Ka Makaainana, Volume VII, Number 6, 8 Pepeluali 1897 — Page 7

Ka Makaainana.

 

NA AINA MAMAO

Mau Lono Huikau mai kela a me keia Wahi Like Ole

Anai ke Ahi a na Sepania

          No Ki Komohana, Felorida, ae ka lono i loaa i Nu Ioka, Ianuari 24, e olelo ana ua hoopuu@ia o Lasa Pamerasa, he 20 mile ma ka hema aku o Atemisa, e na poe koa kuahiwi o na Sepania i ke aumoe a puhi ahi aku la i na hale a pau.  I na poe o loko e holo ana iwaho, ua pau aku i ki poka ia, pau pu na wahine a me na keiki me na kane.  Lehulehu i pau i ka make iloko o ke ahi mamua ae o ka hou ana aku imua o na poka a ua Sepania.  A i ke ao ana ae, ua ikeia aku he 50 a oi na kino e mokaki mai ana iwaena o ka lehu.  Mahope iho o ka hao wale ana i na waiwai o loko o elua hale i koe mai i ke ahi, ua holo mahuka aku na koa kuahiwi (poe guerila) mai la wahi.

          Elua hora ma ia hope iho, mamuli o ka lohe ana i ka uina ina paapaaina o ke kani o na pu, ua hoea aku he puali Kuba a hoomaka aku la e uhai mahope aku o na Sepania.  I ka loaa ana aku, ua hoomaka ka hakaka ana, a mai loko mai o 70 poe guerila, he 35 wale no i pakele aku.

          Mai ko Generala Weila hoomaka ana e hele hou i ka kaua, ua pau iaia i ke puhi ahi ia he eha mau puuluulu kauhale, me ke ao aku i ka lehulehu e hoi a na wahi oi ae o ka nui i hoomaluia hoi e na koe.

 

Hoohui Aina Hou o Beritania Nui

          E hoohui ae ana o Beritania Nui i ke aupuni o Benini ma Aferika, a e kipaku aku ana i ka Moi, mamuli o ka luku wale ia ana o kekahi huakai Pelekane i komo aku ilaila.  Elua mau mea o ia kaoo i alakaiia ai e Kanikela Pilipi, no laua na inoa o Kapena Boisiragona a me Luna Kanikela Loke, i hoopakeleia mai mahope iho o ko laua hele auwana ana iloko o ka naeleele no kekahi hebedoma.  Ua pau loa aku ko lakou hapanui i ka lukuia e na kanaka ia lakou i hele maluhia aku ai ma ia apana me na mea kaua ole.  O na mea i pakele mai, ua loaa aku ua eha.  Aohe manaolana hou ana i koe no ka hoopakele hou ia aku o kahi poe e ae.

 

Loaa na Pualikoa Pelekane i ka Ma'i

          Ma ka pane ana ae o Haku Keoki Hamiletona, Kuhina no Inia, i na ninau iloko o ka Hale Makaainana (Ianuari 25) i hookahuaia maluna o ka mea i @oikeia ma ko Inia mau nupepa he 24,000 wale no ka i koe iho o ko Beritania mau koa a pau loa e noho la ma na halekoa o laila i lanakila mai na hookauhihi aku a ka ma'i ahulau ma kekahi ano a he 522 mai kela a me keia 1,000 o na koa ua hoopilikiaia mamuli o ka ma'i, ua ae aku oia aia io no he 522 poe ma'i iloko o na halemai no kela a me keia 1,000, aka, o ka hiki ole ke hana no ka ma'i, aia ia ma kahi o 46 iloko o kela a ma keia 1,000.  La pakui aku oia i kana pane aia kekahi komisina o ia oihana ke ninaninau la i ekia mea, a @ i ka wa e loaa aku ai o kana hoike e noonoo akahele ai ke Aupuni i nei ninau holookoa.

 

Aia Kipi ko Raiatea Poe

          E kala no hoi i loheia mai ai ua ala ae ko ka Mokupuni Raiatea poe e kipi aku i ke Aupuni o Farani.  A ua loheia ae hoi ma Kapalakiko, Kaleponi, Ianuari 23, i ka haalele ana aku o ka mokumahu Kulanakauhale o Papeete ia Tahiti, ua lilo kaokoa loa ka Mokupuni o Raiatea malalo o ka hoomalu aua a na kipi, aia nae hoi ke Aupuni ka manao la i kela a me keia wa no ka hoopuipuiia aku e kekahi mokukaua Farani, a ua kauohaia hoi e holo koke aku.  A hiki nae hoi i ka wa a ka moku i haalele aku ai, aohe mau hakaka ana, no ka mea, ua noho malie aku o ka Aupuni aoao i na heluna oi loa ae o ka aoao kipi.  O ka mokukaua i ku koke ae ai ma Kapalakiko, ua kauohaia e holo no laila, a ua manaoia ke hiki aku oia, e hoopio koke ia no e ia nei ala kipi hoohaunaele ana.

 

Nui ka Weliia ma Parisa

          O ke pioloke i hoopihoihoi ae ia Maseile, Farani, mamuli o ka make ana o eiwa poe ma na alanui i ka Poaono, Ianuari 23, i ukaliia ae hoi e ka lono ua loohia lakou i ka ma'i luku ahulau e holapu la ia Bomabe, Inia, ua ano akakuu mai na hopohopo i ka la 25 mai mamuli o ke oolea a kupaa o na luna oihana o ke Aupuni.  Ua paakiki loa lakou ma ka hoike ana ua loohia kela mau make mamuli o ka ma'i numonia laha.  Eia nae hoi, ma kekahi ano, ua lilo keia hoopioloke ana i mea no na luna oihana e papalua aku ai i na hooikaika ana e kipaku oolea i ke komo aku o ka ma'i ahulau mai kekahi aku o na awa i hoakakaia no ka hoopae aku i na waiwai kalepa o Inia mai.

 

Ko Makanile Kahua Hana no Cuba

          I kulike ai hoi me ka Senatoa Seremana mea i olelo ae ai ma kekahi ninaninauia ana aku oua, ua hoike ae oia he wahi loli uuku loa paha ka ko Makinile au hooponopono e pili ana ia Kuba mai ka mea i lawelaweia o Peresidena Kalivilana a me Kuhina Nui Olone, oia hoi, he kahua alakai komo keakea ole aku.  Ua olelo ae o Senatoa Seremana o na hoomaemae ana i hooiaia e haawiia ae ana, he haawi ana aku ia i na Kuba i ke kulana kuokoa maopopo maoli, a ua manaolana oia he mea ia e hoopau ai i ke paonioni, a o ka hopena no hoi ia o ia ninau.

 

Aia ka Wi ma Rodesia

          No lae Kaona (Kapetaona), Aferika Hema, ae ka lono i loaa ma Ladana, Ianari 23, aia ka ka wi ke laulaha la ma Rodesia.  He mau tausani o na wahine paele i hele a opa a wiwi me ka nananakea o na nanaina i hele aluka aku imua o na luua oihana paele o Buluwaio, e uwe aku ana no ka ai.  Aia ke pau ia kanaka no Buluwaio a ke huaiia ia kino make o na bipi i make i ka ma'i a i kanuia he eono malama i hala ae.  Ua ai hoonuu lakou i keia mau mea, a o ka hopena mai, ua nui ka ma'i a me ka make i waena o lakou.

 

Makemake o Farani i Aha-uwao

          Ua hoolahaia ae ma Ladana, Ianuari 19, he lono no Viena e olelo ana aia ka o Farani ke noonoo la no ke kukai ae i kekahi kuikahi aha-uwao me Amerika Huipuia ma ke ano like me ke kuikahi me Enelani.  E lilo no auanei hoi ia ano kuikahi i mea hoihoi loa ia ma Farani, a aohe no hoi he mau hopohopo ana no ka loaa o ka hooko pono ia ma ke ala e holo like ana i na aoao a elua.

 

Panailike ma Amerika Huipuia

          No Maderida, Sepania, mai kahi hoike palapala, e pili ana hoi i ke kuahaua Alii no Kuba, e olelo ana e kukaiia ae ana he kuikahi panailike me Amerika Huipuia, i oi loa aku hoi ka laula mamua ae o na kukai aua iloko o 1891 i lawelaweia mawaena o Senora Canovasa a me John W. Foster (Keoni Poka.)

 

Na Hunahuna Laulaha

          Ke oi loa ae la ka hopohopoia o ka ulu haunaele o na paele ma Girikualani, pele ka lono o Kapetaona o Ianuari 20, a aia ua ili-keokeo ke hopuuluulu la.  Ua kipi ae o Alii L@rotoda o Basalani.

          Ua hoohanohanoia o Peresidena Diaza o Mekiko e Emeperoa Uilama o Geremania me ka hoailona hoohanohano alii o ke ke'a kiekie loa o ka  Aeto Ulaula.  A o na Kuhina o ko na Aina E a me Waiwai o Mekiko, ua hoohanohanoia me na hoailona o ka Leialii.

          O kela haole opio o 26 makahiki wale no i hoikeia aku ai ma ka helu i hala na mare oia he 16 mau wahine iloko o 8 makahiki ma ua wahi like ole o ka Mokuaina o Tekasa, oia ka luaui o 19 poe keiki liilii.  Ikaika no oia i ka ha@@ kanaka, me he la he ano holoholona a puni lealea loa oia o ke ano wahapaa wale no.

          Mamuli o na olelo ike hookahi hoike wale no, ua hooliloia ko H. J, Makadonala, keiki a ko Kuhina Nui i make kohoia ana i lunamakaainana no Winipego, Manitoba, i mea ole.  He  agena keia hoike no Makadonala, a ua ae oia i ka hoolimalimaia o na kaa e lawe i na poe koho no kahi e koho balota ai.  Ua kue loa ia ano hana i ko Kanada kanawai koho balota.

 

O KAMAA WALE NO!

Pomaikai no ka Mea Ilihune

          Ma keia mua aku he 5% ke hoolaweia ana no kela a me keia kuai ana ma ka dala kuike ma na waiwai a pau o ko makou halekuai.  E hoomanao ua kau moakaka ia kumukuai kuike maluna o kela a me keia mea no ke kuai aku.  Noliala, he pomaikai ke kuai ma o ko makou nei halekuai, ua like me he 10 pa-keneta a oi ma na wahi @ ae i kau moakaka ole ia kumukuai.

          Mamuli hoi o ka nui o ka makou hana i ka makahiki 1896 i pau iho la i konoia mai ai makou e hana aku e like me keia ae la, i mea hoi e pomaikai ai o ko makou poe kuai mai a e hoomahuahua loa aku ai no hoi kahi i ka makou hana.  O kamaa wale no ka makou e lawelawe nei, i loaa mai ma ke kuai kukaa a ua emi loa iho i ka ko na poe e ae maanei; a nolaila, pela no hoi paha e hoemi loa ia iho ai kumukuai o na kamaa i hiki ole i na wahi e ae ke hoohoa mai.

          No ka oluolu, ka heahea a me ka hookipa maikai mai ke kumu i pii mau ai o ka makou hana a ke hauoli nei no ia mea.  Aia ka makou mau kamaa ma na wawae o na poe kupono a pau mai Hawaii a Niihau.  E kipa a e hoao i ko makou Halekuai Kamaa, a ua hoihoiia kela a me keia ke komo mai, ina no aloe e kuai ana.

HUI KAMAA O NA POE HANA

D.B KAMIK

Luna Nui

Alanui Papu, makai mai o ke kihi o Monikahaae                  jry. 25 -tf.

 

 

HELE HOOLUOLU

O. R. L. Co.

MA NA POAONO A ME NA LA PULE.

          E haalele mai no na Kaamahu i na hora 9:15 A.M. a me 1:45 P.M., a hoea hoa mai i Honolulu nei ma na hora @:11 A.M. a me 5:55 P.M.

                                                          Na Palapala Uku Puni

                                                                           Papa 1        Papa 2.

                                                Manana              $   75        $   50

                                                Mahiko o Ewa       1 00              75

                                                Waianae                 1 50           1 25

F. C. Smith

Agena Ohua a Palapala Nui

feb10-tf

 

 

Hui Papa a Kukulu-Hale Oahu

(Oahu Lumber & Building Co.)

Leleo, Alanui Moi, kokoke i ke Kahua o ka Hui Alahao & Aina Oahu

         Peo Kalepa Laau, Hana Aelike a me Kukulu Hale.

Poe Hookomo Mai a Hoolilo aku i na

Puka, Olepelepe, Kui,

Pepa, Pena, Ail@,

Na Pono Kamana,

A pela aku, a pela aku

Telepone 58         Pahu  Leta

@@@ @@@@