Ka Makaainana, Volume VII, Number 15, 12 ʻApelila 1897 — Page 1

Ka Makaainana.

BUKE VII----Ano Hou          Honolulu, Oahu, Aperila 12, 1897      HELU 15

 

Palapala Mai Wasinetona

            E like no hoi me ka @kou i hoaiai aku ai ma ka helu i hala e pili ana no kela palapala mai kekahi wahine mai o Wasinetona, oia hoi, e hoopukaia ae ana ma ke Kuokoa na mu o ka Poakahi i hala he palapala mai kekahi kane mai i loaa mai i kahi hoa-@ha ona a o kakou hoi maanei.  Eia mahope iho kekahi mau mamala i laweia mai ia palapala mai:

            “Aohe i loli ae kulana ma Wasinetona nei mai ka ma hope loa au i lohe ai mai ia makou aku.  Eia no me ko oukou Moi Liliuokalani i pau na manao aloha makee a k@ Wasinetona nei anaina hoolaulea, a ua nui loa hoi kona hooimaikaiia no kona ihiihi a me kona naauao. O na elele kalaiaina hoi i kapaia o ko oukou Aupuni anoninoni, ua @mi mai ko lakou hoihoiia e ka i helehu mamaa ae o ko ka wa i @, no ka mea, ua hoikeike akea ae lakou i ko lakou ano liilii a hoowahawaha i na hoomaopopo akea a malu lehulehu e loaa nei i ke Alii.  Ua oi loa aku hoi ka hoihoi ole loa ia o na pakui hou mai nei i ka Legations Hawaii i hea wale ia mamua ae o na poe mua aku, a o Kakina kikaho inoino loa hoi i ke Kuhina Iapana, ua kau aku ka hoahewa ana a ka puali o na luna aupuni kuwaho a me na poe kanaka alakai a pau o Wasinetona nei maluna o na a nie ke Aupuni pu nana oia i @ mai. ***

            “Ma ka nana aku, me he la ua make ka ninau hoohui mai ia Hawaii ia Amerika nei, a ua manaoia no kekahi mau kumu lehulehu he kahua hana popilikia a naauao ole ia no Amerika Huipuia nei. ***

            “Eia hoi he an ko ikaika loa malalo ae iwaena o ka manao o ko nei poe koikoi, e pono o Peresidena Makinile a me ka Poai Repubalike e hooponopono ae i ka hewa i hanaia ma Hawaii malalo o kekahi au hooponopono Republika, a ke ole ia, e mau aku ana no ma ke ano he kiko maluna o ko makou moolelo o na launa kalaiaina kuwaho ana me ko ke ao nei.  ***

            “Ua kue loa nae hei keia au hooponopono i kahi mau hoohihia kuwaho hou aku.  Ua lawa no nei wa ke kaua kipi ma Cuba a me ke panikuia aku o Kerete, a me he la ua manaoia o hoihoi aku ia Hawaii ma kuouo loa a e hookuu aku hoi iaia e hana i kona hopena ponoi iho, koe nao hoi kekahi keakea kuwaho ia aku, a he mea nae hoi ia i manao ole loa ia e hoea mai ana, oiai, ua oi aku mamua o hookahi aupuni e kiai nei ia Hawaii me ke ano makaleho” ***

 

Uha Alahao a Koe na Ola.

            Ua loaa mai nei he lono ia makou ua halawai he maou kaukamahine oiwi me kekalu ulia ano kukonukonu i ka Poakolu iho la ma Lahaina. Ekolu lakou o ke kau ana maluna o kekahi kaa hali ukana hamama a na ke kaamahu ka huki ana.  Oiai hoi, ua papa loa ia ke kau ana pela, ua kau nui no nae hoi.  I ke kaamahu ka e huki ana no Kaanapali, ua ae ke kaa hope loa i ke alahao a haule, a pela hoi i haule ai na kaa e ae a loaa pu mai no me ko lakou kaa e kau ana, oia ka ka helu eha.  Ua haule lakou a pau, a elua nae hoi i eha kukonukonu loa, oia hoi, ma ka aeia aua ana aku e na kaa a haki he uha a he lima o kahi, a eha hoi kahi ma ke poo.  O ke kolu, ua pakele ma hunehune aku oia.  Ua hopohopo nae hoi ke kauka.  Aupuni ua poino pu me loko.

 

            Ua pii iki ae kumukua kuwaho o ke kopaa he 1-16 keneta, a ua like hoi ia me 3 3/8 keneta i nei wa.

            Poakolu nei i heo io aku ai no o Wile Kini wa ke ano elele hoohuiaina, me ka ukaliia aku no e kana wahine.  E holo mua ana oia no kulanakauhale Loko Paakai e hooponopono ai i kahi waiwai malaila o kona makuahine i make iho nei, a ke pau ia, holo loa no Wasinetona e kuwalawala ai ma ko ka lehulehu mau lilo.

            Po Poalima nei, mauka o Makiki a malalo aku o Puowaina, ua loaa aku ko Awaawa kino make iloko o kekahi mala uwala me he la ua loihi no ka wa o ka make ana.  Oia ka luaui o Daniela Awaawa i make emoole mua a mea malama hoi o ka pa ilina o Wakiki a me ka hale hoahu pauda o ke Aupuni.

            He la okoa no mamua ae o ka manawa, halulu ana ka mokumahu Kopetica i Kou nei i ka hora 1:30 p m. o ka Poakolu iko la iloko o @ la, 1 hora a me 12 minute mai ka Ipoka Gula mai.  Eono ohua no nei, a no ke Komohana hoi he 72 Europa a me 111 Pake me Kepani.  I kahi auwina la ae, mahope iho o ka hora 1, i niau loa aku ai.

            Auwina la Poalua iho la, makai o ka uwapo Makeke ka hiko, i hopuia ai o John Radi@ (Keoui Radiai), he haole Auseturia hookele kaapio o ke kaua 290, no ko lawe ana aku he eke a haawi ia Benete, malamamoku o ka mokumahu Keoui Kauiaki.  He 60 kini opiuma o loko o ke eke, a o ke kahuka a @ ka malamamoku ka @ ia e na kiai o ka Oihana @.  I ka huliia ana aku o kauhale o Keoui, ua loaa aku he 30 kini hou ae.  O ko laua ia hookolokolo nei o ka hoopaneeia ana mai.

 

Hebedoma Hemolele

            O ka La Pule i hala, Aperila 4, o ia ke Dominika Ehaeha, a o nehinei iho la hoi ka La Pule Lau Niu, i kapaia o ke Dominika Pama.  He la lau oliwa no hoi ia, a o ia ka hoomaka ana o keia au hemolele loa ma ka moolelo a me ka kakou hoomanao ana no ka kakou Haku a Hoola.  O na la a pau o keia pule, he mau la hai pule wale no ia ma na luakini Enelani me Poma, i kakahiaka a me ahiahi, a i ka auwina la Poaha iho hoi, o ia ka la holoi wawae ma ka luakini o Malieokamalu.  A o ka Poalima ae hoi ka Poalima Maikai, a ua like na wa pule o ia la me ko ia La Pule, koe ma ka auwina la, mai ka hola 1 a 3, he mau pule a hoomanao ana no na olelo hope loa a ka Haku oiai Oia e kau ana ma ke Kea.  O keia La Pule ae hoi ke Dominika o ke Alahouana a lanakila ai ko kakou Hoola maluna o ka Make, ua like no na wa pule me ko na La Pule e ae.  E hoomanaoia e ma launaia ana ka ahaaina ma na kakahiaka nui a pau o keia pule holookoa

 

            Ma ke Kopetica i holo hooluolu aku ai o W.U. Alani no Iapana no kekahi mau malama.

            Poalima nei i hoomaka uuku a pokole ai na kula Aupuni no hookahi pule wale no i nei hana ana.

            Ua hala aku nei na poe hana keaka i o kakou iho nei no Nu Kilani a me Auseteralia maluna o ka Mariposa.

            Ua hoopauia o Sam Brierly, ka Kaunakakai, Molokai, kumukula a ua paniia, aku kona maka lua e B.D. Mitchell (Mikila).

            Ma Kunawai, Honolulu nei, i ka Poaono, la 3 nei, ua hanau mai na ka wahine a J. Kamakaokalani, he kaikamahine.

            I nei kakahiaka i hoomaka ai kuai hoemi ana ma ko L. B. Ka halekuai.  E nana ae no ka pono i kana hoolaha ma nei helu.

            Ua hooholo iho nei ka Hui Heihei Lio Hawaii e malamaia ona mau heihei lio ma Kepiolani Paka i ka la 11 o Iune ae, ka la hoomanao hoi o ka Na’i Aupuni.

            O ka mokumahu Warimu ko ka Poalima iho mai ka Akau no ka Hema, a o ka mokumahu Rio de Ianeiro hoi ko ka Poaono ae mai Kapalakoki no ke Komohana.

            Kakahiaka Poakolu nei i huli hoi mai ai ka Bihopa o Pauopolisa mai hana huakai kaapuni pili Ekaleaia aku nei ia Kauai.  Ekolu apaua i heleia e la a kaulimaia he 381 poe, oia hoi, 163 ma Eleele, 145 ma Kapaia a 75 ma Koloa.  Ua koe ekolu apana no kona hele hou aku.

 

Palo Hahana na Luna Aupuni

            He paio hahana mawaena o ka Lunakanawai Apana a me ka Hope Makai Nui o Kona Hema, iloko paha o ka wa e noho ana paha ka Aha, ua puka na huaolelo oolea mai ka Hope Makai Nui aku e olelo ana “i ka Lunakanawai hupo.”  Aole hoi o ia wale, aka, o ko Kona Akau Lunakanawai kauka ili-puakea no hoi kahi a me kona Hope Makai Nui ili-ulaula, he paio hahana no hoi mawaena o laua imua o ka Aha.

            Heaha keia?  “O ka hale i mokuahana iaia iho, aole ia e mau.”  O ka rula maa mau no nae o ke kanaka, “Ina ua hupo kekahi, alaila, ua maamaama kekahi.”  Alaila, o na lunahookolokolo paha ka hupo, a i ole, o na kaiko paha?  He mau nu hou keia i Ioaa mai, na ka makani wela o ka Hema i lawe mai i ko ka Hema, a na ke kiu ana mai ka Akau mai i lawe mai i ko ka Akau.               HOA’LOHA. Keauhou Kona Akau, Hawaii

            Aperila 7, 1897

 

            Ua holo aku ka Rev. A. Makinikoki a me kekahi o kana mau haumana o ke Kula Alii e makaikai ia luna o ka mokuka@ Amerika Mariona i ka auwina la Poaha nei.

            Ma ka mokumahu Rio de Ianeiro o ka Poaono iho e nuli hoi mai ai o Wiliama Owenekamika.  Ua hoi mai nei hoi o D. B. Kamika ma ka Mariposa me kana kaikamahine.

            Ma Hauhaukoi, Honolulu, i ka Poalua iho la, la 6 nei, ua hanau mai na ka wahine a Kapena Poo R. P. Waipa, he keikikane.  Nui no ka hoi ka hua mai o ko laua kihapai ohana, a e mau hoi ka hua ana mai i na hua ohaha.

            No ka nui huluaa o ka Hui Kinipopo Kamehameha, ua aa aku lakou e paani lealea wale no ma ke ano hoomaamaa me ka Hui Hoku.  O ka hua i loaa mai no ka hoopapa ana i ka auwina la Poaono nei, ua haule ino no Kamehameha i na Hoku, he 30 kue ia 8 ai-puni.

            Kakahiaka Poalima nei i ku mai ai ka mokumahu Kepani Kinai Maru mai Iokohama me 682 eemoku Iapana, he poe noa wale no a pau.  O ka Hui Hoopae Eamoku Kobe na agaua maanei.  Ua hooleleia no eemoku no ka hoomaluia ma Kahakaaulana a eia ke nieniele nui ia nei.

            Ekolu poe ma’i samola-poki o kai o Kahakaaulana, o ka lono ia o nei kakahiaka.  Hoomalu aku ia Kakela a me Kupa no ka hele nui ana i nehinei e nieniele ai. Ua loheia mai nei e hoomaluia ana lakou ma ka hoi ana no Kahakaaulana a no Waikiki aku.

 

 

 

.