

 

MISI MARGARET MAKALEI KUKAPU.

  Kakahiaka Poaha, la 16 nei, ma kahi noho o Misasa Domitila Paiko, mauka aenei o alanui Nuuanu, ua aili ae ke aho o keia wahine opio i ka 18 paha o na makahiki.  O ka Pa Kea aenei no kona wahi i noho ilihune pu ai me kona makuahine aloha, a mumuli hoi o kahi hoomaemae hou ia o ko laua bale i kiiia mai ai e kela makuahine aloha a hoihoiia aku no kona wahi.  No elua pule wale no o kona waiho ana i ka ma'i fiva a pauaho mai la me ka loaa lawelawe lapaau ole ia e kahi kuka, aka, i ka hope loa i kiiia e imi i kokua ana, na hala nae hoi ka wa pono.

  He wahine opio oiwi kino nui a loihi keia o ke ano nanaina mahamaha a oia hoi kekahi lala mikiala loa o ka papa himeni o ka luakini o Malieokamalu.  I  ka loheia ana ae no kona hopena, ua pau aku ua lala e ae o ka papa himeni e ike a e makena nona me ka lawelawe ana i na hana a pau e maikai a e maemae ai o kona kau ana a hiki i ka wa e nalo ai malalo o ko lakou mau lilo o ka lulu nui ana.  Ua nui no hoi ua hoohiwahiwa pua i hoolakoia aku no e kona mau hoa.

  I kahi kakahiaka, ae hora 8, i malamaia ai ke anaina pule kupapau nona ma ka luakini o Malieokamalu, malalo o ka lawelawe ana a ka Rev. Makua Makia.  A mai ka luakini i neo aku ai ka huakai hoolewa no ka ilina o Koula, me ka helewawae nui o kona poe hoa mahope koke iho o ke kaa kuaapau.  Ma ka ilina, na ka Rev. Makua Valekino ka pule boom ha iloko o ka uwe a me kahi  himeni ana mai kona mau hoa mai, ua waihoia aku oia "e hoomaha iloko o ka maluhia" o kona Haku.

 

GEORGE W. NORTON.

  Mauka o Koiuiu, ma kahi noho o C. B. Dwight (Kale Kuaika), i ka hora 4 paha o ka wanaao Poalima, la 17 nei, i alili ae ai ke aho o keia hapauea kamaaina loa o kakou nei i ke 82 a keu o na makahiki.  No kahi wa loihi i pili mau ai ka ma'i iaia, he eha aai (cancer) ma kona waha, e me he la, na ia eha no i hoonawaliwali mai i kona kino a hiki i ka pauaho ana iho la.

  He kanaka Amerika oia ma ka hanauia ana a ua hiki mai hoi i o kakou iloko o ke kaulu o-kohola he 40 makahiki a keu i hala ae.  Ua lawelawe mua oia i ka oihana kupa-pahu maanei ma Polelewa aenei, a mahope mai i hoi ai no Makawao, Maui a ilaila i noho po ai me ia hoahanau ona a make e ia he makahiki paha a oi i hala ae.  A oiai no hoi malaila, ua noho oia ma ke kulana malama buke no ka Mahiko Ululaau (Grove Ranch), a i ka hoi ana mai ianei e hoohala ai i kona mau la hope me kana mau keiki, o lakou o Misasa R. B. French, Misasa Kale Kuaika a me Keoki Nutona, i make , ua wehe ae kana hunona, o Kale Kuaika, i hale kuai wai-momona nona makai o alanui Papu, ma nae ae o Halekauwila.

  Ia auwina la iho no hora 4, i malamaia kona hoolewa a nalo ma ka ilina o Kawaiahao, malalo o ka lawelawe haipule ana a ka Rev. H. H. Paleka.  Me ka na mau keiki e noho  nei me kau nona, he mau moopuna lehulehu kahi.  He mau makahiki loihi i hala ae i oki ai me kana wahine oiwi opio hope loa o ka mare ana.

 

Na Poe i Hanau Keiki Mai.

  Ma ka huli ma Kulaokahua o Puowaina, i ka Poaono, la 4 nei, he keikikane ka ka wahine a Kauka Wahie i hanau mai ai; i ka La Pule ae, la 5, he kaikamahine i ka wahine a F. W. Taramu; a i kahi La Pule mai, la 13 nei, he kaikamahine i ka wahine a E. E. Mokimana.

  Ma Wailuku, Maui, Ianuari 30, i ka wahine a ka Rev. J. M. Lewisi, he kaikamahine; ma Hilo, Hawaii, Ianuari 30, i ka wahine a E. D. Balauwina, he kaikamahine no; a ma Laupahoehoe, Hilo Akau, Hawaii, i ka La Pule, la 21 nei, he keikikane na ka wahine a Lunakanawai E. W. Banada.

  Ma ka Home Makuahine Kapiolani, Poalua, la 7 nei, i ka wahine a C. Herbert, he kaikamahine; malaila no, ia la no, i ka wahine a Keliinohoia, he keikikane; malaila no.  Poalima ia 10 nei, i ka wahine a E. Devosele, he kaikamahine; a malaila no, Poaono, la 11 nei, i ka wahine a Solomona Panaewa, he keikikane.

 

Ko Ka Wahine Hopena.

[Mai ka nupepa Record, Bushnell, Ill.]

  Aohe wahine i hiki makaukau ke kamailio i na poe e ae e pili ana no ka "hopena wahine" e like la me Misasa Iakoba Wiva, o Busenela, Ilinoi, wahine a ilamuku kulanakauhale.  Wiva i pau.  Ua ole loa ia oia mai ka ma'i ona i waiho ai ma kahi moe no ka hapanui o ka manawa no elima a eono paha makahiki i hala ae, a au olelo ae i loaa kona ola i kela laau i ike lea ia, ka Kauka Wiliama Hua'le Akala.

  He kanalima-kumamaono na makahiki o Misasa Wiva, a ua noho ma Busenela no aneane kanakolu makahiki.  He mea oia i hiki ole ke hoohuoiia kona ano oiaio a ua kina ole hio kona inoa maikai imua o ka lehulehu.  He lealea ka moolelo o kona ola ana.  Wahi ana:

  "No elima a eono paha o'u makahiki i ehaeha ai me na popilikia e loaa ana me na wahine i keia wa o ko'u ola ana.  Ua hoonawaliwali loa ia au, ua hiki ole i ka hapanui o ka manawa ke lawelawe i ka'u hana ponoi, a na ehaeha hoi mawaho loa aku o ka mea hiki ia'u ke hoaiai aku.  Ua emi pu ko'u manaolana a ua hakanu mai hoi.

  "Lehulehu na ano laau like ole a'u i lawe ai, me ka oiaio ua lawe au i ka laau i na wa a pau, eia nae, aole wahi mea i hana mai i kau wahi maikai iki no'u.

  "Ua heluhelu au no ka Kauka Wiliama Hua'le Akala oo na Poe Haikea a na hoomaikai kiekie loa mai hoi kahi o kela poe hoa' laha ia lakou.  Ua hooholo ko'u manao e hoao ia lakou. 

 

Mrs. Jacob Weaver.

 

Iloko o Maraki, 1897, i kuai ai au i ke poho mua, a ua hoopomaikaiia hoi mai ka hoomaka na mai.

  "He poho a me ka hapa ka i hoola loa mai ia'u, a ua puipui a ikaika hoi au i nei wa.  Aole au i hoouluhuaia mai me ko'u mau pilikia mai ko'u hoomaka ana e lawe i na hua'le.

  "Ua hoomaikai aku au i na hua'le i kahi poe wahine lehulehu e noho ehaeha ana e like me ko'u ehaeha ana.  O lakou wale no ka mea i kokua mai ia'u iloko o ka pilikia e hoea mai ana i na wahine lehulehu loa ma ko'u mau makahiki."

MRS. J. H. WEAVER.

  Kakauinoaia a hoohikiia imua o'u i keia la 23 o Okatoba, M. H. 1897.

  O. C. HICKS, Notari Lehulehu

  Ina e kaalo ana ka wahine i ke au makuahine, he wa popilikia ia ma kona ola ana.  Alaila, he mea pono ke hoomaopopoia na mea kupono e pili ana i ke ola o ke kino.  Ina e laweia ana ka Kauka Wiliama Hua'le Akala, e nalowale aku nona hoehaeha ukali mai a o ka hopena mai no ka pii ae o ke ola maikai.

  He ikaika launa ole mai keia mau hua'le ma ka hoihoi hou ana ae i ke kino a kona kulana kupono.  Aia iloko o lakou ma ke ano i kaomiia na haawina a pau loa i kupono e haawi i ola i maikai hou no ke koko.

 

W. C. Achi.                 Enoch Johnson.

             Achi & Johnson

He mau Loio a Kokua ma ke Kanawai

Keena Hana:  Helu 10, aoao Komohana,

Alanui Moi.            nov. 28 -- tf.

 

Hoolaha Manao Hooko Moraki a me ke Kuai a ka

Mea Paa Moraki.

  Ke hoolahaia aku nei ma keia mamuli o ka mana kuai a me na olelo e ae ana a me na kumu e ae maloko o kekahi Moraki i hanaia ma ka la 15 o Iulai, M.H. 1897, e Mikala Kaulia a me Asa Kaulia, kana kane mare, no Honolulu, Mokupuni o Oahu, ia Enoch Johnson, Trustee, no Honolulu i oleloia, a ua kopeia ua Moraki la ma ke Keena o ka Luna Kakau Kope ma Honolulu i oleloia ma ka Buke 170, ma na aoao 455 a me 456; ke makemake nei ka Mea Paa Moraki e hooko aku i ua Moraki la no ka uhaiia ana o kekahi kumu aelike i paa maloko o ua Moraki la, oia hoi, ka hookaa ole ia ana o ka ukupanee o ua Moraki la ma ka wa e hookaa ai.

  Ke hoolahaia aku nei ma keia e kuai kudala akea ia aku ana na kuleana, na pono a me na pomaikai o na mea Moraki i oleloia i paa a i hoakakaia maloko o na palapala Moraki la, a i hoikeia mahope aenei ma ke keena kudala o Jas. F. Morgan, ma Alanui Moiwahine, ma Honolulu i oleloia, ma ka POAONO, la 4 o Maraki, 1899, ma ka hora 12 o ke awakea.

  O ka waiwai i hoikeia maloko o ua Moraki la, penei:

  Eha mahele kuleana i mahele ole ia iloko o ka aina Hui o Holualoa 1 a me 2 e waiho la ma Kona Akau, Mokupuni o Hawaii, oia hoi, he ekolu mahele i hooliloia mai e Kepe Kahulu ia Mikala Kaulia, ka mea i moraki mai ma ka la 29 o Okatoba, M.H. 1896, a i kopeia ma ka Buke 172, aoao 98, a me hookahi mai a Pilipo Hanale, ke keiki a Hanale, i a Mikala Kaulia i oleloia ma ka la 15 o Novemaba, M.H. 1896, a i kopeia ma ka Buke 172, aoao 99.

  Kuike ke Dala, ma ke dala gula o Amerika Huipuia. O na lilo palapala i ka mea e lilo ai.

ENOCH JOHASON, Trustee,

Mea Paa Moraki.

  Hanaia  Honolulu, Feberuari 3, 1899.                                                fby. 6 - 4ts

 

 

He Keu a ka Hiki Ole Loa

  Ke waiho ae i na Kamaa oi ae o ka maikai no ke dala mamua o ka makou e hoikeke akea nei.  Eia ia makou na ano a hiona maikai a pau.  Ua hoike ae kela a me keia Kamaa i ke kumu maikai loa ma ka hana Kamaa ana.  He kakaikahi loa, a i ole no hoi, aole loa no he mau iliili ma ka aeone o ka hana Kamaa ana i like aku ka mauia.

  Kamaa Eleele a Makue o Kane...................... $1.50

  Kamaa "Heywood" o Kane............................   4.50

  Kamaa Wahine Li ma ka Eleele a Makue......   3.00

  He heluna nui no hoi kahi a makou o na Kamaa o na Opio a me na Keiki liilii no kela a me keia wa.

  E kipa mai a e ike i ko Makou Puka-aniani Hoikeke.

Hui Kamaa o na Poe Hana

[KAUPALENAIA]

ALANUI PAPU.