Ka Makaainana, Volume VII, Number 22, 31 May 1897 — Page 2
This text was transcribed by: | Renee Horie |
This work is dedicated to: | Awaiaulu |
Ka Makaainana.
LEONE DE BOANE
KA MEA OHUMU KIPI O COADOVA
MOKUNA VI.
HE PALAPALA.
[Mai ka Helu 21]
"Ano, e ka Naita Karistiano," i pane ako ai ke alii, "iloko o kekahi maoawa pokule loa e hookeia no ka'u i olelo paa ai. Aia oe ma kahi kokoke loa i ka noe aku a hoea i Coadova. Ma kela kuinulaau ma o la, aia he waapa malaila, a nau hoi ia e hoohana aku. E nana aku no au a ike i kou holo mealahi ana, alaila, huli hoi mai au. Aole loa kekahi o ko'u poe kanaka e hoopilikia wale aku uo ia oe ma kou ala e hoohiki aku ai i ke kulauakauhale. O ai hoi, ua hoike ae oe ia iho he kanaka koa, a oi loa ae no hoi ua hilinai mai oe i ko'u hanohano e hoike inoakaka a maopopo loa aku no au ia oe. I kou manawa e ike a o komo aku ai i kou hale, o ka wa no anenei hoi ia e hookou loa ia mai ai au mai ka'u olelo hoopaa."
"Ke hoomaopopo la ua," wahi aku a de Boane. "Ua manao anei oe, i kekahi manawa ma ia hope aku ua hiki loa no au ke kue hou ia mai e kou poe kanaka?"
"Ae," wahi a Mirimolina. "A eia hou no hoi: Ina oe e hoomamau iho i ka noho ana ma Coadova, he wa wale no nou e houia aku ai he pahi a ka powa iloko o kou puuwai. Owau nei no hoi la, ke halawai au me oe i ka la apopo, aole loa au e kaukaulua iho ma ka lawe ana aku i kou ola ma ke ano hikiwawe loa e hiki ana ia'u. Nolaila, ua hoomaopopo mai la oe ia'u."
"E pane mai ia'u i hookahi ninau," i koi aku ai ka naita. "Ua paa anei kou manao e lawe aku i ko'u ola, ina e hiki ana ia oe?"
"Aole au i olelo aku nei pela"
"Eia nae, o ke ano maoli io no paha hoi ia?"
"Ua hiki ole loa ia'u ke hoike hou aku ia oe ma ia mea, e ke Sa Naita; aka, ke ao hou aku nei no nae hoi au ia oe, ina he manaoio kou ma ia ala, e hoohana ia oe iho e like aku me ia."
"Me ka mahalo," wahi a Leone.
Me kekahi pane hou ole ae no keia, ua huli ae la ke alii powa a hele aku la, a aole i emo iho, ua nalo aku la oia. No kekahi mau manawa i ku mamule iho ai ka naita a me kona hoa alo inea, e kau pono ana hoi ko laua mau maka ma kahi a Miramoli @a i nalowale aku ai. Ua kaa na Gaberiela e kamailio m@a ae.
"Ma o Sana Petero la, he wahi hana ku ulia ka hoi keia o kaua!" i puoho ae ai oia, me ka huli pono ae i kona haku.
"Ae," i pane panai aku ai o de Boane, "ua pololei oe ma ia. He keu keia a kahi apana hana oolea a me ke pahaonao pu."
"Eia nae, he mea pono ole paha hoi no kaua ke houlolohi loa iho maanei e kalekale ai; no ka mea, aohe olelo ana pehea la ka loihi a hoea hou mai ua poe ilio hoomaloka la e hopu pio hou ia kaua. Kaua e huli i ka waapa, a e hoolana aku e like la me ka hikiwawe ia kaua."
Aohe ka kakou koa i kue aku no keia, a ua hele aku laua no ke kumulaau a Miramolina i kuhikuhi aku ai, a loaa io aku no ka waapa ua hoopaaia. Ua kaukaulua ole iho laua a nonoho ana, a la'eu a paa na hoe ma ko laua ma@ lima, a me ka awiwi loa e hiki a ia ua u hoe aku laua a waenakono o ka inu@iwai, a hoomaka aku la e hou no Coadova.
"Ma ona puali la hoi o ke au Karistiano," i hooho ae ai o Gaberiela, mahope iho o ko laua hoe ana no kekahi wa me ka m@mule, "he hana kamahao loa ka@ i hana ai, e kuu haku. Ua manao loa au e haule ana oe mamua o kela pilikua hiena i kinohi loa no o ka ulele aua."
"Eia nae, aole loa au i haule imua ona," i pa@ai aku ai o Leone.
"Ae, he oiaio aole loa oe i haule. Eia nae, e hoike mai oe ia'u--aole anei i komo ka makau piha hopohopo iloko ou i ka wa a kou mau maka i ike aku ai iaia?"
"He mea oiaio, e Gaberiela maikai, ua makau no au," i pane pololei aku ai ka naita. "Eia nae, kona uhau ana ia'u no kekahi mau manawa, ua oi loa ae ko'u hilinai ia'u iho.
Ua ike aku au i kana mau hauna iloko o kekahi awihi aua. Me ka hoopokole ana, ua akahele au a piha manaolana, oiai nae hoi oia ua piha hilinai loa i kona ikaika iho a me ka pukiki noonoo ole. O ke kaumaha iho no hoi o kona lima, iaia e lu ana i kaua mau hauna pahi i ka makani, ka mea nana oia i hooluhi loa aku. Eia nae hoi, ua hala ae ia a owau hoi ka mea i lanakila."
"A he hookahi mea i koe," i hoomau aku ai ka ukali: "Mai kau mea i ike a i lohe ai, aole auei i lawa iloko ou o Abu Zama ke kumu a me ka mole mai o keia haua?"
"Ae, e Gaberiela, ke manao nei au oia io no."
Aole i pau.
Hooluolu ia Kupa o Kakou
Ma ka helu i hala i hoike @@u ai makou no ka make ana o Misita Pakana, ia kamaaina kahiko o kakou nei. Eia mahope iho kahi moolelo pokole e pili ana nona:
Ma Enelani oia i hanauia ai he 77 makahiki i hala ae, a i ke oo ana ua holo aku oia no Auseteralia a @ a ka Mokupuni o Tasamania i noho ai no kekahi mau makahiki. Iloko o 1850 ua haalele aku oia a me kona ohana no ka holo ae i Vitoria Kolumebia Beritania. Ua ili ko lakou moku i kau mai ai mawaho o Honolulu nei a me ka hana nui i hoopakeleia mai ai oia a me kona ohana. A mai ia manawa mai oia i noho loa iho ai ianei me kakou.
Ua wehe oia i halekuai nona ma ke kahua mauka o alanui Hotele aenei, ma ke kahua e ka Puali Hoola e malama nei i na hana haipule, a no ke kaika@ua hine no hoi ia wahi, a ua kapaia kona halekuai o Waialeale, ka inoa i maopopo ai o ia kahua a hala loa makai o ko makou keena oihana. Mahope mai, ua hoi aku oia no Waimea e hanai holoholoua ai, ka hana ana i lawelawe ai a haule wale aku la no.
Make kana wahine mua, ka makuahine hoi o kana mau keiki haole ekolu, a i ukali aku no hoi ma ia ala mau o ko ka honua nei, oia o Keoki. A. Kaipo a me Fane, a koe hookahi nae hoi ke kaikamahine e huna i kona mau maka a @ uhi i kapa eleele maluna iho ona a me kona mau iwi, ua mar@ oia he wahine hou, i kekahi kaikamahine a Lunakanawai Daniela o Wailuku. He ekolu no ana keiki me keia wahine a ke ola nei a pau. He mea oia i kamaaina loa ia iwaena o kakou oiwi a ua nui ua olelo hoolealea e pili ana nona. Ma ka hana, he akahele loa oia, a o kona ano hoi, he piha olioli a hoihoi mau.
E like no hoi me ka makou i hoike aku ai, pela io no i hookoia ai ke anaina pule kupapau nona maloko o ka Iuakini o Sana Anaru, i ka 4 o ka auwina la Poaha nei, malalo o ka lawelawe ana a ka Rev. A. Makinikoki. Eia iho na poe hapai pahu: G.C. Beckley (Mooheau), Kapena J.C. Lorenzen, K.R.G. Wallace, F.W.Macforlane, Duncan Macforlane, Rev J. Kekipi a me Kapena John Ross. A i kakahiaka Poalima nei hoi i hoihoi loa ia aku ai no Waimea Hawaii, kahi hope loa o kona mau iwi e waiho ai, maluna aku o ka mokumahu Kinau a ma Kawaihae e hooleleia aku ai. Ua ukali pu aku nei no ka wahine, na keiki a me na lala e ae o kona ohana.
Huakai Kaulima ma Kauai
Kakahiaka Poakolu, la 19 nei, i huli hoi mai ai ka Bihopa o Panopolisa mai Kauai, o ka holo ana aku nei no ka elua o ka manawa iloko o na pule elima a oi i hala ae. Ua malamaia eiu na hana kaulima ma na apana a pau ana i hele aku ai, a eia iho ka hoike o kana i hana ai no ka pomaikai oi kelakela o kona Ekalesia. Eleele, 163; koloa, 68; Hanamaulu, 146; Kilauea, 78; Kealia, 52; Hanalei, 22, he heluna nui hoi o 529.
MA KE KAUOHA.
OLELO HOOLAHA.
OIHANA WAIWAI,
HONOLULU, P.H., Mei 10, 1897.
Ke hoolahaia aku nei ma keia i na poe a pau e paa ana i na Bona Aupuni Hawaii o na la a me na heluna dala mahope iho, ma ka la a mahope iho o ka piha ana o ka wa hookaa o keia kupona (coupon--palapala hooia ukupanee) ae, iloko o na malama o Iune a me Iulai o 1897, e pau no ka ukupanee.
E ukuia no ke kumupaa o na bona i oleloia ke waihoia ae ma ka la o keia piha ana ae o ke kupona.
KANAWAI O AUGATE 5, 1882
Papa A. Bona Helu 395, hanaia Jan. 27, 1883, no $1,000.
Papa A. Bona Helu 396, hanaia Jan. 27, 1883, no $1,000.
Papa A. Bona Helu 397, hanaia Jan. 27, 1883, no $1,000.
Papa A. Bona Helu 398, hanaia Jan. 27, 1883, no $1,000.
Papa A. Bona Helu 457, hanaia Iune 27, 1883, no $1,000.
Papa A. Bona Helu 458, hanaia Iune 28, 1883, no $1,000.
Papa A. Bona Helu 460, hanaia Jan. 4, 1883, no $1,000.
Papa E. Bona Helu 277, hanaia Dek. 2, 1883, no $500.
Papa E. Bona Helu 279, hanaia Jan. 3, 1883, no $500.
Papa E. Bona Helu 280, hanaia Jan. 3, 1883, no $500.
Papa E. Bona Helu 281, hanaia Jan. 3, 1883, no $500.
Papa E. Bona Helu 282, hanaia Jan. 3, 1883, no $500.
Papa E. Bona Helu 283, hanaia Jan. 3, 1883, no $500.
Papa E. Bona Helu 284, hanaia Jan. 3, 1883, no $500.
Papa E. Bona Helu 285, hanaia Jan. 3, 1883, no $500.
Papa E. Bona Helu 286, hanaia Jan. 3, 1883, no $500.
Papa E. Bona Helu 287, hanaia Jan. 3, 1883, no $500.
Papa E. Bona Helu 288, hanaia Jan. 3, 1883, no $500.
Papa E. Bona Helu 300, hanaia Iune @9, 1883, no $500.
Papa E. Bona Helu 301, hanaia Iune 28, 1883, no $500.
Papa O. Bona Helu 307, hanaia Jan. 8, 1883, no $100.
Papa O. Bona Helu 308, hanaia Jan. 8, 1883, no $100.
Papa O. Bona Helu 309, hanaia i Jan. 16, 1883, no $100.
Papa O. Bona Helu 310, hanaia Jan. 27, 1883, no $100.
Papa O. Bona Helu 311, hanaia Jan. 27, 1883, no $100.
Papa O. Bona Helu 312, hanaia Jan. 27, 1883, no $100.
Papa O. Bona Helu 321, hanaia Iune 19, 1883, no $100.
HENRY E. COOPER
Kuhina Waiwai no ka manawa.
my 17--3t@.
Hoopaneeia ka Ahaaina.
No ka Luau Manawalea i manaoia no ka la 8 o Mei, ke hoakaka hou ia aku ne i na makamaka a pau mai Hawaii ai Kauai ua hoopaneeia a ka la 5 o Iune e hiki ma iana. A ke haawiia aku nei @a hoomaikai i na makamaka a pau i kokua mai no ka pomaikai o ka Home Hoohanau Kapiolani. Owao no me ka mahalo, EUGENIA REIS, Kakauolelo A.H.H..L.
Hoolaha a ka Lunahooponopono Waiwai.
Ua koho pono ia ka mea nona ka inoa malalo nei, i Luna Hooponopono Waiwai no ka waiwai o E. HELEKUNIHI (k) o Haiku, Makawao, Mokupuni o Maui, i make kauoha ole. Nolaila, ma keia ke hoikeia aku nei ka lohe i na mea a pau he mau koi ka lakou ma ka Moraki a palapala e ae pahe, e hoike koke mai i ka mea nona ka inoa malalo iho nei, iloko o Eono Mahina (6) mai keia la aku, a i ole, e hoole loa ia mahope o ia manawa; a o na poe a pau he mau koi ka lakou i ka mea i make, e awiwi lakou i ka hookaa koke mai ma ke Keena Loio o S.K. Ka-ne, ma ke kihi o na Alanui Moi a me Betela, ma ka hale maluna. S.K. KA-NE, Lunahooponopono Waiwai o E. Helekunihi (k), i make kauoha ole Honolulu, Mei 24, 1897. my.@@-@@@