Ka Makaainana, Volume VII, Number 26, 28 June 1897 — Page 5

Ka Makaainana.

 

           HONOLULU,  OAHU,  POAKAHI,  IUNE  28,  1897          5

 

kai lamalama kukui ae i ka po, no ka hoike ae hoi i ka oiaio loa o ko lakou hauoli. He mea maopopo loa aole no ia o ko lakou manaoio maoli, aka, aia ka hilinai ana i ke aho a me ke ola aku o ke Kuikahi Panailike, i pono ai hoi na paona kopaa a lakou. Mai ia wa mai, aohe ae ae o na poe la e pili.

 

  Ke olelo nei lioi kahi poe aohe e loaa koke mai ana ka hoohuiaina, aka, e loaa mai ana ka hoi ia mamua o Ianuari 1 o nei makahiki ae. Pala paha ! O ka makou no, ea, aole loa uo e loaa iki mai aoa.

 

  Eia iho nae hoi ka makou hoike oiaio, i loaa mai nei i Ke Kuokoa namu e hoopukaia ai ma kona helu o ka nuwina la Poalua iho la: "Ua hoike maopopo lea loa ia mai au aole loa he wahi olelo iki o ka oiaio iloko o na hoike nupepa ua kokua o Peresidena Makinile a me kona Aha Kuhina i ka hoohuiia mai o Hawaii; aka hoi, ma kekahi aoao ae, ua kae maopopo a loli ole loa ae lakou i ka hoohuiaina. A ua hooiaia mei no hoi nu e ae aku ma elele o Hawaii i kekahi hoololi ano nui loa ia ae o ke kuikahi e mau nei, a i ole ia, e loaa aku no he hoike no kona hoopauia aku. Ua ninau aku au heaha la ka palena o keia hoololi i manaoia, a ua hoikeia mai ina e loaa ana i na poe mahi ko o Hawaii he hookahi-hapalua o na pomaikai e mau nei malalo o kahi ano hooponopono ana, o ka pau loa ae la no ia o ka mea a lakou e manaolana mai ai no ka loaa aku. E hoomaopopo pu aku ana uo hoi no hoololi ma ke kuikahi kekahi papa-helu oi ae o na waiwai Amerika no ke komo aku iloko o na paemoku me ka uku dute ole, a ina aole pela, he kukai kalepa noa loa aku no ke hanaia ana mawaena o na aina a elua."

 

  Hookahi ae la keia palapala maluna ae, a he lehulehu aku no hoi na palapala e ae i ano like loa ka manao me ko keia ae la i loaa mai nei i kekahi poa kalepa lehulehu loa o kakou nei. A o ka kahi poe no hoi, ua loaa mai no na hooia ana no ko kakou hoohuiia aku. He ula ana ka mea loaa i na hooia hope.

 

  Ma Kapalakike hoi, aohe no i hilinai nui loa ia, a aia ka hoi ka hapauuku loa o ka manaelana ma ka aoao hoohuiaina. Wahi hoi a ka nupepa Ekamina e lilo aku ana paha hoi kakou i apana no Kaleponi, oiai, aole e hiki o Hawaii nei ko lilo i Mokuaina, ole loa aku hoi i Okana a i Panalaau puha. A ina pela, he keu kakou a ka apana mamao. Eia nae hoi, ua oi loa aku ka mamao no ka hooholoia ae o kekahi kuikahi hoohuiaina. Ae, pela io ana no hoi paha.

 

  No keia lono ae la ka hoi, ua kikoo nui hewahewa loa mai nei o Kakina i kekahi hale kalepa kopaa mikanele nui o kakou nei no ka hoounaia aku ona dala hou, i mea ka hoi o hiki ai ke hoolawa aku i ko o poe pololi. E nui wale no paha ka hauai ana, aohe no e ola, no ka mea, ua make mua no. I mea ka hoi e apoia aku ai o ua kikoo la ana, ua noke mai oia i ka hoohana i na uweaolelo i mea e hoohoihoi ai i ke kakou poe hoohuiaina manao kaumaha poluluhi. Haawi aku, o kahi hana pono hookahi no ia. Ei aku ko Kakina hoahui ke uhai mai la. A pau! Makau !!

 

  Aia a hoea mai ka hoohuiaina, a makou nae hoi e manaolana ole nei, alaila, ia wa auanei paha hoi kakou a pau e hoopaa ai i na inoa no ke koho balota aku malalo o ke ano Amnerika, aka, aole loa mamua ae. Ke hoea mai ia wa, ua ka lahui e hoopau aku i na poe e noho nei ma na oihana o ka lehulehu.

 

  Ke hoea mai ia wa, e hoi hou iho ana o Peresidena Kole i wahi loio wale no, a he uku aku paha hoi ka loaa o kahi kulana Inua pa aupuai iaia. Hoi o Kupa no Sina Diego, o Kini i kai o na uwapo, a o Kamika iho i kona keena loio, ana hoi i haalele ole ai mai kona lilo ana i Kuhina,

 

  Heaha aku ana hoi ka hopena o na koa. Auwe, minamina ino!  O ko lakou pau loa aku no hoi paha ia a lilo uui ae paha hoi i poe aeahaukae iwaena o kakou. E pau ae ana hoi na lun@oihana e ae, a piha mai hoi ka aina nei i ko waho poe aea wale. la wa o poino ai aa poe a pau o kakou nei, a anaiia paha hoi kakou i ka paia e like me ko na Ilikini. Auwe ka weliweli e!

 

  E ole e hoike ae ka ohua palemo alaula o ka Poakahi i hala, akahi no a ikeia aohe ka he hiki ia Hawaii nei ka hakaka aku ia Iapana, nolaila, ua makehewa no hoi ke hoouna mai i mau mokukaua hou, no ka mea, ua lawa loa no i ka Naniwa hookahi. Auwe! Heaha iho la hoi keia loli ano e ana?

 

  Ina kakou e haliu aku i hope, iloko o Dekemaba, 1893, i ka wa i wawaia ai no ko Kuhina Wilisi manao e hoihoi hou ao i ke Alii ma ka nohoalii, na oi loa aku ka huluaa ia wa, aohe i makauia aku ka mokukaua Piladelepia. Ua aa loa lakou nei ma ae e kaua aku ia wa, me ka olelo haakei ae aole ko ka Piladelepia poe e lele mai ana iuka nei me ke kue ole ia aku, aole hoi e hele mai aoa me ka maalahi, aka, maluna o ko lakou mau kino make e a'e nui mai ai. Welawela no hoi paha!

 

  Ua hikiwawe nae hoi ka loli ana o ia manao huluaa loa o lakou o ia wa, i hookahi no ka mokukaua Kepani. Heaha la ka hopena e kau mai ana maluna o lakou? I aa loa nae paha hoi mamua i ka maopopo e ana no mamua ae aohe na poe Amerika e hooleleia mai ana. A no ia maopopo ole hoi i nei wa, wikiwiki e olelo ae--"aohe e hiki ia Hawaii ke hakaka." Pelu ka hoi ke alelo la!

 

  Pololei no ke Kuokoa-Kekake ua "hoomaka ke kino ola o ke kuikahi hoohui aupuni e oui ne mua." Ae, o ka oni aku no ia no mua, akahi wale no, a make loa aku. O kahi mea akaaka a lealea ka hoi ia a kamalii o Waolani.

 

  Eia hou no kela kahunapule poohina, ka Rev. S. E. Bihopa, ke kakau palapala hoinoino nei no ke Alii i Wasinetona a hoolahaia ae ma ka nupepa Hoku o ia wahi, malalo o ka inoa kapakapa e "Kamehameha." Ina aole kona hoohaukae i kela inoa Alii. ina la ua waiwai ole ka hoomaopopo ana aku iaia, no ka mea, aohe paha hoi kekahi Kamehameha i aa e hoopaumaele i kona kamaa ma ke peku ana i ke poohina hookamai a waiho a-make aku iaia iluna o kekahi ahua lepo o kiona, kahi paha hoi i kupono loa nona e waiho mau loa aku ai.

 

  Ke loheia nei he mau hana ekaeka no ka hoi ke kekahi kahua hoonaauao o kakou nei a ua poino kekahi keiki opio a ke lawelawe lapaau ia nei ma ka Halemai Moiwahine. Ahulau mai nei ka hoi na hana ekaeka ku i ka haahaa loa o ko ano holoholona.

 

Hoeha Wale i Kekahi Wahine.

  I kekahi wa o ke ahiahi poele ele o ka Poakolu nei, i kekahi wahine haole opio e hoi pu ana me kona kaikunane ma alanui Nuuanu, Peleula, kokoke i ka Hale Laisiuma, ua paa ke alahele-aoao i kekahi poe luina o ka Naoiwa. Ua hoao aku oia o heu mawaena o lakou, a i ka hoao ana hoi o ke kaikunaoe e pale ae i na luiua, na pepehiia oia. No ka hele ana aku hoi o ke kaikuahine e uwao i ka kaikunane, ua hoehaia mai no oia. Ua hoepii oia a na hopuia na luina. Imua o ka Aha Apana i kahi-la ae, ua hoole na luina i ko lakou hewa, a ua hookunia mai no e hele me ka hela ole. No ka oluolu ole hoi o ua wahine haole la, ua hoonioa hou ia ka hihia mai ka Poaamo nei mai, ka la i hoomoe mua ia mai ai, a keia kekahiaka.

 

HUAKAI A KE ALII.

 

Puai Ole ka Hoohuiaina, a Ike

Ole iana Elele Oehaa.

  Ua loaa wahi palapala hou mai nei no makou mai ke kanaka wai o ke Aliiaimoko, o ia hoi kana

Palapala Helu O

i hoopuka mau ia aku malalo o keia poo ae la. Na ia palapala no o hoike he nona iho, a eia mai no ia:

THE CAIRO, WASHINGTON, D. C.,

                     Iune 9, 1897

F. J. TESTA,

  ALOHA OE--Ua loaa mai no kau, a me ka hauoli wau i nana iho ai. A ua loaa pu mai no hoi me na nupepa, a o ia ka'u e hoonanea ne nei i ka heluhelu ia na mea hou o ka aina hanau, ka home aloha a'u e poina ole mei i na kau a pau, ka Paredaiso hoi o ka Meana Pakipaki, a o ka makeneti hoi nana e ume nei i ka puuwai nahoa o ma poe pakaha.

  He manawa loihi loa keia mai ka hoi ana aku o Kamika ma a hiki i keia la a'o e kakau noi, aole loa i puai hanu hou ae ka hoohuiaina, aole ma na nupepa, a aole no hoi na na pipa alanui o Wasinetona nei. A aohe no he ike a loheia hoi ne Kakina a me Kini i Wasinetona nei. Aia la laua ihea? O Kimo Kakela ka i hui me a'u i ke alanui, a ua kamailio pu wau me ia.

  He mau ia ano e keia e@ke ea manuoi, he wela inoino loa i kahi manawa, a he anu hoi i kahi manawa; ioa e malie i kahi la, alaila, e ua ana i kahi la. Peia iho la ke kulana loli mau o keia wahi i na la a pau, a wahi mai a kamaaina, ei ae ka ka oi aku i keia mahina ae.

  He maikai no ko makou mau ola kino e noho nei i keia mau la, aohe o makou mea omaimai. mai ke Alii a ia maua.

  Aohe no he mau mea ano nui e Wasinetona nei i keia mau la, ke kali aku nei no nae o ka alealo mai o ka wai, alaila, manao ae ke ola o na kanaka.

       Kou hoa makaainaua,

                     JOSEPH HELELUHE

 

Na Hana a Kekahi Eu Kolohe.

  I kahi wa o ka po Poalua, la 15 uei, i hoao ai kahi eu lapa a piha kolohe e hoopoino wale aku no ma ke puhi ahi ana i ka halepule hou o ka hauaia iho no ka Hoomana Naauao & J. Kekipi, e ku nei ma kahi o P. P. Kanoa ma Koula. Ma kahi o ke pena a me ka aila e n@uu ana, oiai hoi, oia no ke penala nei, i ka weheia ana aku e ka puka i kahi kakahiaka ae, ua ikeia aku ke haua a keia eu kolohe, ua a ke ahi i ka papahele a ua ania, a me ka paia pu ne hoi kahi. Ua pau he palaka paumaele pena i ke ahi a e waiho ana iloko o ka lehu o ka pulupulu i hoopuuluuluia. Me he mea la ma ka puka-aniani i komole aku ai. Ua akaka ole no hoi ke kumu o keia hana opuino. Ilaila aku o Makaikiu Keape kahi i uana ai a i kile ai, a eia ke imi nei me kahi meheu maopopo ole e hana ai.