Ka Makaainana, Volume VII, Number 7, 15 Pepeluali 1897 — Page 8

Ka Makaainana.

 

8                HONOLULU, OAHU, POAKAHI, FEBERUARI 15, 1897

 

“Ke Aleale nei ka Wai”

(Mai ka aoao elima mai)

            @ me Kuhina Kini, loaa kona alanui maikai hou o ka weheia ana a e hanaia nei mai alanui Ema a puka i alanui Papu.  Ke hoea mai ia wa, mai no a hoopoina i ka hooloihi aku i na alanui Kuakini a me Kula a hoea i Kalaepohaku, oiai, ua hoike mai ka pauahi o kela wanaao La Pule aku i ka pilikia o na kauhale a pau o ia wahi piha kaupapaloi.  Hoomauia ka onioni ana a loaa mai.  E nui ke aho!

 

Apuka i ko ka Lehulehu Waiwai

            I kahi manawa o ka auwina la Poakahi i hala i loheia ae ai ua hoopauia o W. J. Coelho (Koelo) kakauolelo o ka Aha Apana, mai ia oihana mai a ma ia hope koke iho, ua hoopukeia ae he palapala hopu nona i hoohikiia e ka Ilamuku, ma ke noi ka a ka Lunakanawai Apana, no ka hewa “apuka i ka waiwai i haawiia iaia e malama,” a ua hoopaaia oia ma kekahi o na keena o lalo o Kalakaua Hale.  Ua hoikeia he $150 i lawe kolohe ia e ia, a ke noii pono loa aku ka, e pii loa ana a kokoke i kau wahi o $1,000.  Auwina la Poalua ae, ua laweia oia imua o ka Aha Apana, o Lunakanawai Apana Wilikoki ma ka noho, a ua heluheluia aku ka palapala hoopii a ua hookoeia kaua pane a ka Poalima.  Ua noi kona loio e hookuui oia malalo o ka bela, aka, ua pane aku ke kahu o ka Aha aohe mana i loaa iaia e hana ai pela, nolaila, ua noiia ia Lunakanawai Kaapuni Kaaka a ua aeia oia e belaia no $2,000.  Mamuli o ia, ua hemo ae oia iwaho nei, o A. Rosa, Keoki Hapakela, Kami Kuaika a me J. Silivano na hope o ka bona.  I ka Poalima nei, ua hoomoeia mai kona hihia a no ka la 19 iho, Poalima ae.

            Oia kekahi opio Hawaii kulana holomua, he haumana i puka pono no ke kula o Sana Lui, noho i kumkula, i kakauolelo no ka Halewai a no ka Hope-Ilamuku, a mahope i kahi ona i hoopauia ae nei.  Nana i hoolala a i hoala i ka Hui Opio Hawaii e ku nei, a oia hoi ke alakai o ka hui himeni i kapaia ka Hawaiian Glee Club.  He puukani oia ma ka himeni a he hooikaika hoi ma na hana kokua.

            Imua o ke kiure Hawaii i ka Poakahi i hala i hookolokoloia ai o D. Pipi a ahe wela no ka hewa hana bia a kuai (waiona) aku me ka laikini ole.  Kakahiaka Poaono nei oia i hoopaiiamai ai e Lunakanawai Kaapuni Kaaka e uku i $200 a me na koina.  No ka nele, ua hoihoi loa ia aku oia no Kawa e hana oolea ai a pau kona hoopai.  Oia ko makou luna lawe nupepa o lalo o Moanalua, a o kahi no ia ona i hana ai i keia hewa.

            Kakahiaka Poaha iho la i lele mai ai he mahele o na koa malina a me na luina o ka mokukaua Beritania Icaruso iuka nei e paikau ai, a ma ke alo iho o ka halekoa ma Haimoeipo kahi i hookahakaha nui ai.  Lehulehu na poe makaikai a he ku ka i ka mahaloia.  Loaa no hoi he mea ao aku i na aliikoa ike paikau ole o ko ke Aupuni mau pualikoa, a he nunui ka ia o na maka o lakou i ka nana pono.  He elua no paha minute, pau ke kaa pu i ka weheweheia a kukulu hou ia ae a like no me mamua.

 

Pai ka Hewa no ka Hewa

            Ma kela hihia oki mare a Wile Kaimana i hoopii ai i kana wahine, ua hookomo ae nei ka wahine imua o kia Aha Kaapuni i kahi la i hala ino la (Poaha) he hoopii oki nana i ke kane.  He moekolohe no ka hewa nui, a ua komo aku nei ina keia hoopii a ka wahine na inoa o eha wahine oiwi, oia o Fane Leleo, Isabela Pere, Ane Kalaudine a me Waikulani.

Poaono nei imua o Lunakanawai Kaapuui Kaaka i hooloheia ai ka hoopii oki a ke kane, a ma ke noi hoi a na loio o ka wahine, na hooloh@ia ka hihia me ke paniia o na ipuka, aohe no hoi na loio o ke kane i kue aku.  E loihi ana paha hoi ko ka Aha manawa e hooliloia ana ma ka hoolohe ana i keia hihia.

 

Na Haumana Kula

            Ma ka hoike helu lahui, he 12,616 ka nui o na haumana hele kula iloko o 1896 iho la ma kahi o 10,000 no 1890, he oi mahuahua hoi.  Eia iho ka hoike ma o na lahui la:

NA LAHUI                                                                1890                            1896

Hawaii                                                                    5,599                             5,307

Hapa Hawaii                                                          1,573                             2,198

Amerika                                                                      259                               386

Beritania                                                                      139                               200

Geremania                                                                   199                               253

Pukiki                                                                     1,813                             3,186

Norewai                                                                        56                                96

Farani                                                                              1                                8

Kepani                                                                            39                              261

Pake                                                                              262                             740

Paemoku Hema                                                              42                               92

Na Lahui like ole                                                            42                               52 

    Huina                                                               10,006                      12,616

 

            He Pukiki maluna o kona kaa paikikala ka i Hookui ae me kekahi keiki uuku i ka auwina la Poalua iho ma ke kihi o na alanui Moi nei me Betela, ma Polelewa aenei.

            Ma ka halawai ana o ka Papa Ola i ka auwina la Poakolu iho la, ua hiki ae o Kuhina Kupa a hoike aku la oia ana ke pani ma ko Peresidena Kamika wahi, i hoouna elele ia aku la no Wasinetona, a ua koho a hooholoia peia.  Eia ke hoolaha nei ke kakauolelo e like peia ae la.

            No ka hoeha a pepehi ana o Lipine Fern ia Misasa Isabela Aki, ua ahewaia oia imua o ka Aha Apana i Kakahiaka Poaono nei a hoopaiia e hoi i Kawa no hookahi malama hana oolea.  Pehea ka hoi ka lia a me ke aloha?  Ia wa like no i ahewaai hoopaiia ai o Kakaio no ekolu pule hoopaahao hana oolea no ia ano hewa like no, i hoeha i kekahi Pake.

            Ua haule kela hoopii koi poho no $1,000 a H. Leonada kue ia Kauka Makalelana imua o ke kiure haole i ka Poakahi i hala, ekolu poe kue.  Nolaila, ua hoi hou aku nei no ke kauka a me kana wahine no Rarotona maluna o ka mokumahu Monowai o ke ahiahi Poalima nei a ua lawe pu aku nei me koua keiki hana, me Elona Alapai, kekai o na keiki a J. Alapai i make.

            Ma ka mokumahu Dorica o kakahiaka La Pule i hala i kau aku ai o Konela Makalena no ka huli hoi loa ana no koua aina.  Ua haawi makaua ia oia e na pualikoa pualu me kekahi wati me kauia gula i ka po.  Poaono iho, a ua hoolauleaia hoi o Keoni Kamaki i waho o Pawaa i kahi po mamua iho.  O Porofesa Bega kekahi i haawi makana aku iaia me na mele Hawaii ana i kakau ai.

 

KELA A ME KEIA

            Ua haule iki kumukuai o ke kop@a, he 3 1-16 no ka paona i nei wa.

            I kahi wa paha o nei pule e wehe a e komoia ai ka halemai hou o na Pake.

            No Wailuku mai nei ka lono na makemake ole loa ko Iaila poe oiwi i ka mauao hoohuiaina. 

            E holo hoomaamaa kiki pu aku ana ka ka mokukaua.  Aleti no Lahaina i kahi wa o keia la.

            I ka la 25 ae paha e kaalele aku ai ka mokumahu hou Helene o ka Hui Waila ia Kapalakiko.

He 16 Pake i huli hoi aku no Kina ma ke Gelica a ua hala aku no nae ma ia moku like he kauoha no 626 poe Pake hou mai.

            Ua kuhihewaia ke pui olali o Hamakua, ka mokmahu Iwalani, oia ka mokumahu Miowera i ka wanaao o ka Poaha nei, a kani ana ke oeoe ahailono.

            Ua loaa makana mai ia Rikeke Mokimanu i ka wanaao o nehi nei, oia hoi, ua hanau mai na kana wahine, wa ko laua wahi mauka o Auwaiolimu, he kaikamahine.

            Ua noi iho nei o M@s@sa E. A. Nawahi e hoonohuia mai oia i kahu no kana i au keiki oo ole, a i ka Poaono nei oia i hookohuia mai ai e Lunakanawai Kaapuni Pere.

            Nui no na “ehu wawae o Kalani” iloko o ka pule i hala iho la, oia hoi, pa kikiao no ka ma kaoi hoopuehu lepo e pula ai na maka a nee no hoi kulukulu ua o luna mai.

            O ka mokumahu Warimu ko ka la apopo mai ka Akau no ka Hema, a o ka mokumahu Kulanakauhale o Pekina ko ka Poaono ae mai ka Ipuka Guia no ke Komohana.

            Ua hoopukaia ae nei ka hoopalau o Ilamuku Balaunu me Misi Me Atekinesona, kekahi kaikamahine a ke Kahukula Nui mua a lunahooponopono hoi o ka Hoku i nei wa.

            Ua loheia mai ua haki ke kano o ke au huila o ka mokumahu Belegica, a nolaila, aole paha hoi oia e ku mai ana i ka la 26 iho,. e like me ka papakuhikuhi, mai Iokohama mai.

            Ke hoomau nei no ka hele ana o na koa malina a me na luina o ka moku manuwa Pelekane e ku nei i ka pule, ma ke ano no e like me ka makou i hoike mua aku ai i ko lakou La Pule mua o ka hele ana.

            Alua auwina la Poaouo o ka hookuku paani kinipopo.  Pelekane ana ma ke kahua iwaho o Pawaa.  I keia Poaono aku nei, ua eo i ko kakou poe, a i keia iho la hoi, ua lilo ke eo i na keiki o ke kai mai.

            Ua kipa ike mai ko Wailuku hoohuiaina kaumaha, oia o A. Noa Kepoikai i ka Poakolu iho la, o ka pae ana mai ma ke Kinau o ka Poalua iho.  A ma ia moku no i huli hoi aku nei me kona 308 paona momona ke koikoi.

            He K@pani ka i ae i kona hewa imua o ka Aha Apana i kakahiaka Poalua iho la no ka aihue ana he $20, a ua hoouuaia no Kawa no eiwa malama hana oolea.  I ae paha hoi oia i  ke ike ana i ka nui loa o oa hoike kue iaia.

            Aia ma kahi okoa @e o nei helu he hoolaha kuai kuleana iloko o kekahi ma apana aina @ a kekahi mau keiki oo ole, a no ko Inua luaui, ke kahu a ka Aha Kaapuni i hookohu ai, e hoolaha nei.

            Ua hookohu a hookiekieia ae o Beni P. Zabalana, kakauolelo a ka Hope Ilamku, ma kahi i hoohakahakaia e W. J. Koelo, i hoopauia.  E paniia ae ana paha hoi koka inoa mua wahi e Kale Kilinawota (Charles Chillingworth.)

            Poakolu iho la i hanaia ai imua o ke kiure haole ka hihia kuai waiona me ka laikini ole o ka ona kane o ka hale auau Saratoga o waho o Waikiki a ua hookuuia.  O kahi iho o laua o kekahi hale auau i o aku, i kahi o keia mau la iho e hanaia ai.

            He hoolaha ia e puka aku nei ma keia helu, a e ikeia no ma kahi okoa ae, no ka Hui Panihakahaka Ahi Sapirinafila, a o W. F. Wilisona kona agena maanei, he mea no i kamaaina i o kakou nei.  Oiai, eia ke pii ae nei na hale lehulehu o na oiwi, he wa pono nei e ike ae ai iaia.

            Hora 11 a.m. o ka Poalima nei i ku mai ai ke mokumahu Monowai iloko o 6 la a me 20 hora mai Kapalakiko.  Ia ahiahi poeleele iho no i holo loa aku ai no ka Hema.  He mau ohua no kana i lawe mai no nei.  Ua uhao iho nei oia he 300 tona lanahu.

            No ka hoomainoino ana o kakahi mau Pake i kekahi mau iole i hopuia a paa, ua hoopaiia kahi o laua e ka Lunakanawai Apana i ka Poakahi i hala no umi la hoopaahao, a o kekahi iho hoi e uku i $4 me na koina.  Ua hoohalahalaia i ka Aha maluna ae.

            Poaha nei i hoomanao ai na Kepani i ka la poni o ko lakou Emepeoa mua, nona ka inoa o Jimini Teno, o ke kau ana ae i ka nohoalii iloko o ka makahiki 660 mamua aku o Karisto.  A o ia no hoi ka la hoomanao o ke kukalaia ana ae o ke kumukanawai iloko o 1889. 

            Kakahiaka nui wale o ka Poalua iho la i hoea mai ai ka mokumahu Gelica iloko o 6 la, 19 hora a me 43 minute mai Kapalakiko mai ma kanahuakai 56.  He mau ohua kakaikahi kana i lawe mai no nei, a no ke Komohana loa no ka oi aku, o ka haalele ana mai ia ahiahi molehulehu loa iho.

            Ke lohe hou ia mai nei no ka ikeia mai Lahaina aku o na mokukuua hoopahaohao i ka holoholo ae mawaho o Lanai.  Ua holo aku ka o Makai Nui Balauwina, o ka hiki ana ae mai Wailuku, a me Hope Makai Nui Kelekona, a he neo ka moku i loaa aku, eia nae, he 44 kini opiuma (ole o loko) i loaa aku ma kahakai.

 

E Hoopaa Poho

I Kou Hale a me na Pono o loko

mai ka poino ana i ke Ahi me ka

HUI

Panihakahaka Ahi Springfield

WAIWAI 1 $4,105,374.75

Oluolu a Haahaa loa ua hoouku ana

W. F WILSON, Agena

Helu 200, Alanui Kalepa, Honolulu

[@ 1@-6ml]