Ka Makaainana, Volume VII, Number 24, 14 Iune 1897 — Page 7

Ka Makaainana.

 

.                              HONOLULU, OAHU, POAKAHI, IUNA 14, 1897.                              7

 

NA AINA MAMAO.

 

Mau Lono Huikau mai a kela me keia Wahi Like Ole.

Nohealii Kulanalana o Helene.

     Ua olelo no ka mea kakau ma Viena o kekahi nupepa alakai o Ladana, Mei 22, ua lohe ka oia ma kekahi wahi mai i hiki ke hilinaiia no ke anoninoni ka o ke kulana o ke kuuna ahi o ka Moi Keoki ma ka mea kaupaona i na la mamua aku.  Ua hoohauloia na hoao ana e hoopau iaia mamuli o ko na Mama komo keakea maoli ana aku no.  Ua ao ae ke Aupuni Rukiui ia Kuhina Nui Rali me ua olelo moakaka loa aia na Mana ke hana la a oi aku no ka poo o ke kuuna alii mamua ae o ko ka lahui maoli pono.  A ua lono hou ia ao no hoi ma ke ala ae o Viena ua oili ae he mau paee kukonukonu iloko o ko Helene Aha Kuhina a he wa wale no paha hoi e waiho aku o M. Rali. 

     Aohe i emi iho na manao kuo aena loa i ka nohoalii ma Atenai.  O na olelo no ko Kamalii Konakanakine akahailoa ma ke kahua kaua ka mea hoonawaliwali loa i kaohana alii.

     Ua hoike ae hoi ka mea kakau ma Atenai o kekahi nupepa alakai o Parisa, ua hele ka kalehulehu a aena loa, me ka loheia no hoi o na olelo kue i na poe roialisa a ua lilo hoi i mea kamailio akea ia e na puuluulu kanaka ma na alanui.  Maluna o ka moku mai Sana Alida a Atenai, ua lohe oia i kekahi mea haku mele kaulana i ke kamailio leo nui ae me na olelo ku i ka hoowahawaha no ka Moi, aole loa he leo i puai ae ma ke ano kokua nona mai na ohua he 300, a he poe aliikoa kahi iwaena o ia poe.

     He poe repubalika ka lakou a pau, wahi a ua mea kakau la i hoomau ae ai, eia nae, aole loa he kanaka me ia poe i hiki ke hookumu ae i aupuni repubalika, a ua pomaikai hoi ka ohana alii i keia paee paonioni o na aoao a pau e kue ana kahi i kahi.  Ke hoohala nei ka Moi, ka Moiwahine a me na Kama'liiwahine i kekahi wa inoino loa.  Ua aoia mai na Kama'liiwahine, ia lakou a hele aku ai no na halema'i, mai no a kemo aku ma kekahi mau wahi, mamuli o ka piha eena pioloke loa o kekahi poe i eha, a ma kekahi mau mahele aku hoi, ua mumu wale ia aku no na olelo, a i ka hapanui hoi o ka manawa, ua paneia mai ka lakounaau ninau aku me na olelo hoohaahaa a hoehaeha.  O ka Hooilina Leialii uae hoi ka oi loa aku o ka hoinoia.  Ua olelo ae no hei kona mau hoa'loha ua hiki ole loa iaia ke komo aku ia Atenai no kekahi mau malama lehulehu ina.

     Aia ke ku makaukau la he mau mokukaua Auseturia me Rukini no ka lawe a hoopakele aku i ka ohana alii.  Ua hoopaa pio iho no ka Moi iaia iho maloko o kona halealii.

 

Koi e Kupaa ke Suletana.

     Na ka mea kakau ma Kona kinopela o kekahi nupepa alakai o Ladana i hoike ae, ua waiho aku ko ke Suletana Kuhina Nui i ka Poaono, Mei 27, i kekahi hoike e koi aku ana e kupaa, oiai, ua paa loa ka manao o ka aoao Iselama e paa mai ia Tesale, me ka pakui aku, penei:  "Ua hoike oe, e ke Alii, i kou lanakila ma Amenia a me na hana e ae i kou wa i hoolo paakiki aku ai i ke aoia mai e Europa.  Nolaila, e like no hoi kou kupaa ana i nei wa me ko ia mau wa.  Eia nae, ina aole i kupono ko'u mau manao ia oe, e ke Alii, ke noi aku nei au ia oe e ae mai i ko'u waiho aku."

 

Aohe Hilinaiia o ke Suletana.

     E like no paha hoi me na hana pili ia Amenia, ke alelo lua o ke Suletana, pela no paha hoi i nei wa, nolaila, aohe ona hiinaiia, oiai, ua like kana mau olelo me ka ole.  Aohe i hilinaiia ko ke Suletana manao ma Atenai, pela kahi lono i loaa ma Ladana i Mei 24, a ua oleloia aia oia ke hoao la e pale ae i na kukai ana no ka aluhia ma o na Mana la, no kona makemake ia Edeheme Pasa e nee ao no Atenai.  O keia ae la no ka hoi ke kumu o kona makemake ana e kukai pololei me Helene, aole hoi me na Maua.  Eia nae hoi, ua pane aku ke Aupuni Helene i ka Edeheme Pasa koi, ma ka hoike ana aku i na Kuhina e noho la malaila, ma waiho e aku oia i kona mau pono a pau i na Manba, nolaila, aohe no hoi ana mea e kukai pololei aku ai me Tureke.

    

Leo Haipule a Puni ke Ao Nei.

     Ua lonoia mai Otowa, Onotario, Kanada, ua pau ae na hoolala ana i ka hooponoponoia e na Keiki o Enelani, me ke kokua pu ae hoi o na luna o ke kahua kilo-hoku o ke Aupuni, o ka papa-kuhikuhi hana no kekahi wa haipule like a puni ke ao nei ma ka auwina la o ka La Pule, Iune 20, e piha pono ai o ka Iubile Daimana o ko lakou Moi.  O ka mea i manaoia e hui like ae na makaainana Pelekane a pau a puni ka honua nei ma kekahi poai haipule a hoomaikai i ka wa a ka la e kaalo ae ai i kela a me keia wahi, ma ka hora 4 p.m. manawa koloko.  Ua hoomaka ka papa kuhikuhi me na Paemoku o Figi, hui pu me na aumoku Beritania iwaenakonu o ka Moana Atelanika a hoopau no hoi ma kolumebia Beritania.

    Ma keia ua komo pu me ka manawa ma Winisoa kakela, e hoike ana i ko na wati kuhikuhi ae ma ka puuwai o ka Emepaea Beritania i ka wa a ke mele e himeniia ana ma kela a me keia hora a puni ke ao.  Ma na Paemoku Figi, e kulike ana ko laila manawa, 4 p.m., me 4 a.m. ma Winisoa, a ma Winipege hoi, hora 4:28 p.m. ana ko laila manawa, e like ana ia me ka i hora 10:28 a.m. ma Winisoa.  Ua hoounaia na kope o keia papakuhikuhi i kela a me keia wahi i hoakakaia a puni ke ao nei a he kope hoi i paiia maluna o ke silika keokeo ka ke Alii ka Moi, i hiki ai oi iaia ke ike iho maloko o kona keena hookipa ma Winisoa Kakela a ke hookolo hoi i kona poe makaainana kupaa oiai lakou e pule a e mele ana nona imua o ka nohoalii o ke Akua Kiekie Loa.

 

Na Hunahuna Laulaha.

     Aperila 25 i hanau mai ai ke Dukese o Ioka he kaikamahine. 

     Ua hoole o Saulebure e wehe hou ae i ka hoopaapaa ana no na sila e ke Kai Berina.

     Ua manaoia o ke Duke o Lida (Leeds) ke pani ae ana ia Haku Abedine ma ke kulana Kiaaina Kenerala no Kanada.

     Ke hoopaaia la ko ka Moi Vitoria ola ma Enelani no eono malama ma kahi o elia gini (like me $26.25) no kela a me keia 100.

     Ua kue loa ka nupepa Oiaio o Ladana ma ke ano he ea ekaeka loa ka pakuiia aku o na inoa hoohanohano hou no ka Moi Bitoria, oia hoi, Moi o Kanada, Auseteralia, Aferika Hikina me Komohana, Rodesia a me na Inia Komohana.

     Ke komo la o O. C. Winthrop (Winitorop), ka mea i hoao ai e powa a e ahai loa aku ia Kimo Kamabela ma Kapalakiko, i ka aahu kahakahana o na paahao ma Sana Kuenetina, Kaleponi, a pau ke ola.

     O na lono mai Iamaica, ua halawai ae na Mokupuni Lulumakani me kekahi mau hoouaue oiai ana, a ua nui ka waiwai a he mau haneri ola i poino.  Ua ei loa aku ka poino i loaa ia Monoserata, kekahi o na mokupuni uuku iho.

     Mahaloia o Peresidena Karuga o ke Taranavaala no kona noonoo maikai ma ka ae ana aku i ka Beritania Nui koi e hoopauia ke kanawai hoopae eemoku, no ka mea, i Mei 6 nei i hooko ai ka Ahaolelo ia mea.  Eia nae, ua manao oia ua hiki ma kahi o $8,000,000 a keu kona poho no kela huakai kipi paoa o Komisona.

 

Hoolaha a ka Lunahooponopono Waiwai.

     Ua koho pono ia ka mea nona ka inoa malalo iho i Lunahooponopono Waiwai no ka waiwai o HANA KUKONA (w) o Honolulu, Oahu, i make.

    Ma keia ke hoikeia aku nei ka lohe i na mea a pau he mau koi ka lakou ma ka Moraki a palapala e ae paha, e hoike koke kmai i ka mea nona ka inoa malalo iho nei iloko o eono malama mai kela la aku, a i ole, e hoole loa ia mahope o ia manawa.  A o na poe a pau he mau aie ko lakou i ka mea i make, e awiwi lakou i ka hookaa koke mai ma ke keena o S. K. Ka-ne, ma ke kihi o na alanui Moi me Betela, ma ka hele maluna.

                                                S. K. KA-NE.

                                                Lunahooponopono Waiwai o ka waiwai o Hana Kukona (w,) i make.

                                                my 31-5

 

HALEKUAI LAHUI KALAHIKI

     Helu 405, Alanui Moi, ma Waikiki aku o Alanui Nuuanu, ma ka aoao mauka, ke keena mua o ka "Hawaii Holomua."

     Ma ia halekuai o na oiwi e loaa ai na anoi a me na paihi o na ane hou loa, e laa

     Na Kalakoa, Na Keokeo, Na makalena, Na Kinamu, Na Huluhulu, Na Lihilihi, Na Kamaa o na Kane, Wahine me Keiki a pela aku.

     Oluolu no ke kuai ana.  Aohe hewa ke kipa mai e ikemaka, a aohe no hoi he kunukunuia no ka hoikeike ana i na mea kuai.

                                                M. PALAU,

                                                Luna Nui.

                                                @ @ @

 

E HOOPAA POHO

     I Kou Hale a me na Pono o loko mai ka poino ana i ke Ahi me ka

- HUI -

Panihakahaka Ahi Springfield

WAIWAI IO, $4,105,374.75.

Oluolu a Haahaa loa na hoouku ana.

W. F. WILSON, Agena,

Helu 209, Alanui Kalepa, Honolulu

(fby. 15-6ml.)

 

HUI HAWAII KUAI AINA

NA LUNA NUI.

                                                                                                JAS. H. BOYD…………………..     Peresidena

                                                                                                K. KAULIA………………………   Hope Peresidena

                                                                                                C. A. LONG………………………   Puuku

                                                                                                ENOCH JOHNSON……………      Kakauolelo

                                                                                                JOS. PAAKAULA……………….    Luna Hoola

                                                                                                W. C. ACHI……………………….  Luna Hoohana

            NA LALA O KA PAPA ALAKAI.

J. K. KAHOOKANO, R. W. WILCOX

J. W. BIPIKANE.

He Hui i kukuluia no ka hookuonoono a kokua ana i ka lahui Hawaii;

ua make makeia na Hawaii a pau loa e komo mai i ka Hui.

Honolulu, Ianuari 11 jan. 11-1yr

 

ED. A. WILLIAMS.

Helu 514  Alanui Papu, ma Ewa iho o Pa Aloha.

He mea kuai lako hale o na ano a pau loa.

He mea Hana Pahu Kupapau a Hooponopono Hoolewa.

E hoolakoia no na Kaa Kupapau, na Kaapio a me na Kaa ohana.

Ina no e ninau iaia, e loaa no na Pohaku Kia Hoomanao no na He Kupapau.

O ka Ialoa kekahi hana hiki loa iaia aia ia malalo o ka lawelawe ponoi ana

Ed. A. Williams, F. D. he mea i nuka pono mai ka Kalaka Kula o ka Ialoa Maikai ana iloko o Mei, 1894.

NA TELEPONA

Keena, Helu 170 - Kauhale a me Kahea Po

Helu 815.

nov 2@  @ 3 mp