Ka Makaainana, Volume VII, Number 7, 15 February 1897 — Page 2

Ka Makaainana.

2          HONOLULU, OAHU, POAKAHI, FEBERUARI 15, 1897.

LEONE DE BOANE

KA MEA OHUMU KIPIO COADOVA

MOKUNA III.

ANO POLULUHI A HAKUMAKUMA.

[Mai ka Helu 6.]

            Ua aui loa ka la. E paahana loa ana o Gaberiela iloko o ka malapua, a iloko no hoi ka naita o kona keena, e moeuhane ana no no na hana mamua iho. Iaia e noho ana pela, me ke kalele o kona poo iluna o kona lima, kikeke ana kahi mea ma ka ipuka o waho loa. Aole oia i neeu i kiuohi; aka, i ka panaiia ana aku o ke kono, ua eu ae oia a hele aku la e pane; a ua haohao o hoohuoi ole no hoi oia i ka loaa ana aku o Abu Zama no ka, a me elua mau ukali puipui.

            "E ka Naita," i pane aku ai ko kiaaina, me ka leo o kekahi mea i hele aku no ka hooponopono a lawelawe ana i kekahi hana ano mau, "e koi aku ana au i kekahi mau wa pokole loa o kou manawa, ina ua hiki ia oe ke hookaawale mai."

            "Eia au ma kau hana, e kuu haku," i pane aku ai ka kakou kaeaea huluaa. "E komo mai ana anei oe i ko'u wahi nei?"

            Ua kauoha aku o Abu Zama i koha mau ukali e kakali iho laua ma ia wahi, a uhai aku la oia mahope o ka naita a kona keena ponoi.

            "E noho iho auoi oe?" i ninau aku ai o de Boane, me ka haawi aku no i noho ia wa like.

            "Aole," i pane aku aii ka Mua, "e ku no au." Ua loli ano e ae la kona ano, a me ke ano luaiele a ku i ka hopohopo o kona hiohiona. "Ua hele mai nei au," i hoomau hou aku ai oia i ke kamailio ana, "ma kekahi hana a'u i manao ai e hooponopono koke ia aku ana, a e hoomaka koke aku no hoi au no ia hana."

            "Ke hoolohe aku la au ma na ano a pau," wani a Leone, o ke kapae ana ae no hoi i kona noho.

            "Alaila, eia na hana la," i hoomau aku ai ka malihini kipahale, me ka leo kakana a puanuanu. "I ka po nei, mamuli o kahahi ulia, ua loaa ia oa he wa kupono loa e hooko aku ai i ke kahi hana auo nui loa i ka Lede Lula. I nei kakahiaka i hele pumai ai oe me ia a ke kulanakauhale nei. Aole au e ninau aku ana ia oe no kekahi mea i hala ae, oiai, ua lawa ko'u ike. Eia nae, e olelo ae hoi au, aole au i makapo loa e hiki ole loa ai ke ike aku i na mea i hanaia mai imua ponoi o ko'u mau maka; aole loa no hoi au he hupo e hiki ole ai ke heluhelu aku i kekahi mea ma kahi i nui ai o ke kakauia ana. A ano, e ke naita, ke hiki aku la a@ i kahi a'u i makemake ai. Ua kaawi aku o Baala Tama ia oe, iloko o kona piha hoomaik@i loa, i kou hoopika hiwahiwa ia ma kona bale. Ke ninau nei au ia oe--ua manao anei oe a ae aku kana kono?"

            "E kuu haku, ke ninau mai nei oe ia'u i kekahi ninau kamahao loa," i pane aku ai o de Boane me ke ano kuio a malie loa.

            "A eia nae he ninau ia a'u i makemake ai ia oe e pane mai."

            Aia iloko o keia mau huaolelo hope ana he wahi ano ku i ka hookiekie, nana hoi i hoopiipiikai koke aku i ka naita Karistiano, a ua pane aku oia me ke ano malie ole e like la me ia i ka wa mua:

            "O ke kipa ike ana aku i ke kahi hoa'loh@, he mea ia i pili i ko'u mau hana ponoi iho, a ua makemake ole loa  hoi au e ninauia mai au no ia mea."

            "E malama pono, e ka naita Karistiano. Eia io no au ma ke al@ e hooholomua loa aku ai i kou pono ponoi iho. E pane mai ana anei oe i ka'u ninau?"

            "Aole--aole loa au e pane."

            Ua puiwa ae la ka Mua me ke moo nahesa la i hoopuiwaia, a loli ano e ae la ka waihooluu o kona lohelohe lahilahi a malo haha koko ole.

            "Ua lawa ma ia mea," wahi ana. "Oiai hoi, aohe oe e pane mai i ka'u ninau, e hoolohe mai nae hoi oe i ka'u koi aku. Mai no oe a kipa aku i kauhale o Baala Tama?"

            "Aole au?" i puana paoai aku ai o de Boane, me he la ua hoomaopopo ole oia.

            "Aole loa oe!" He wahi ano pupuahulu no paha hoi keia, eia nae, ua manao au he mea pono loa ke hooponopono aku ia mau mea i ka wa kupono. Ina oe e haalele iho ana i keia mea ma kahi e ku nei keia wa, alaila, e maikai loa aku ana no hoi paha; aka, ina oe e hoopaakiki aku ana e hoomau i ka hooko aku i ka launa ana i loaa ulia mai ia oe iloko o ko ke kuniua ohana, o ka popilikia no ka mea e loaa aku ana ia oe."

Aole i pau.

            Ua lohe mai makou e hoouee ia ae ana ke keena o ka nupepa Ke Aloha Aina Oiaio a ma ke alanui Konia nei, mauka aku o alanui Hotele ma ka aoao ma Waikiki, i keia mau pule ae.

            Eia mai no makou ke oili aku la me na kuhinia like ole e momoui ai na haae, a i oi loa aku hoi no na lono nupepa e pili ana i ka Laui a kakou e noho mai la i Amerika, a he pomiakai nui hoi ia no ko makou poeheluheia.

NA MOKUPUNI.

Na Lono Haikau no ka Paeaina Holookoa.

Hui Aloha Aina ma Kawaipapa.

            Ua noho ka Hui Aloha Aina o Hana ma Kawaipapa, ma ka hale o John Kaleo, i ka la 4 o Feberuari nei. Ua nui na kane a me na wahine. Elua hui i noho ma keia halawai ana, oia hoi, ka hui o ua kane a me ka hui o na wahine. O ka hui o na kane ka i wehe mua ia na hana, na Peresidena P. K. Momoa o ka Hui Aloha Aina o Hana i malama i ka halawai. Nui na kane i akoakoa mai a hopu i keia hui, ua ku aku ke kakauolelo a hoakaka aku i ke ano keia hui me ka hoakaka pu i ka manao o ke kumukana wai, a ua apo na kane i keia hui. Ua kukuni paa ia ke aloha aina iloko o na kane o ua aina ua hooheno o Hana, a o ia iho keia:

"Noenoe Ua Kea o Hane, Hoapili o k@ Malualua."

            Mahope o ka pau ana o ko na kane halawai ana, ua noho ko ua wahine halawai i hoomaluia e Misasa G. P. W@@lehue, Peresidena. Ma ka nana ana i ka hui a na wahine, he ohohia me ka holomua, he ikaika, he hana io maoli me ka manaoio hana. Ke hana nei kei hoi o ua wahine a me ko n@ kane malalo o ke kumukanawai aui o ke Aloha Aina. He kauaha-kumamakolu na kane me ua wahine ma nei halewai ana.

            Mahope o ke pau ana @ ua hana, ua hoomakaukauia he papaai@a nui no na hoa aloha aina mai o kahi loihi, o ia hoi, he p@@a momona, na i'a hoi, na opihi, limu a me kekahi mau mea e ae, a me ka poi uouo kaohi puu. Nui ke ohohia a me ka mahalo i na hana a na aloha aina.

            Ke haawi nui ka Hui Aloha Aina holookoa o Hana i na hoomaikai ana a me na mahalo ana ia John Kaleo i ka hooiawa ana i keia lehulehu i ka ai me ka i'e. Ua ai a lawa i ka lokomaikai o ka haku hale.

                                    Kou oiaio,

G. P. KAUIMAKAOLE.

            Kakauolelo o k@ Hui Aloha Aina o na Hawaii o Hana.

Mokae, Hana, Feberuari 5, 1897.

Ho Mau Lede Ohua Kapena.

            Ma keia k@ ana mai nei a ka mokumahu Mauna Loa, ua lawe mai oia he elua lede ohua kapena, a hooleleia ma ke awa o Honuapo. I ka pili ana mai i ka uwapo, ike pono ia aku ai he mau lede ku no i ka hanohaweo, no laua na kolana like ole, oiai, he Hawaii p@aoi kekahi lede, h@ kamaaina ka ua me ka makani, no ke ahe laa niu o Honuapo, nona keia mau hoohene ana, penei:

"I ahona Honuapo i ka lau niu, Ka holu i ke ahe a ka makani."

            No kekahi lede h@i, he malihini oia, he hapa no ka Aina Pua. Kona hanau ana, n@ ka moku nui ua lewa i ke kai, noha keia lalani mele:

"Ha moku nui Kauai,

Ua lewa ike kai."

            Aole na ohua kapena i hookaukaulua iho no ka uwapo, mai ka waapa no a kau iluna o na lio; lawe a lilo ke kake o Lehua, no kauhale kamaaina ka pahu hopu, a hui, a uwe me ke mama o ka lede kamaaina, a he wa ia no ke k@makena ana mawaena o laua, oiai, he wa loihi i hala ae, akahi no a hoi mai ke kaikamahine.

            I keia wa a laua e kupouli nei ke aloha o Kanehoa, lohe aku nei kou mea kakau i ka leo uwe, "auwe kuu keiki!" a he wahi bebe ke holoholo aua ma waho me kona lio hoomaewa. Auwe! he keiki ka ka ilio e! Oia ka kona wahi hoa paani, oiai au e hoi ana no Naalehu; ke lohe nei i keia mea hou.

            Ma ka Poalima ae, ua ikeia aku na malihini e kamoe ana no ka uka waokeke, i kahi nona ka ua kaulana, o ia ka. Ua Haao, i holo i ke meleia e na poe kahiko, penei:

"Kuu haku i ka Ua Haao o Kau, Ke lele ae la mauka o Auaulele, Lele ka ua lele pu u@ me ka makani,

Kuu haku i ka wai Naukepoo o Kaha."

            Ike no hoi ka lede malihini i kahi o ka ua kauiaua o Kau nei, me ko laua pailaka, Misasa Maikuli.

            Ma keia la 23, Po@ono, ua naue hou ka lede malihini me kona mau pailaka, e ike i ka aina i ka ihu (Kalae), a ike no hoi ia Palahemo, he kawa lele na ko laila kaeaea, na Manuia. A ike no hoi i ka ilio kaulana--"@a ilio a Lono." He ililo punahele keia na Mi@ita Haili, he aumakua hi ahi no ia kaaka; a i keia lede hoi o ke aloalii o ka "emeperesa puuwai olu o Farani, Iosepine," lilo mai nei kekahi pep@iao o ka ilio hookalakupua. O ke kumu paha a Haili i haawi ai i ka ike he wahine, no ka mea, he wai olu ia no ke kanaka.

            Ua ike no i ka aina i ka ihu, ua hoi mai no me na "ahi" elua, ka i'a kaulana o ia aina nui palahalaha, e noke ai oe i ka huki i ke ahi a pau ko aho. He ma-u mau mea hou ia. Kou oiaio,

PUAIKAWAI.

Naalehu, Kau, Ianuari 25, 1897.

F. J. TESTA (Hoke).

MEA OHI A KOI AIE

Mea Huli Moolelo Aina a Waiwai ae paha.

Mea Unuhi a Mahele Olelo waii a Euelani paha.

Mea Hana Palapala Kanawai o na Ano pau.

Mea Kuai Mikini Humuhumu Lole.

Mea Hoolimalima a Hoolilo Aina.

Mea Kuai Waiwai no ka. Uku Komisina Haahaa.

Ua makaukau mau oia e lawe lawe i na aho hana a pau e haawiia mai ana iaia e hana. Kuike ka rula.