Ka Makaainana, Volume VII, Number 9, 1 March 1897 — Page 7

HONOLULU, OAHU, POAKAHI, MARAKI 1, 1897. 7

i ke kulana malaila. Ma keia wahi i pau ai he 22 poe Mosolema i ka pepehiia i Feberuari 7. Ua hoomaka emoole aku ko na Karistiano ki pu ana ma na alanui, a hoomaka hoi na Mosolema e holo aluka me ke kue ole ae. Ehiku poe i okiia na

poo me na pahikaua, ke huiia me ekolu wahine a me elua keiki. Ua ki pualu aku na Karistiano i kekahi mokukaua Tureke o ke ku ana ae ma Kisamo i ka la mamua iho.

Hoohahani loa na Poe Kipi.

                Aia na kipi ke hoopoaipuni loa ae la ia Sitia. Ua noi aku na poe noho o ia kulanakauhale i ke Kiaaina o Herakelione e hoouna ae i mau koa kokua no lakou, a mamuli hoi o ia noi i hoouna koke ia aku ai e ke Kiaaina he 300 poe Basi Bazouka a me kekahi mahele o na koa kumau no Sitia. Ua kau aku na puali iluna o kekahi moku no ka lawe aku ia lakou a loaa aku ana he kauoha mai ke Kiaaina e kapae ana ia kauoha, no ka mea, ua kue na Hope-Kanikela i ka hoounaia o na puali koa. I keia la (Feberuari 12) i kue aku ai na Karistiano i ka halekoa o Suda. Ua halawai mai keia lele kue ia aku me kekahi ki poka ia mai me na pukuniahi a ua hoomamao aku na Karistiano.

Mai Helene na Kokua o na Poe Kipi.

                He palapala no Konakinopela ka i olelo ae ua ikeia aia na kipi o Kerete ma kahi kokoke loa i Canea kahi i hoakoakoa ai no ka hoea aku o na lako kaua mai Saica, ma ka aekai kokoke loa i ka palena komohana o ka Mokupuni o Kerete, kahi hoi i hoopaeia ai e kekahi mau moku mai Helene ae. Wahi no hoi a ka olelo o ua palapala la, ke loaa aku ka keia mau lako, ua manao n a kipi e kaua kue aku ia Canea. Ua olelo pakui ae no hoi ua palapala la ua maopopo loa i na mana Tureke i nei wa o ka nohoia aku e na Mana Europa ka mea wale no e hiki ai ke loaa ka hoomaluhiaia o ia Mokupuni.

Lokahi na Mana e Ahewa.

                E hoolahaia ae ana ka ma Ladana i Feberuari 13 i ka lokahi o na Mana Europa e hoahewa aku i ko Helene kahua e lawelawe la a aole hoi lakou e hookuu aku ana iaia e hoomau aku ma ia ano. He mea pono loa ka nona ke haalele aku i ka manao hoomaka ae i ke kaua me Tureke.
                Eia nae, ma Berelina hoi, ua hilinaiia o ke kaua wale no ka hopena maopopo loa i koe mawaena o Helene me Tureke. A e pono nae hoi o Tureke e hookuu aku i kona mau pualikoa e hahau ae ia Helene ma ka palena e komo aku ai i Tesalonia no nei hana hoaano loa a Helene.

Na Manao o na Nupepa.

                Nui a oolea loa ka na olelo kue a na nupepa ahiahi o Viena no nei hana a Helene. Ua olelo ae kekahi—ina ka i kuli loa ka Moi Keoki i na keakea a uwalo ana aku a na Mana iaia me ke kuio loa, alaila, e hoihoi pono ia aku no maluna ona keia hookuli me ke oolea loa. A o kahi ae hoi, ua olelo ao ae ina e hoonauluulu aku ana o Helene ia Tureke, ua pono no o Tureke ke kaua kue ae ia Tesalonia me na hopena e popilikia io ai o Helene.

Komite Hoeueu Kipi o Ke rete.

                He tele garama hoi mai Konakinopela ka i hoolahaia ae malaila e hoikeike ana ua hoeueuia keia kaua holookoa ma Kerete e kekahi komite o Kerete ma Atenai, a o Elele Romanese a me Kauka Papasake na alakai na laua i hoouna aku i na elele lehulehu a puni o Kerete me na palapala hoeueu kipi. Noho malie a mumule me ka hoomaopopo ole ae na kanaka o Kerete oiai nae hoi na agena Helene e hoeueu ana me ka hooikaika loa iwaena o lakou. Aohe no i hoohuoi loa ia keia hana hope mai la a Helene iwaena o ka poai o na poe kalaiaina, oiai, ua pinepine ka ninau ano hoohuoi ana o ke alakai o na aumokukaua Helene i na alakai o na moku e ae ma na kai o Kerete e pili ana i ka mea e hanaia ana ke ulu ae kahi hana e pili ana no Kerete.
                Ua oleloia ma Viena o ka hookahua koke ia ae koe o ke panikuia o Kerete e na Mana o Europa.

Mau Lonolono no Iapana.

                Ua hooholo na poe ia lakou ka mana e hoolilo aku i 800,000 iene no na lilo hoolewa o ka Emepe rese Kanemake a aia imua o ka Ahaolelo he bila kanawai noi dala no ia mea.
                Ua loaa ae i ka Emeperoa o Iapana na palapala hoalohaloha no ka make ana o ka Emeperese Kanemake mai na Moi a me na Peresidena o na Mana Kuikahi a pau.
                He hoolaha ka i hoopukaia ae e Kouna-Ma tasukata e hookaulua ana i ka hookoia aku o ka hoopai make no umikumamalima la e hoomaka ana mai Ianuari 12 a ma ka la o ka hoolewaia ana o ka Emeperese Kanemake. No elima la e hana ole ai na paahao a pau maloko o na halepaahao a puni ka aina.
                E kukalaia ae ana ka he huikala laulaha ma Iapana. Mamuli o keia, e hoemiia mai ana ka hoopai make a i ka hoopaahao a pau ke ola, a o na poe hoi i hoopaiia a pau ke ola e hoemiia mai a 12 makahiai hoopaahao, a no na poe paahao e ae hoi e hoopaahaoia no na manawa hoopaahao maopopo, e loaa aku hoi ia lakou ka pomaikai o keia huikala ma ka hoemiia mai o ko lakou manawa hoopai a ka hookahi-hapalima o ia. Ua pili keia i na pio kalaiaina a ano e ae. Ma ke kohokohoia mai loko mai o 70,000 poe paahao e noho la maloko o na halepaahao a puni o Iapana, he 14,000 ana paha o lakou poe e pau ana i ka hookuuia mamuli o nei mea.
                Ua hoikeia ae o kekahi nupepa Kepani maoli ua o-ia ka Emeperese Kanemake i make mai nei me kona ano hoihoi ole i Dekemaba 30 aku nei, mamuli hoi o ke ao a kona mau kauka, no ka mea hoi, ua manao oia e hele aku no Kioto a aia ke holapu la ka ma'i samola-poki ma kekahi mau wahi o ka aina. Maikai no na hopena i loaa mai no ka o ana, he mau la no mahope iho ua loohia ke Alii i ka ma'i a waiho ma kahi moe, kahi ona i moe loa aku ai me ke ala hou ole mai. E oleloia ae nae hoi he samola-poki no ka ma'i i make ai o ka Emeperoa Komei, kane a ka Emeperese Kanemake.

Ki Pinepine ia o Generala Weila.

                No Ki Komohana ae kekahi lono i ka nupepa Honua o Nu Ioka o kakahiaka o Feberuari 7, e olelo ana oiai ka o Generala Weila e kai hele ana me kona mau mahele koa mamua iki iho o ke komo ana aku i Sana Kalela, ua kiia kona lio a make mai lalo aku ona e kekahi mea ki pololei Kuba. Ua manaoia ua lele mai keia poka mai ka aoao mai o kekahi puu ma kahi mamao loa. Mai ke kai huakai ana ka mai kahi a kahi aoao o Rodasa, ua ki mau ia no ke Kapena Generala e like me keia ae la, a ua lehulehu na wa ona i pakele mahunehune ai mai eha. Nui ka kona pioloke a hoouluhuaia, nolaila, ua hoounaia he mau mahele nui mamua o na puali nui no ka nana pono ana i ke ala a e hopu pio hoi i na poe powa mai.

Uluaoa Haunaele ma Siama.

                Ma Banakoka, Siama, ua lele kue aku kekahi aluka o na kanaka o ia wahi i ke Kuhina Geremania. Pau nei hana, ua ho ae lakou no ke keena Kanikela Amerika, a ua hoeha aku no hoi i kekahi wiliki Amerika a me kekahi mea lawelawe Pelekane o ia keena. Ua mihi ae ke Aupuni no nei hana, a he keu ka a ka hoomakeaka o ia mihi. Aohe poe manadarina i ike i nei hana, aka, he poe makai kulana haahaa wale no.

NO KE KUAI.

He hale o Elima Keena, hookahi makahiki o ka paa ana, a me Elua Apana Aina ma Kalia, Waikiki, ma ka mahele aina o Bruce Waring & Co., e hooliloia aku no i ka mea e makemake mai ana. Aia keia wahi ke pili kokoke la ma kahi noho o E. S. Boyd. KUMUKUAI:—$1,000; $500 ma ke kuike a ma ka Moraki ke koena no ekolu makahiki ma ka 8 pa-keneta ukupanee. No na mea i koe, e ninau ia BRUCE WARING & CO., a i ole, ia F. J. TESTA, ma ke keena o keia nupepa. sep 7—mhp.

O Kamaa Wale No!
Pomaikai no ka Mea Ilihune.

Ma keia mua aku he 5% ke hoolaweia ana no kela a me keia kuai ana ma ke dala kuike ma na waiwai a pau o ko makou halekuai. E hoomanao ua kau moakaka ia kumukuai kuike maluna o kela a me keia mea no ke kuai aku. Nolaila, he pomaikai ke kuai ma o ko makou nei halekuai, ua like me he 10 pa-keneta a oi ma na wahi e ae i kau moakaka ole ia kumukuai. Mamuli hoi o ka nui o ka makou hana i ka makahiki 1896 i pau iho la i konoia mai ai makou e hana aku e like me keia ae la, i mea hoi e pomaikai ai o ko makou poe kuai mai a e hoomahuahua loa aku ai no hoi kahi i ka makou hana. O kamaa wale no ka makou e lawelawe nei, i loaa mai ma ke kuai kukaa a ua emi loa iho i ka ko na poe e ae maanei; a nolaila, pela no hoi paha e hoemi loa ia iho ai kumukuai o na kamaa i hiki ole i na wahi e ae ke hoohoa mai. No ka oluolu, ka heahea a me ka hookipa maikai mai ke kumu i pii mau ai o ka makou hana, a ke hauoli nei no ia mea. Aia ka makou mau kamaa ma na wawae o na poe kupono a pau mai Hawaii a Niihau. E kipa a e hoao i ko makou Halekuai Kamaa, a ua hoihoiia kela a me keia ke komo mai, ina no aole e kuai ana. Hui Kamaa o na Poe Hana D. B. KAMIKA, Luna Nui. Alanui Papu, makai mai o ke kihi o Monikahaae. jry. 25—tf.

Hui Papa a Kukulu Hale Oahu.
(OAHU LUMBER & BUILDING CO.)

Leleo, Alanui Moi, kokoke i ke Kahua o ka Hui Alahao & Aina Oahu. Poe Kalepa Laau, Hana Aelike a me Kukulu Hale. Poe Hookomo Mai a Hoolilo aku i na Puka, Olepelepe, Kui, Pepa, Pena, Aila, Na Pono Kamana, A pela aku, a pela aku. Telepone 53. Pahu Leta. apl 20-tf

F. J. TESTA (Hoke).|
MEA OHI A KOI AIE

Mea Huli Moolelo Aina a Waiwai e ae paha. Mea Unuhi a Mahele Olelo Hawaii a Enelani paha. Mea Hana Palapala Kanawai o na Ano a pau. Mea Kuai Mikini Humuhumu Lole. Mea Hoolimalima a Hoolilo Aina. Mea Kuai Waiwai no ka Uku Komisina Haahaa. Ua makaukau mau oia e lawelawe i na ano hana a pau e haawiia mai ana iaia e hana. Kuike ka rula.