Ka Makaainana, Volume XI, Number 4, 23 January 1899 — Page 6

Ka Makaainana: HONOLU, IANUARI 23, 1899

 

KA MOKU AKA-KU

 

Ka Hokalakupua Hoopahaohao o na Kai Hikina

 

MOKUNA IX

 

POINA KETA SILINA - KA OLULO PILIPO VANADEKA- HUI HOU ME KANA AMINE

 

Mai ka Helu 3

 

            Haalele iho la o Pilipo i keia wahi a hele aku la me ka manao e imi i ka hale o ko laila poe kamaaina. Aka, no ka pau ole no o kona maluhiluhi, haule iho la oia ma ka aoao malu o kekahi pohaku a hiamoe, a aole ia i ala hou a hiki i kekahi kakahiaka ae.

            Me he mea la e houhou ana ma kona umauma, hikilele ae la oia. Oaka ae la kona mau maka a ike ae la i kekahi mea e ku ana ma kona aoao. A oiai akahi no a oaka ae kona maka mahope iho o kela hiamoe loihi ana, nolaila, ua ike ae la ia me ke ano powehiwehi, a manao iho la ia o ka bea Johane, a i ole, o ke kupakako Vona Kulukuluma Anaanai Ae la ia i kona mau maka a nana pono ae la i ka mea e ku nei, a hoomaopopo ae la ua kuhihewa oia i ka manao ana o kekahi la o kona mau hoa aukai- a he kumu nui no nae hoi kona kuhihewa ana.

            O kekahi o ko laila ano kanaka, he Hotenetota, ka mea e ku nei ma ka aoao o Pilipo, e aahu ana i ka ili huluhulu o Johane ma kona kua, a ma kona poo hoi kekahi o na lauoho kui o ke kupakako. Mawaho ae o keia mau kahiko he kanaka olohelohe oia, a he ku maoli no i ka hoomakeaka ke nana aku, a ina paha i kekahi manawa okoa ae i na la aole e umi o Pilipo i kona aka.

            Ala ae la o Pilipo a ku iho la ma ka aoao o Hotenetota; a no ko Pilipo ike ana i ka nana oluolu mai o ke kamaaina, ua hoike aku la oia i kona ono i ka wai me kona lima. Kunou iho la ke kanaka a ani mai la kona lima ia Pilipo e hele aku mahope ona. Alakai aku la ke kanaka iaia maluna o na ahua one a iho aku la ma kekahi aoao, a ike aku la o Pilipo ma kahi o ke kanalima a oi aku paha poe kanaka e ohi hele ana i na waiwai pae mai o ke Ta Silina.

            Ma ke ano hoohaahaa mai o na kanaka i kona kamaaina, ua hoomaopopo iho la o Pilipo he alii oia no lakou. Me kekahi mau mapuna olelo pokole i hoopukaia me ke ano ihiihi ua lawe koke ia mai la kekahi ipu me ka wai ekaeka. A oiai aole i kupono keia i ko Pilipo makemake ua inu ae la ia a kena no kona makewai. Kuhikuhi mai la kona kamaaina iaia e noho, oiai hoi na kanaka e ohi hele ana i na waiwai e mokaki ana ma ka aeone.

            Mahope iho o ko Pilipo noho ana me kona kamaaina, e nana ana i na kanaka e holoholo olohelohe ana ma ke kahaone me ka ohi hele ana i na mea o ka moku i pae mai, ninau mai la ka Hotenetota iaia i na aohe ona pololi. Ae aku la oia ma ke kunou ana o ke poo. Lalau iho la ka Hotenetota iloko o kana eke ili kao a unuhi ae la he ano papai aina, e haawi mai la iaia. Luliluli aku la ko Pilipo poo me na nanaiana hoowahawaha i ka mea ai a kona kamaaina.

            A me he la, i mea e hoike ai ia Pilipo i kona naaupo, ua hoomaka mai la ka Hotenetota e ai me ke ano hoohialaai. A pau kana ai ana ku ae la ia iluna a ani mai la kona lima ia Pilipo e hahai aku mahope ona.

            I ko Pilipo ku ana ae, nana aku la ia iloko o ke kai, aia hoi ike aku la oia i kona wahi pahu e lana hele mai ana; holo aku la ia me ka awiwi a loa kahi pahu, hapai mai la a kau i kula, unuhi ae la i ke ki mai loko ae o kona pakeke a wehe ae la i ka pahu. Lawe ae la ia i na wahi mea hiki iaia ke lawe, me ka poina ole ana hoi i ke eke gileda.

            Ia Pilipo e lawelawe nei i na ukana o kona wahi pahu, aia kona kamaaina ke ku wale mai la me ka nana lealea wale mai no; i ko Pilipo makaukau ana nae e hele aku mahope ona, kuhikuhi ae la oia i kekahi o kona poe kanaka i ka laka a me ke ami o ka pahu, a haele aku la laua.

            No hookahi paha hora o ko laua hele ana hiki aku la laua i kauhale, he kauhale pupupu i wahiia me na ili holoholona. I ko laua hoea ana aku pupuka mai la ka wahine me na keiki mai loko mai o ua pupupu hale, a hoopuni ae la i ko Pilipo kamaaina me na nanaina o ka hauole a me ka mahalo no kona aahu hou. Mahamaha ma la no hoi lakou ia Pilipo; lawe mai la i na ipu waiu holoholona a inu ae la o Pilipo me ka hoohialaai.

            Ia Pilipo i nana ponoi aku ai me ka noii i keia mau kaikamahine a Ewa, ua hapai hou ia mai la kena noonoo a me ka hoomanao ana ae no kana Amine.

            I ka la e aneane aku  ana e iho i ka ili kai, ua kamaaina i kona maluhiluhi, a e ake ana e hiamoe. Hookipaia aku la oia iloko o kekahi wahi pupupu hale. Maloko o keia wahi hale ua hoopilikiaia kona hauna mamuli o ka mea o kona mau paia; aka, no ka nui o ka maluhiliho ua haule aku la oia e hiamoe mahope iho o kona lana ana ae i wahi hua pule hoomaikai.

            I ke kakahiaka ana ae, ua hoalaia kona hiamoe e ke ʻlii o kahi kulanakauhale, oia hoi kona kamaaina, a hoolauna aku la iaia me kekahi o kona poe kanaka, he kanaka i ano makaukau iki ma ke kamailio ana i ka Olelo E Iaia i hoike aku ai o Pilipo i kona makemake e alakaiia i kahi maa i ke ku mau ia e na moku.

            I ka hooleia ana mai aohe moku o ke awa ia manawa, ua koi aku la no Pilipo e laweia no ia ilaila. No ka mea, wahi a ko Pilipo noonoo, aohe he hewa o ka noho mua ilaila; no ke ku mai no o ka moku o kona kau no ia; aole no hoi o ia wale, aka, o kahi aku no ia o ka nui o na kanaka Europa, a loaa hoi kona poe o ka auna hookahi.

            Mahope o ka laua mau kukai olelo ana, ua ae mai la keia makemake hou o Pilipo e lawe iaia i kahi o ke awa kumoku. Mahope iho o ko Pilipo iau ana i kekahi ipu waiu a na wahine i lawe mai, ua hoomaka aku la ia e hele no kana huakai malalo o ke alakai ana a keia alakai hou.

            Mai ke kakahiaka no hoi a ahiahi ko laua hele ana, hiki ana laua i kahi kiekiena e nana aku ai i ke kaikuono Tabela a me na wahi hale kakaikahi i kukuluia e ka poe Olelo E. He mea e no hoi ko Pilipo olioli i kona ike ana kau i kekahi wahi moku e kalwe mai ana mawaho aku o ke awa. Iho awiwi aku la oia, a i kona hiki ana aku i kahaone, aia hoi ua pae mai la ka waapa o ka moku, iholo mai i ai a me ona wai. Hoolauna aku la ia me na kanaka o ka waapa a hoike aku la ia lakou i kona moolelo, a me ka nu hou o ka poina ana o ke Ta Silina a me kona iini hoi e kau aku iluna o ka moku.

            Ua ae maila no ke aliiwaapa i ko Pilipo makemake, me ka hoike pu mai hoi iaia e hoi ana lakou no ka home. Ua papaluaia ko Pilipo hauoli no keia hoike, no ka mea, ina e holo ana ka moku no kahi okoa, e kau ana no oia, aka, i kona lohe ana e hoi ana ka moku i ka home, ua lana koke ae la kona manao no ka ike hou ana aku i kana Amine.

            I ka pili ana aku o ka waapa i ka moku, ua hookipa oluolu aku la ke kapena ia Pilipo me ka ae ana mai iaia e holo wale me ka uku ola. I loko o na mahina ekolu o ka holo ana o ka moku me ka loaa ulia ole, ua ike iho la o Pilipo eia oia e aneane aku ana e lele i ka uwapo o Amekadame.

            Aole i pau.

 

No ke Hoeha i Kahi Haole

            I ke ahiahi Poaono mamua iho o ka La Karisimaka, ua hopuia kekahi haole no ke kiola mea hoopahupahu ma ke alanui a ua lawaia aku no ka Halewai. He haole okoa ae kahi i ukali aku, a ma ka Halewai ua uku aku oia i ka bela, he $25. A oiai hoi e kali ana no ka palapala hooia no ia mau dala, ua lawe hou ia aku no kahi haole okoa iho no ia hewa like no, a lilo ke kupakako i ka mea hope e hoomaopopo ai. I nei la, ua pii ke kai o kela mea nana ke dala a ua nui ae kona leo.

            Ua papaia mai, aohe nae hoi he hooloheia aku. No laila hoi, ua kauoha mai ke Kapena Poo e lawe iaia no waho, a o Kimo Kupihea ka mea nana i lawelawe aku, eia nae, ua hoaano mai ua haole la e kui. Iaia i hina aku ai i hope no ka wala mai, ua peu koke ia aku malalo ae o ka auwae a walwala ana ilalo.

            No keia hoi, ua hoopii ka haole imua o ka Ilamuku no kona hanainoia, a ma ka noiia ana iho nei, ua kukuluia o Kimo Kupihe imua o ka Aha Apana i ka Poalima, la 13 nei. Ua ae o Kimo ua kui oia, eia nae, ua hana ma ke ano pale iaia iho a mamuli hoi o ke kauoha a ke Kapena. O kana ka ka Lunakanawai i hilinai ai a hookuuia oia, eia nae hoi, me ke ao he mea pono ole i na makai ke keehi aku mawaho o ko lakou kuleana, a e pono hoi e pale ae i na ano hana hooulu inaina a pau.

 

Morris K. Keohokalole,

            Louis K. McGraw

Keena: Helu 15, Alanui Kaahumanu,

Honolulu, ko A. Rose keena mua. Boroka

Hale Dute, Hooponopono Buke Helu, Imi Moolelo Aiana a me na Agena

Lawelawe Laulaha.

            Sept-26-tf.

 

ED. A WILLIAMS

 

Helu 514, Alanui Papu, ma Ewa iho o Pa Aloha

 

He mea kuai lako hale o na ano a pau loa

 

He mea hana Pahu Kupapau a hooponopono Hoolewa

 

 

            E hoolakoia na Kaa Kupapau, na Kaa

            pio a me na Kaa ohana.

 

            Ina no e ninau iaia, e loaa no na Pohaku

            Kia hoomanao no na He Kupapau.

 

            O ka Iaka kekahi hana hiki loa iaia

            ala ia malalo o ka lawelawe ponoi ana e Ed.

            A. Willims, F. D. he mea i puka pono mai

            ka Kalaka Kula o ka, Ialoa Maikai @

            o Mei, 1894.

 

            NA TELEPONA

Keena, Helu 129 - Kauhale a me Kahea pu Helu 818