Ka Makaainana, Volume VII, Number 25, 21 June 1897 — Page 5

Ka Makaainana.

 

HONOLULU, OAHU, POAKAHI, IUNE 21, 1897

 

i manaoia e noli mai i ka maunu, ua nakele aku ia me ho hila a he puhi la.

 

            Ua ninau aku ka mea puni ninau ina paha ua unuhi aku o Iapana i kana koi, a ua paneia mai aole loa, aka, he hoo unipuni loa ia ko oleloia a ina paha hoi he mau kukai palapala heu kekahi me ko Keana o ko na Aina E, ua paneia mai aohe i loaa pane aku no kana palapala o ka la 4 nei, a ua loihi loa hoi ka wa o ke kali ana.

 

            A ko ke Kuhina aoao mai hoi, ua pane mai oia i ka mea ninau i ka pololei ole o kekahi pauku o kekahi manaopepa o ua ohua paleao la o kakahiaka Poalima nei, ina paha na manaoio ia nupepa ua umi mai o Iapana i ko Hawaii nei puana-i a olelo mai: “Haawi mai ia`u i kau dala.” He lalau loa ia ano manao.

 

            Wahi a ke Kuhina i hoakaka ae ai: “E olelo ae paha au i kekahi mea ke eleale, paakiki mai hoi oe he keokeo. Aole au e hopu aku ana i ka @ o kou a-i a luliluli ae i oe no kou manao; e ninau aku no au i kou mau manao o ka olelo ana ae pela.” O ke ano maoli io no ia Pololei!

 

            No na lono hoi i lauaheaia ae, o ka oi loa aku, i ka Poakahi i bala, e lele mai ana ka na Kepani e lawe i ka Hale Dute no ka ohi aku i ka lakou koi poho. Ua hooi loa ia hoi keia e ka huli hoi koke ana mai o na pualikoa Amerika i lele paikau mai ai no uka o ke Kula o Kaiwiula, mamuli o ke kauohaia ana aku e hoi koke mai. Ma ka aoao o ke Kuhina Kepani, ua oleloia mai he lalau a he wahahee haalele loa ia ano lono. He ahu wale no ka pilu i ka lakou ma ae mau houpuupu.

 

            “Hehiia ka pili o ke ao,” wahi mai nei a ke Kuokoa-Kekake-a-Poepoe, no ka mea, “ke kani nei ke a`o, lohea koe o ka moa kuakahi.” Keu no paha hoi ka makamaka, ka i no ua hehi kahiko ia ka pili o ke ao a ua kani mua hoi ka moa kuakahi, eia no ka ke hoololohe nei me he kohu kekake la i makewai. E hoi e moe, o ka pono ia!

           

            Ua eha nae hoi o ua o Kuokoa no ko makou hoopili aku i ke Kekake, oiai, ua kaulana ia inoa no kona halepai a me ka hui e noho ona nei nona. Ina hoi o ke Kuokoa-a Paepee, o ia makemake ole no ia o ua hoa la, no ka mea, wahi mai ana i olelo ponoi mai ai ia makou aole oia ka ona o ia nupepa, a pela io no. Ma ko makou aoao hoi, i hana makou i mea e akaka ai a huikau ole hoi me ka makou kuokoa namu.

 

            O kona hoao ana mai nae hoi e hoopili mai i ke Tekate no makou, he halahu loa aku hoi ia mawaho o ke kupono. Ina paha i oleloia mai he Hoki, e aho la hoi ia Pehea la ia e Poepoe o ke Kuokoa-Kekake, a i ole ia, Kuokoa-Opeope.

 

            Hu ka hoi Ka loea Kalaiaina ma na nema inoa o na nupepa. Aia hoi a hoa aku makou i ko makou laea a loea ole paha ma ia ano hana like, eia nae, mai no a keeo ke hana a hoike “hupo” aku makou.

 

            No ka ua makamaka Loea la i hou mai nei ia makou, ko hoihoi hou aku nei no makou a nou aku iloko o kona puu moni ai, a ilsila e waiho ai a hiki i ka hopena e kiola loa ai i k a moka. Eia iho ua mau wahi olelo la mai ka Buke Nui: “Ma kahi i palu ai na ilio i ke koko o Nabeta, maiaila no e paluia ai kou koko e Ahapa” He ma`i hahai keia no ko hoa e laulau ai a hiki i ka hooluolu ana, oiai, ua makaukau mua ho hoi na pahu a mo ke kahawai e lawe aku ai i ka opala a kahi i kupono no ia mea.

 

            I ka noke mai no ka hoi o ko kulakula waokua poe kamalii ia makou o lalo loa o Milu a laa wale no ka hoi ka lele loa mawaho aku o na palena o Milu. Kaia no i ka nuku piha ekaeeka.

 

Hoohuiaina a Hoea Mai.

 

            Ua oleloia o hoea mai ana ka @ Hawaii nei hoohuiia aku ia Amerika Huipuia, me ka hoike ia ae hoi ua hooholo ka ka Peresidena i kana alahele e hoohana aku ai. Eia iho kahi lono o Nu Ioka o ka la 6 nei: Ua talegarapa mai ka mea kakau o ka Papapai ma Wasinetona, mawaho ae hoi o kekahi kaha hoohana oolea o pili ana no Kuba a ka Peresidena e noonoo la ao ka loaa ae o ka maluhia a me ke kuokoa o na kipi, ua loheia eia oia ke noonoo kukonukonu loa nei no ka hoohui ana mai ia Hawaii.

 

            Ma keia mea ua lokahi ka Peresidena a me kona Aha Kuhina. Aole i hoeholo maopopo loa ia ke ano e loaa mai ai o ka hoohuiaina, eia mae, ua manaoia aole no paha e nele ana ko Hawaii lilo ae i mahele no Amerika Huipuia maloko mai o hookahi makahiki. Ua hiki ole loa ke pau pono ae na lawelawe hana ana ma ka aoaoa mai o ke Aupuni Hawaii no ka imi ana no ka hoohuiia aku a ma ko ka Ahaolelo aoao hoi ma ka ae ana e auamo ae i na koikoi.

 

            A popo e ku mai ai ka mokumahu Auseteralia mai Kapalakiko a huli hoi aku no ia Poakolu aku, la 30 ae.

 

HUAKAI A KE ALII,

 

Ikeia Kulana o ko Hawaii Elele Alii Kiekie Loa.

 

            Liu wale na la i hala ae me ka lehulehu no nae hoi o na palapala i loaa mai ko ke Alii kanaka mai, akahi no nae hoi a loaa hou mai he palapala i kupono no ka hoikeia aku i ke akea. Aohe no he mau mea ano nui loa o keia

 

Palapala Helu 8

 

Ana, aka, e aho no nae hoi ia, o ka loaa wahi leo iki mai no nae hoi me ka pololei no ke Alii a no lakou no hoi a pau. He pokole kahi palapala, aka, ua ahona no ia, oiai, he iki hoi paha ia me ka anoei pu ia aku. Eia iho no mahope:

 

WASHINGTON, D.C.

Iune 1, 1897.

 

F. J. TESTA,

 

            ALOHE OE:--He malie wale no o Wasinetona nei i keia mai la, aohe hoi e like me na la i hala aku nei.

 

            Aohe puai leo heu ae o na nupepa a na poe hoohuiaina i keia mau pule elua i hala aku la, a pela no i keia mau la, aohe no he noonooia e ia mea iloko o ka Aha Senate a me ka Hale o na Lunamakaainana. Ua hapaiia mamua aku nei, aohe nae he mea nana i apo aku a hiki i ka moe malie ana.

 

            Aohe no he mau mea hou ano nui o nei nei i keia mau la. Ke nana aku nei na maka o ka Iapana kumuhana no Hawaii, e ia ke nunu olelo o Wasinetona nei.

 

            Ua make o Frank P. Hastings i ka Poaono nei, Mei 29.

 

            I ka Arlington makou i nehinei, kahi i hoomanaoia ai o na hana hoohiwahiwa o na he kupapau o na poe koa i make. He piha i na kanaka, aole i kana mai, e ko makou kaa wale no ka i aeia e komo iloko mawaho ae o ko ka Peresidena a me na Luna Aupuni, a na na aliikoa maluna o na lio mamua a ma na aoao o ko makou kaa e lawe ia makou e hoemakaikai. He nani keia wahi, paa i na laau a me na pua. (O kahi keia o Generala Li i make, a ua hooliloia, i ilina kupapau.)

 

            Oia iho la no na wahi mea hou. Maikai uo ke Alii a me maua pu. Aloha.

 

                        Kou Hoa`loha,

                        JOSEPH HELELUHE

 

            Aohe i akaka i nei wa ka mea e pani aku ana i ko R. W. Maea makalua ma ke kulana Luna Nui no ke Kahua Ma`i Lepera. Na C. B. Lalana, ka Luna Hooko o ka Papa Ola, e hoomaopopo aku ana no ka manawa.

 

            Iua he poe makemake pahu kupapau kahi, e pono e ninau no ma ke keena o Ka loea Kalaiaina, makai o alanui Moi a ma Ewa aku o ka uwapo a Hooliliamanu, makai ae o Kamakela a kokoke hoi ia Kuwili. Nuinui kela akaaka no kela kamalii luina makou la. Hai le!

 

Hoemanao Iubile Daimana.

 

            Alole no i pololei loa ka makou i koike aku ai ma ka helu i hala no na hana hoomanao  Iubile Daimana o ko ka Moi Vitoria kau ana ae ma ko Enelani nohoalii, o ke kumu ua hoololiia ae kekahi mau mea mahope iho o ka puka ana aku o ia hoike a makou. Eia iho mahope ka hoike pololei:

 

            Po Poalua, aha hulahula iwaho o ka Pake Kuokoa, Pawaii; ua puka ae na palapala kono. Poakolu iho hoi ka la i hookaawale ia, he mau heihei waapa iloko nei o ke awe, hora 8 o kakahiaka e hoomaka ai; anaina haipule hoomaikai ma ka luakini o Sana Anaru, hora 10 ae; lealea no kamaliii iwaho o Kapiolani Paka, hora 10 no; a hora lauwina la hoi no na lealea no na poe i oe, malaila no. Ua kono akea ae ka lunahoomalu o ke Komite Hooko i ko ka lehulehu komo pu aku e lealea a e laulea pu me na poe noho Pelekane ma ia la.

 

            Po Poalima ae hoi, he aha hulahula na ke Komisina Beritania mauka o Muolaulani. Ua puka ae na palapala kono no ia mea.

 

$10,000 no ke Awa o Puuloa.

           

            Hora 3 o ka auwina la o ka la 1 nei, ma Wasinetona, ua waiho ae o Canona (Cannen) o Ilinoi imua o ka Hale o na Lunaakaainana i ka hoike a ke Komite Hui e na mahele Ahaolelo a elua no ka bila o na haawina dala lehulehu. Ma kahi o ka hookaawaleia ana he $50,000 no ke awa o Puuloa, Hawaii, ua hookaawaleia ae la he $10,000 no ke ana ana i ka nuku a me ona hoike hoi na ke Kuhina o na Aumokukaua no ka nui o na aina a me ke kumukuai o na aina e lawa ai no kahi hoahu lanahu a me kahi kapili moku. Ua kueia nae keia hoike e Loud o Kaleponi. Mahope iho hoi o ka Canona hoakaka ana no ke ano o keia aelike, ua aponoia ka hoike a ke komite.

 

            Ua olioli loa nae hoi ke Kuokoa-Kekake-a-Poepoe no keia wahi haawina ae la. Ole loa no hoi la!

 

Ka Kuhina Mamona Misiona

 

            No Ladana mai ka lono o ka la 4 nei, e hoike ana ma kekahi ninauia ana o Kuhina Damena o Hawaii e pili ana i ka lone i telegarapaia aku ilaila mai Wasinetona aku ua pili kana huakai me ka mea i manaoia e hoohui aku ia Hawaii no Beritania Nui ke hoopau ae ke Amerika Huipuia Ahaolelo i ke Kuikahi Panailike a na poe Hawaii hoi i manaoio ai ua manao ka A@aolelo o hana aku pela, na olelo aku oia i ke ano ole loa o ia hoike a ua pakui olelo ae hoi ua hiki kaokoa mai eia ianei (Ladana) ma ko Hawaii aoao i ko ka Moi Iubile.