Ka Makaainana, Volume VII, Number 9, 1 March 1897 — Page 6

6 HONOLULU OAHU, POAKAHI, MA RAKI 1, 1897.

IO SEPINE
— KA—
EMEPERESE PUUWAI OLU O FARANI.

MOKUNA VIII.
IO SEPINE KA WAHINE A KE KANIKELA MUA.

                Oiai, ua oluolu no ko Napoliona manao no keia makaala o kana wahine, aka, ua lilo ia i mea nana e hoohaehae mau ai ia Io sepine, me kona hai aku iaia he nui wale na haawina o ia ano i loaa iaia, aole nae oia i poino. He mau ilio no hoi kekahi a Iosepine i aoia no ke kiai ana i ko laua home ma Malamaisona no ke pale ana aku i na poe komohewa i ka po.
                Ma ke ahiahi o ka la a Napoliona i komo mua ai iloko o na Tuileri, ua pane mai la oia ia Buriene: "Aole i lawa ke komo wale ana mai no iloko nei o na Tuileri, he mea pono no kakou e hoomaopopo no ka hookahua maoli ana iho. Owai la ka mea i noho ole iloko o keia halealii? He home keia no na powa—no ka Ahakuka hoi. Aia ka hale o kou hoahanau, kahi a kakou i ike ai ia Lui XVI., ewalu makahiki i hala ae nei, e hoopuniia ana, a lawe pio ia hoi. Aka, mai hopohopo oe no ia mea i keia wa, aole e hiki ke haha hou ia ia hana. He makemake au e hoao mai lakou ia'u." No ko Iosepine hopohopo no ka powaia o kana kane, ua hoomalielie mau aku o Napoliona iaia ma ka i ana: "E kuu Iosepine aloha, aole lakou e aa e hana mai ia mea maluna o'u."

MOKUNA I X.
KE KAUA MA I TALIA—KO NAPOLIONA POINA OLE IA IOSEPINE.

                Ia Napoliona i hele ai i Ai gupita, e like me ka mea i hoikeia ma kekahi mokuna i hala ae nei, ua komo hou mai la na poe Auseturia iloko o Italia. Ua hoopuehuia na pualikoa Farani ma na hooili kaua ana he lehulehu, a ua hoauheeia mai na aina mai a pau a Napoliona i kukulu ai i ka hae o ka Repubalika e welo haaheo ana.
                Nolaila, mahope iho o ka pau ana o na hana hoponopono pili kalaiaina kuloko a ke Kanikela mua no na mea e holopono ai kona aupuni, ua huli ae la kona noonoo no kona mau pualikoa i hoauheeia iloko o ka poli o na mauna Alepa. "He mea pono no'u e hele, e kuu Iosepine aloha," wahi ana i kana wahine. "Aka, aole au e hoopoina ia oe; aole no hoi au e hele loihi loa;" a haawi iho la ia i ke aloha i kana wahine e noho ana iloko o na Tuileri ma ka la 7 o Mei, 1800. A ma ke aumoe o ka la 2 o Iulai oia i huli hoi mai, oia hoi, aole i piha na mahina elua o kona hele ana. Iloko o ia manawa pokole, ua hoopuehu liilii ia e ia na pualikoa Auseturia mai ko lakou mau papu aku, a ua pakele hou o Italia. Mamuli o keia hooili kaua ana a Napoliona, i loaa ai iaia ka lanakila iloko o na la pokole, he mea i ike mua ole ia ma na moolelo kaua o ke ao nei, ua pakui hou ia iho kona kaulana a me kona weliia hoi. A ua lilo hoi keia lanakila i loaa ia Napoliona i mea nana i hoopupule ae i na makaainana ma ke kulanakauhale o Parisa. No na po he lehulehu ma ia hope mai ua hoomalamalama mau ia na alanui o Parisa me na kukui lamalama, a ke ikeia o Napoliona e hele ae ana, e mumuluia ana oia e na kanaka me he nalo meli la e hoopuni ana i ko lakou moiwahine. Iloko no nae o keia lanakila i loaa ia Napoliona, aole no oia i lawa, aka, ua like ia me ke kau hou ana i ka wahie iluna o ke ahi o kona ake kaulana.
                "Ina e loaa hou ana ia'u kekahi mau hana kaulana e like ae nei me keia, alaila paha mau ko'u inoa a kauoha i ka mamo. Aka, ina o keia wale ae la no, aole ia i lawa. He oiaio, iloko o na makahiki elua, ua lanakila au maluna o Kairo, Parisa a me Milana. Aka, ina au e make ana i ka la apopo, iloko o na keneturia he umi, he wahi hapalua aoao wale no o ka puke moolelo o ke ao nei ke piha me na hoomanao ana o ka'u mau hana."
                Mahope iho o ko Napoliona hele ana, ua hoi aku o Iosepine i Malamaisona. A i hoike no ko Napoliona aloha kuhohonu no Iosepine, aole oia i ae i kekahi la hala me kona hoouna ole aku i kekahi lono ia Iosepine, ina no aia oia iloko o ka hahana piha o ke kaua. Iloko o kona luhi, e noho mau ana maluna o kona lio i ka po a me ke ao, me ka loaa nui ole o kahi wa hoomaha a manawa ai paha, aole no nae i nele ka loaa iaia o kahi manawa e kakau iho ai i mau wahi laina pokole, e hoolilo ana ka makuu o kona noho i pakaukau. I kekahi manawa ua hahai ae la oia i kona manao i kona kakauolelo, a nana hoi e hoouna aku ka lono ia Iosepine. He pinepine loa ka manawa i kakauia ai o keia mau lono i ka wa e hooiliia ana ke kaua me ka hahana, oiai hoi ke kino make o na poe "aloha aina" e mokaki mai ana, a e nakolo ana na awawa me na kualono o Alepa me na leo paapaaina o na pu-kuniahi.
Aole i pau.

NA AINA MAMAO.

Mau Lono Huikau mai kela a me keia Wahi Like Ole.
Oehuehu Kaua o Helene ia Tureke.

                Pioloke a nui ka hauoli o ka lahui i ka hoounaia ana o kekahi mahele o na moku topido, malalo o ka hoomalu ana a Kama'lii Keoki, no ka Mokupuni o Kerete, pela kahi lono o Atenai, Helene, o Feberuari 12. Ua oleloia ua loaa na kauoha i ke Kama'lii e keakea i ko Tureke hoopae aku i na pualikoa maluna o ia mokupuni. Na ka Moi ka i hoopaakiki a i hooikaika e hoounaie keia mahele o na moku, mahope iho nae hoi o ka loaa ana iaia o ko ke Kuhina Nui ae, a i lawa no a loaa ia, ua hoopuka ponoi aku oia i na kauoha i mea hoi e hooiia ai o ka hilinaiia o nei hana. I nei la no hoi i loaa ae ai i ka nupepa Manawa he lono mai Canea ua pae aku o Kama'lii Keoki me eha moku topido a me hookahi moku hali kanaka malaila ia la.
                Ma Ladana hoi, i ka la mamua iho, ua kipa ae ko Helene luna kiekie ma ke Keena o ko na Aina E a haawi aku he palapala e hoike maopopo loa aku ana ua hooholo ke Aupuni o Helene e keakea i ka hooleleia mai o na pualikoa Tureke mai Kerete ma o na ano hana a pau e hiki ana i kona ikaika ke kue aku.
                He palapala hoi no Atenai i ka nupepa Manawa o Ladana ke olelo ana aia ka ke Komite Kerete ke hoomakaukau la e kakoo aku i na poe Kerete me na lako kaua ma ke ano nui loa. I ka Poakolu iho ka ka hala ana aku o ka mahele mua me 600 poe Kerete i lako pono. Ua hoike ae no hoi ia palapala i holo ka ka mahele moku topido no ka Mokupuni o Kerete mamuli o ka lono i hoopukaia ae ua haalele iho na moku topido Tureke i ke Dadanele a ua kau aku hoi na pualikoa Tureke ma na moku no Kerete ma Salonica ae.

Eueu Hoonana no Kahi Uuku Iki.

                A no Viena mai hoi ka lono i ka nupepa Ahailono o Nu Ioka, o Feberuari 12 no, e olelo ana ua palapala aku ko Viena Aha Kuhina i kekahi olelo ao kuio a kukonukonu loa ia Helene. Ua lohe hou ia ae no hoi ua hoike aku ka na Maua ia Tureke aole ka e hiki ia lakou ke hookikina aku ia Helene e unuhi mai i kona mau aumoku, aka, e waiho laelae aku ana ka lakou ia Tureke e hana aku oia e like la me ka hiki iaia ke hoohana aku.
                Ke noho alii la ka ke au kanawai ole ma A tenai. I hoopakele wale ia no ka ka Aha Kuhina no ka manawa mamuli o ko lakou lawelawe ana ae i kekahi hana ku i ke ano pupule. Ke kuhiia la o Enelani nana ka e kakoo malu la ia Helene i mea e hookinakina aku ai ia Rasia e hoike ae i kona lima a iaia iho a ike loa ia ae kona ano io maoli.

Kupilikii Loa Kulana ma Cerete.

                Mai Konakinopela, Fe beruari 12, ka hoikeia no ka pii loa ae o ke kupilikii i na wa a pau o na lono Kerete e loaa aku ai. Ua hoomaopopoia ua loaa ae ka i na keena emebase a pau malaila, aia ka o Herakelione ke hamuia la e ke ahi. A ma na poai pili oihana hoi malaila, ua manaoia o ka mea wale no e pau ao ai o keia ooloku ma Kerete o ka nohoia aku o ia mokupuni e na Mana o Europa. Ua hoomaopapoia no hoi ua hoounaia aku na ao ana i na kapena o na mokukaua o na aina e ae e keakea aku me ka ikaika, ina he mea kupono ia, i kekahi akeakea aku a na mokukaua o Helene.

Na Powa Ala bania no Tesalonia.

                Aia o Tureke ke liuliu la i na puali o na poe Alabania powa a ke mahelehele la no ka hoouna aku e komo kue ia Helene ma Tesalonia. Ua hoomaopopo no ke Aupuni Helene i kona poino ma nei wahi a ke awiwi la i ka hoouna aku i na pualikoa no ia wahi no ke kue aku i kahi i komoia aku o kona palena. A ua loheia ae no hoi ua hoomaka e no ka hoi ka ulele aua mawaena o na pualikoa a me na Alabania ma ka palena aina o laua.

I Kiaaina Alii ko Ke rete.

                Ua manaoioia nae hoi ma ko Enelani Keena o ko na Aina E o ke ano keia o ka M. Hanoto, ko Farani Kuhina, i makemake ai i ka hui like ae o Farani me Rusia a e ae aku ia Helene e noho ma Kerete me Kama'lii Keoki, keiki elua a ka Moi o Helene, ma ke ano oia ke Kiaaina-Generala, me ka hoomauia no nae hoi o ko ka mokupuni noho ana aku malalo o Tureke.
                Ua hoopua iki ae nae hoi o M. Hano to i ka manao e paniku aku na Mana ia Kerete.

Na Kumu mai o ka Hewa.

                Iloko o ka Hale Makaainana i keia la ( Feberuari 12), ua hoike ae o Keoki Kuzona, Kakauolelo Ahaolelo o ke Keena o ko na Aina E, o ka lono hope loa i loaa mai i ke Aupuni no ke kulana ma Kerete, e hoike ana no na poe Karistiano ka hewa o ke kue ana aku i na poe Mosolema ma na wahi lehulehu. He heluna nui loa o na poe Mosolema i pau i ka pepehiia a he umikumamakolu mau kulanakauhale i pau i ke puhi ahi ia.
                He aliikoa Italia ka i hoounaia no Ki samo e nieniele ai