Ka Makaainana, Volume VII, Number 11, 15 March 1897 — Page 7
HONOLULU , OAHU, POAKAHI, MARAKI 15, 1897.
NA AINA MAMAO.
Mau Lono Huikau mai kela a me keia Wahi Like Ole.
Paakiki o Helena a ua Aoia Aku.
No Konakinopela mai ka lono o ka la 3 nei, i ke ahiahi mamua iho i laweia aku ai ko Haku Saulebure manao ma kekahi palapala i ka halealii o ke Suletana e na koa kiai o na Mana eono. Aole e kauohaia aku ka hoi mai o na pualikoa Tureke e noho la ma Kerete aia a mahope iho o ka unuhiia ana mai o na kea a me na moku o Helene.
A mai Sana Peterobuga mai hoi, ia la like no, ua hala ko laila wa e hoomanawanui ai no Helene, a ua laweia aku hoi kana mau olelo koikoi me ke ano puanuanu a hoihoi ole loa ia. Ina e naauau o Helene, e hoao no oia e hoohoihoi aku i ko Rusia ano hoa'loha. I nei wa nae hoi, aia oia ke hana la i kona me ae hoihoi ole ia ai. He manao oolea ko kekahi nupepea Rukini, o ke ano nui nae hoi, o ia no ka olelo ana ae o ka mea wale no e hiki ai ke hoopauia na ano e a pau, o ia no ko Enelani hui aku me Farani a me Rusia. Ua maopopo loa ka keia, no ka mea, o ka manao ia o kekahi mahele hapanui loa o ko laila pae. O na nupepa Helene nae hoi, ua lokahi lakou ma ka olelo ana aole loa e hiki ia Helene ke unuhi aku i kona mau pualikoa mai Kerete me kona hoohilahila ole ia.
Olai ma ke Kaikuono o Peresia.
No Teherana, kulanakauhale poo o Peresia, ka lono i loaa ae ma Ladana, Ianuari 21, no ka hoonaue ana o kekahi olai i ka Mokupuni o Kisima i ka la11 aku a he 2,500 poe ola uhane i pau i ka make. O keia Mokupu ai o Kisima, o ia ka mokupuni oi loa o ka nui iloko o ke Kaikuono o Peresia, a he 70 mile kona loa me 12 mile o ka awelike o kona laula. Ua hoopuniia oia e na mokupuni liilii lehulehu e ae, a ua kohoia ka nui o kona lahui i ka 5,000 uhane. He poe Araba ka hapanui o na kanaka, e noho an iloko o ka hune, ka hupo a me ka makau i na hana hoomanamana. Aohe no he mea nui o ke poho i loaa i na hale i hoopoinoia, eia nae, o ka pilikia a me ka pilihua i hookauia aku maluna o na kanaka, ua mokumokuahua ia i ka hoomaopopo ae.
O ke kulanakauhale o Kiaima, he wahi papu ano apulu kahiko kona, eia nae, o ia kahi wahi hoomaha kupono no na moku holoholo pili-aina a me kahi kalepa kupono hookahi, a malaila i hanaia ai kekahi o ia mau moku. Ua manaoia ua pau
pu aku me kekahi o na moku liilii iloko o keia poino. No ka Imama o Muescata keia mokupuni a aia ma kahi o 15 mile mai ka nuku mai o ia Kaikuono. Ua loheia ae no hoi mai Bomabe, Inia, he ekolu mau hoonaue oolea ana a ke olai ia laila, ua koe aku nae hoi na hoakaka no na hopepa i loaa malaila.
Na Lonolono Pili no Kuba.
Ua hoopukaia aku na kauoha maopopo loa i na mana kivila a kana a puni o Kuba e hookolokolo awiwi loa aku e like la me ka hiki a ma ke ano e kupono loa ana i na poe Amerika e paa pio la iloko o na halepaahao, a e kipaku hoi i na poe a pau i ku ka hewa.
Ua olelo ae o Romono Masa, kakauolelo a Cosetilo, kekahi alakai kipi, e paa pio la ma Sitio Eseconobidio, na make ma'i maoli no ke alakai kipi Aguire a me ka Makuisa o Sana Lusia, Peresidena o ka Repubalika o Kuba, ano koke mai nei, a o Kuinitini Banadera hoi, kekahi o na alakai kipi i ike maopopo loa ia, ua make oia mai na eha i loaa iaia.
Ua hoea o Generala Weila ma Camahuiani, ma ke alahao e holo la i Remedioso a me Caibarene, kahi hoi ia ona i manaoia ai e kau aku ma ka mokukaua Legasipi no ka hoi no Havana.
Wahi a ka oleloia, aia ka o Generala Gomeze ke nee hope la mamua pono aku o Genreala Weila. Ma kekahi mau lono ae no hoi, ua hoopuhiliia ka o Wela o ia a aia ka nee la no Havana, mahope iho o ka lilo pio ana o Papu Morono. A ua oleloia ae no hoi ua kukala ae ka o Generala Gomeze, o ko Kuba kuokoa loa ae o ia wale no ka kaua a me ka na poe Kuba e ae ai.
Haule ka ka Peresidena Vito.
O ka la 2 nei ka la hana hope loa o ka Ahaolelo a ua hoawiwi ae ka Aha Senate i na hana i pau no ko ka Peresidena apono a apono ole mai. ua hoole o Peresidena Kalivilana i ka apono ana i ka bila hoopae eemoku, a ua hooholoia nae hoi e ka Hale maluna ae o ia vito ana e kekahi koho nui hewahewa loa o 193 kue ia 37. ma ia koho ana ua lilo aku la ia i kanawai no ia aina. Ua oleloia ua naauao ka Peresidena ma ua kumu ona i hoole ai.
Omaimai ka Peresidena Hou.
He omaimai ko Peresidena Makinile a ua papaia oia e kona mau kauka e ike aku i kona poe hoa'loha pili loa. O keia ka lono hope loa mai nei nona, ua manaolana nae hoi e oluolu kupono ana oia ma kona la e hoopumehana ae ai i ka noho Peresidena a Kalivilana e waiho aku ana no ka manawa elua.
Palanehe ka Hele'na a Wasinetona
A me ka malie loa me ka lohe mua ole ia oia i hoea kau ai i Wasinetona i ka la 2 nei, me ke ano oluolu iki no. Ma kana kauoha ponoi, aohe mau hoohiwahiwa koa ana a ano e ae paha. Ua makaukau na mea a pau ma ka la 3 no kekahi kau hoohiki hiwahiwa, ke ua ole nae hoi. Lehulehu na poe i haiamu aku no ke ake o ike i ka Peresidena hou, eia nae, aohe i aeia kona hele ike ia aku e kona mau kauka.
Kauoha i Kau Ahaolelo Kuikawa.
Ma kana kauoha no hoi, a hoopukaia ae ana he kuahaua no kekahi kau Ahaolelo Kuikawa no ka la 15, a ma ia la hoi e hoouna palapala aku ai no na mea pili i ko ke Aupuni mau loaa a me ka hana koke ia hoi o kekahi bila dute laulaha. Ua noi aku ka kekahi poe e hoomoeia ke kau kuikawa a ka la 20, aka, ua paakiki aku oia, no ka mea, ua ake loa oia, no ka mea, ua ake loa oia e hoomaka koko ia ka haha no ka pono o ka aina.
Ko Makinile Aha Kuhina.
Penei iho na lala o ka Aha Kuhina hou: Kuhina Nui, John Sherman o Ohio; Kuhina Waiwai, Lyman J. Gaga o Ilinoi; Kuhina Kaua, Russell A. Alger o Mikikana; Kuhina Moana, John D. Long e Masakuseta; Kuhina Kalaiaina, Cornelius N. Bliss o Nu Ioka; Kuhina Mahiai, James Wilson o Iowa; Luna Leta Nui, James A.Gary o Merelani, Loio Kuhina, Joseph McKenna o Kaleponi.
Na Hunahuna Laulaha.
Ke manao la o Iapana e hookumu i kahua dala gula nona iho.
Ke manao la o Farani e hookau i auhau kaua maluna o na poe o na aina e ae e kipa aku ana i ona la.
Ua luluia ae a ua loaa ma Beretania Nui he $1,375,000 no ka Waihona Wi Inia a aia no hoi ke komo la ma ke $50,000 o ka la.
Ma ke kohokoho ana mai nei mawaena o na poe hana kila Pelekane me Maleka no ke Aupuni o Iapana, ua haahaa loa ka na poe hope.
He $8,000,000 poho wale no ka Peresidena Karuga o ke Taranavaala i makemake ai no kela kimopo kipi pakalaki a Kauka Kemisona.
Ua hoea aku elua mokukaua Farani i Raiatea, Tahiti, a ua ki poka ia aku kahi hoomoana o ua kipi. Mamuli o keia, ua nee aku na kipi a loko loa o ka aina mauna.
Ua hoohalike o Pohakuhauoli ia Tureke me he mea la mawaho aku o ka kanawai a ua kue hoi i ka hoohana ikaika ia aku ma ka aoao e kokua ana iaia. La 3 nei i waiho ae ai o Senatoa Seremana i kona noho ia Kiaaina Businele o Ohio, e mana ma ka la 5. Aia hoi ka hookohu o Maka Hana no ia wahi hakahaka ma ke ala no Wasinetona, e mana ana no hoi mai ka la 5.
Ma Nu Ioka, Feberuari 13, i hopuia mai nei o Iosepa Anaru Iasigi o Bosetona, Kanikela-Kenerala o Tureke, no ke apuka i ka waiwai i haawiia iaia e malama ma ke ano kahu, i hiki aku ika huina o $8,000. E liuliu ana ka oia e holo no Europa a hopuia ai oia malalo o kekahi palapala hopu i hoopukaia ma Bosetona. Aohe ae o na makai e kamailio no keia hihia.
O Kamaa Wale No!
Pomaikai no ka Mea Ilihune.
Ma keia mua aku he 5% ke hoolaweia ana no kela a me keia kuai ana ma ke dala kuike, ma na waiwai a pau o ko makou halekuai. E hoomanao na kau moakaka ia kumukuai kuike maluna o kela a me keia mea no ke kuai aku. Nolaila, he pomaikai ke kuai ma o ko makou nei halekuai, ua like me he 10 pa-keneta a oi ma na wahi e ae i kau moakaka ole ia kumukuai.
Mamuli hoi o ka nui o ka makou kaua i ka makahiki 1896 i pau iho la i konoia mai ai makou e hana kau e like me keia ae la, i mea hoi e pomaikai ai o ko mkaou poe kuai mai a e hoomahuahua loa aku ai no hoi kahi i ka makou hana. O kamaa wale no ka makou e lawelawe nei, i loaa mai ma ke kuai kukaa a ua emi loa iho i ka ko ma poe e ae maanei; a nolaila, pela no hoi paha e hoemi loa ia iho ai kumukjuai o na kamaa i hiki ole i na wahi e ae ke hoohoa mai.
No ka oluolu, ka heahea a me ka hookipa maikai mai ke kumu i pii mau ai o ka makou hana, a ke hauoli nei no ia mea. Aia ka makou mau kamaa ma na wawae o na poe kupono a pau mai Hawaii a Niihau. E kipa a e hoao i ko makou Halekuai Kamaa, a ua hoihoiia kela a me keia ke komo mai, ina no aole e kuai ana.
Hui Kamaa o na Poe Hana
D.B. KAMIKA,
Luna Nui. Alanui Papu, makai mai o ke kihi o Monikaae. jry. 25-tf.
HELE HONOLULU.
O.R.L. Co,
MA NA POAONO A ME NA LA PULE.
e HAALELE MAI NO NA kAAMAHU I NA HORA 9:15 A.M. a me 1:45P.M., a hoea hou mai i Honolulu nei ma na hora 3:11 a me 5:55 P.M.
Na Palapala Uku Puni
Papa 1 Papa 2.
Manana $ .75 $ .50
Mahiko o Ewa 1.00 .75
Waianae 1.50 1.25
F.C. SMITH,
A gena Ohua a Palapala Nui
feb10-tf