Ka Makaainana, Volume VII, Number 20, 17 Mei 1897 — Page 6

Ka Makaainana.

HONOLULU, OAHU, POAKAHI, MEI 17, 1897.

6

 

IOSEPINE

KA

EMEPERESE PUUWAI OLU

O FARANI.

MOKUNA X.

KA PONI ANA.

(Mai ka Helu 19)

            "I ko lakou manawa e hoohenehene ai, e kauoha koke no au i na makai a me na ukali o ke Kanikela e kipaku ia lakou me ka lima ikaika."

            "A pehea hoi, ina o na makai a me na ukali o ke Kanikela kekahi e hoohenehene pu?"

            "Aohe o'u wahi hopohopo iki no ia mea.  Ma ka'u wahi e hele ai, malaila pu ko'u mau umiumi.  E hela ana lakou ina ka luakini o Nota Dame nei e like me ko lakou hele ana i ka luakini o na poe Aigupita ma Kairo.  A ke ike mai lakou i ko lakou Kenerala @ e noho ana me ke kuoo, e hookuoo pu no auanei lakou."

            Ma kekahi kuaha@a i hoopukaia e ke Kauikela mua no keia kumuhana, ua olelo ae oia:  "Ua hanaia kekahi hana ekae e kai ka manawa o ke kaua kuloko, e umi i na kuee pili hoomana malalo iho o na poino o ke kuahu, a e kanuia hoi me ka hoomana lehu ponoi.  Ma kona leo, ua meha iho la ka malamaia ana o na anaina haipule eehia, kahi a na kanaka e kapa aku ai kekahi i kekahi ma ka inoa pili aloha, he hoahanau, e hoike mai ana hoi i ko lakou kulana like imua o na maka o ka Lani.  Ua haaleleia ka mea e make ana iloko o kona ehaeha me ka lohe hou ole i na olelo hoolanalana e kahea mai ana i ke Karistiano e komo aku ma kela ao maikai ae.  A me he mea la o ke Akua no kekahi i kipakuia aku mai na papalina o ka honua.  E na kahuna o ka hoomana o ka maluhia, e hookuu iho i ke koloka eleele a huna loa iho i ko oukou mau kuee ana, ko oukou mau poino a me ko oukou mau hewa.  E ae aku i ka hoomana nana oukou i hoohui e awaiaulu aku ia oukou me ke kaula maawe kahi no ka pomaikai o ko oukou aina.

            "E @a makamaka o ka manaoio Hoole Pope, ua pahola pu aku ka maluhia o ke kanawai maluna o oukou.  E ae aku i kela kulana maemae, hemolele, a aloha hoahanau, e like me ia a oukou e hoike mau nei, e apo ia oukou a pau iloko o ke aloha no ko oukou aina, a e malama hoi i kona mau kanawai a maluna ae o na mea a pau, mai ae aku i na kuee a me na hoopaapaa pili malama oihana @ hoonawaliwali iho i kela aloha apo pu@i a ka hoomana i makemake ai a @ kauoha nei no hoi e malamaia."

            He oiaio, he lanakila nui keia i loaa i ka pono Karistiano No Napoliona, he kanaka i manaoio ole i kona kumu Akua, aole i nele kona hoomaopopo a me kona hooia i na pomaikai i loaa i na kanaka mai laila mai, a @ ka pono o kana mau hooponopono aupuni ana, ua hoomaopopo iho la oia he mea pono nona e hoihoi a kukulu hou i na oihana Karistiano

            E hiipoi mau ana o Iosepine i na hoomanao aloha ana no na poe i hoike i ko lakou aloha iaia i kona mau la popilikia.  No Napoliona nae, me kona manao kekeue, ua hoowahawaha mau oia i na poe a Iosepine i aloha ai.  A o kekahi o keia poe, o ia no o Madame Taliena, ko Iosepine hoa pio iloko o ka halepaahao, a me kona mea hoi nana i malama mahope iho o kona hookuuia ana.  No kekahi kumu i ike ole ia, ua hoowahawaha loa o Napoliona iaia.

            He wahine ui oia, a he mau manao lanakoi hoi kona; a mamuli o kona paleia ana mawaho aku o na pohai o ke aloalii, kahi e malama mau ia ana o na anaina hanohano, ua lilo ia i mea nonohua no kona noonoo.

            Ua ehaeha pu no hoi ko Iosepine manao no ia mea, aka, aole e hiki iaia ke pale ae i ka makemake o kana kane.  Ua mokumokuahua kona naau a hoomanao ae, aole oia i hana aku i ka hana i ku i ke aloha i ka mea i aloha iaia iloko o kona wa popilikia.  I keia manawa, he hookahi wale no mea manao nui ia ma Parisa, a o ia hoi ka puni lealea.  Ua pau na rula pili hoomana i ke kaiehuia, a o na hulahula hoano @ i ka helehelena a me ka piliwaiwai ka hana nui a na kane me na wahine, a no ia mea no hoi i akoakoa mau ae ai na poe waiwai o Europa ma Parisa.  Aole nae i ae o Napoliona e hoolauna iaia iho me kekahi o keia mau anaina.  He enemi loa oia i na hana piliwaiwai, a aohe no hoi ona hauoli i na anaina lealea.

Aole i pau.

 

            Ma ka halawai malama mau o ka Hui Hawaii i malamaia i ke ahiahi Poaha, la6 nei, ua hoopauia ko W. J. Koelo noho lala ana no ia ahahui ma kona uhaki ana i kekahi o kona mau rula koikoi loa.

            Ua hookomo ae o Misasa Irene B. Long i ka Poaha, la 6 nei imua o ka Aha Kaapuni he hoopii oki mare i kana kane,  ia Kale Lo@@ opio, no ka hanaino ka a no kela hoopii ana ka iaia i ka moekolohe me Bila Konuwela opio  No ke kau o Augate ae e hooloheia ai.

 

Pepehi no Iaia Iho

            Aumoe Poalua, la 4 nei, hora 11 paha, i loheia ae ai ma ka Halewai ua ki kekahi haole, nona ka inoa o William Blair, iaia iho me kekahi pu ki manu makai o Iwilei a make loa, a makou no hoi i hoomahui aku ai ma kekahi hunahuna ma ka helu i hala.  Ua eleu koke aku o Kapena Poo Waipa ma kahi o ua haole la i noho ai na kahi kokoke i ka hale hana sopa, a ua loaa io aku no, ua puka ke poo a ua hu ka lolo, me elima mau eha e ae ma kona lima hema i okiia ke aa koko nui me kekahi pahi kahi umiumi.  He oiwi oia no Viriginia, Amerika Huipuia, a ua 30 paha makahiki o ka noho ana ma Hawaii nei.  Me kahi poe okoa oia i noho aku ai a he mau malama lehulehu ka hanai ana o ia poe iaia, a ma ko lakou wahi no hoi oia i make ai.  Ua nele maopopo maoli no ka oia, a no ke ano maimai a kulekule paha i lawe okoa ai oia i kona ola ponoi iho.  Ua laweia mai kona kino make no ka Halewai me ka hoala ole ia aku o kona poe i noho aku ai, a i kakahiaka ae nae hoi i hoikeia aku ai lakou.  Ma ka noii ana a ka hope Ilamuku i kakahiaka ae ua hoomaopopoia he mea makehewa ka malama ana i aha kolonero, a na ke Aupuni i huna kona kino maewaewa @ manaonao ma ka ilina o Makiki.  Aohe ona ohana o nei.

 

YEE SING TIE.

Mea Hana Aelike a Kukulu Hale.

            Mea Pena a Kuai Lako Hale.

Na Noho Ie Pake, Moena Pake, a me na

            Pela Moe, no ke Kuai Emi Loa.

Alanui Papu, mauka ae o Pa Aloha.

 

Robert Napunako Boyd

(ITALIA)

He Ana-aina a he kokua no hoi ma ka hooponopono ana i na waiwai paa, huli ana paha i na Buke o ke Aupuni, a pela aku.

            Keena Hana:  Mauka iho o ka Hale Leta, maluna ae o ka haleaina Pake, Alanui Betela.  apl 13-mp

 

E HOOPAA POHO

I Kou Hale a me na Pono o loko

mai ka poino ana i ke Ahi me ka

HUI

Panihakahaka Ahi Springfield

WAIWAI IO, $4,105,374,75.

Oluolu a Haahaa loa na hoouku ana.

W. F. WILSON, Agena,

Helu 209, Alanui Kalepa, Honolulu.

[@@@. 15--6ml.]

 

HUI HAWAII KUAI AINA

NA LUNA NUI.

JAS. H. BOYD.............Peresidena

J. K. KAULIA..............Hope Peresidena

C. A. LONG................Puuku

ENOCH JOHNSON.....Kakauolelo

JOS. PAAKAULA........Luna Hooia

W. C. ACHI.................Luna Hoohana

 

NA LALA O KA PAPA ALAKAI.

J. K. KAHOOKANO,              R. W. WILCOX

J. W. BIPIKANE.

            He Hui i kukuluia no ka hookuonoono a kokua ana i ka lahui Hawaii; ua make makeia na Hawaii a pau loa e komo mai i ka Hui.

Honolulu, Ianuari 11 jan. 11--1yr

 

S K PUA.

He Agena no na Waiwai Paa

He Mea huli i na Kuleana Aina i mea e maopopo ai;

He Mea Ohi i na Aie i hiki ole ke Ohiia e na Poe no lakou na Aie, a

He Mea Hana i na Ano Palapala Pili Kanawai a pau.

KEENA HANA:---Ma ke keena o R. W. Wilikoki.  Alanui Konia.  aug 31---1mk.

 

HALEKUAI LAHUI KALAHIKI

Helu 40@, Alanui Moi, ma Waikiki aku o Alanui Nuuanu, ma ka aoao mauka, k@ keena mua o ka "Hawaii Holomua."

 

Ma ia halekuai o na oiwi e loaa ai na anoi a me na paihi o na an o hou loa, e laa

Na kalako,       Na Keokeo,

Na Makalena,             Na Kinamu,

Na Huluhulu,  Na Lihilihi,

            Na Kamaa o na Kane, Wahine me Keiki a pela aku.

 

            Oluolu no ke kuai ana.  Aohe hewa ke ipa mai e ikemaka, a aohe no hoi he kunu unuia no ka hikeike ana i na mea kuai.

M. PALAU, Luna Nui.

ok 14-tf

 

Ua Maopopo Loa!

            E pii ino mau ana ka makou lawelawe ana ma ka oihana kalepa kamaa iloko o nei makahiki mamua ae o ka makahiki i hala, a oi ae no hoi i ko na halekuai kamaa e ae, no ka mea, ua maopopo loa ia makou ko oukou mau iini mamuli o ka lawelawe loihi ana ma keia hana a mamuli no hoi kahi o ke kamaaina loa iho.  Ke pii nei ka nui o ka hana a pii pu no hoi me na limahana i hiki pono ai ke lawelawe a ke hooko aku ko oukou mau makemake a pau.

            Oiai no hoi na poe e ae e ku nana ana, eia makou ke hou aku nei no mua me na waiwai hou loa o kela a me keia ano, aole loa hoi me na apulu kahiko a ma na kumukuai pii kahiko.  E hoao mai no ka pono la makou a e ike i ke ano o ka makou lawelawe ana me oukou.  Hookahi hoao ana, e lilo no oukou i poe kuai mau a i poe hoa'loha pilipaa loa hoi no ka manawa mau loa.

 

Hui Kamaa o na Poe Hana

D. B. KAMIKA,

Luna Nui.

Alanui Papu, makai mai o ke kih o Monikahaae.  jry.25--tf.

 

Kauka Amana

(CHOW KOCK SUN, M. D.),

Helu 109,--Alanui Maunakea,

(Quong Sing Tong.)

            Oia no kekahi o na kauka o ka Hale mai Pake ma Keoneula, Kapalama, i hookohu pono ia no kona makaukau ma na hana lapaau ma'i o kona aina.

            Ua makaukau loa oia e lawelawe i na ano ma'i a pau o ke kino, e lawelawe i na ano ma'i a pau o ke kino, e laa ke koko ino, ka hano, ke kaokao, na ano eha a pau na ma'i lele, na ma'i kunu, na ha'i, na palapu, a pela aku, me ka eleu a me ka ike i loaa iaia no ka hoopalekana ana.  O na ano ma'i no a pau, aohe mea koe, i nele iaia.  E hewa ole no hoi ke ui ae i kona ike, malia o loaa no he wahi ponoi.  Oluolu loa ma ke kuka ana a emi no hoi ma ka auhau ana.

            MANAWA HANA:  Mai ka hora 9 a. m. a ka hora 2 p. m., a mai ka hora 3:30 p. m. a po a ao.

            E hoomanao nona a mai no na poe a pau e heluhelu ana i keia hoolaha a hoopoina iki nona.  He kokua a he pale oiaioaa oia no ka manawa popilikia.

apr. 26---6m.

 

William Kamali.

            Pena Hale @ na ano a pau.  Kau Pepa a Lu One paha, e like me k oukou makemake.  Ua hiki ke hoohinuhinu i na Umeke, Pakaukau, Pahu-ume, Mo@ Puniu, i hiki ole ke hoomaemae hou ia.  Ua hiki ke hookoia na hana me ka eleu loa, a o na kauoha a pau mai ua kuaaina mai ua hiki ke hookoia.  He oluolu loa ka uku ma ke kuka olelo ana.  E kipa mai e na makamaka, mai poina.

            Keena hana, ma ko S. K. Pua keena, Helu 7@, Alanui Konia.

            Wahi Noho. Kapalama.  m@@ 1@--6m